Read kalabari Маркин бичсн Сән Зәңг 10 Bible Online

Маркин бичсн Сән Зәңг 10 - kalabari bible

Маркин бичсн Сән Зәңг 10

¹Бәәсн һазран үлдәһәд, Исус Йордан һолын телтр көвәд бәәсн Йудьяд ирв. Исусин өөр дәкн олн күн цуглрв. Исус тедниг өмнк кевәрн сурһв.

²Исус тал паршмуд чигн ирв. Тедн Исуст мектә сурвр өгәд, үг деернь бәрҗ авхар седәд: — Залу күүнд гергнәсн салх зөв Закан өгнү? — гиҗ сурцхав.

³— Моше таднд ю закв? — гиҗ Исус өмнәснь сурв.

⁴— Моше зөв өглә, зуг залунь гергндән салҗанав гисн цаас бичҗ өгх зөвтә, — гиҗ паршмуд хәрү өгв.

⁵— Моше тана хату зүркитн үзәд, таднд тиим зака өглә, — гиҗ Исус келв, —

⁶Бурхн түрүләд «залу гергн хойриг үүдәҗ». «

⁷Тер учрар көвүн күн һарсн эк эцкән үлдәһәд авальтаһан ниилх,

⁸тедн хоюрн нег бий цогц болх». Тегәд хойр күн биш нег цогц махмуд болҗ тоолгдна.

⁹Бурхн ниилүлсн юмиг күн бичә салһтха, — гив.

¹⁰Хөөннь герүр орад, сурһульчнрнь энүнә тускар дәкн Исусас сурцхав.

¹¹[11-12] — Авалясн салад, талдан герг авсн күн — күүнә авальта дерән негдүлҗәх күн. Күүкд күн чигн залуһасн салад, талдан залуд одхла, тер бас оңдан залута дерән негдүлҗәх күүкд күн, — гиҗ Исус хәрү өгв.

¹²

¹³Эк-эцкнь Исусар һар күргүлхәр бичкн күүкдән авч ирҗ. Сурһульчнрнь тедниг хөрв.

¹⁴[14-15] Исус терүг үзәд, икәр уурлв: — Нанур бичкдүдиг авч ирхлә, бичә хөртн. Юңгад гихлә, бичкдүдлә әдл улс Бурхна йоснд орх. Кен Бурхна ориг эн бичкн күүкдлә әдл седклдән эс орулхла, тер күн Терүнд орҗ чадшго, гиҗ Би үнәр келҗәнәв, — гив.

¹⁵

¹⁶Тегәд Исус бичкдүдиг теврәд, һар күрәд йөрәв.

¹⁷Исусиг һарад йовҗ йовтл, нег күн өөрдҗ ирәд сөгдәд: — Буйнта Багш! Мөңк җирһл эдлхин төлә ю кех зөвтәв? — гиҗ сурв.

¹⁸— Юңгад Намаг буйнта гиҗ нерәдвч? Һанцхн Бурхн буйнталм.

¹⁹Бурхна заквриг эс меднчи? «Кү бичә ал», «Залу гергн хойрин иткл бичә эвд», «Хулха бичә ке», «Күүнә тускар худлар бичә герчл», «кү бичә мекл», «эк эцк хойран күндл», — гиҗ Исус түүнәс сурв.

²⁰— Багш, энүг би бичкнәсн авн күцәдв, — гиҗ тер күн келв.

²¹Цуг әмтнд дурта кевәрн Исус тер күүнд дуран үзүләд: — Негхн юмн чамд күцҗәхш. Бәәсн юман цугинь хулдад, угатя улст мөңгинь түгәчк. Тиигхлә теңгрт байн зөөртә болхич. Дарунь Нан тал ирәд, Намаг дахад йов, — гив.

²²Дегд ик байн бәәсн төләдән тер күн һундлта бәәдл һарад, чирәнь оңһдарад йовҗ одв.

²³— Байн күүнд Бурхна Йоснд орхд басл берк юмн! — гиҗ Исус сурһульчнр талан хәләһәд келв.

²⁴Сурһульчнрнь тер келсн үгднь өврцхәв, зуг Исус давтв: — Күүкд минь, Бурхна Йоснд орхд басл кецү!

²⁵Байн күн Бурхна Йоснд орснд орхнь темәнд зүүнә сүвәр орхд амр.

²⁶Сурһульчнрнь улм өврәд: — Тиигхлә кен әмән аврҗ чадхмб? — гиҗ сурцхав.

²⁷— Күн әмән аврҗ чадшго. Болв Бурхн цугинь кех, — гиҗ Исус сурһульчнр талан хәләһәд келв.

²⁸— Бидн бәәсән үлдәһәд, Таниг дахҗ йовхинь Та үзә бәәнмт? — гиҗ тиигхләнь Пётр келв.

²⁹— Үнәр келҗәнәв, эврәннь герән, эк-эцкән, эгчнрән, ах-дүүнрән, үрн-садан, һазр-усан Мини төлә болн Сән Зәңгин төлә үлдәсн күн

³⁰тер эн насндан зун холван үлү гер-бүлтә, эк-эцктә, ахнр-дүүнртә, үртә-садта, һазр-уста болх. Тер күн дала зовлң чигн үзх. Цагнь ирхлә, тер күн мөңк җирһл эдлх.

³¹Зуг хамгин түрүңксиннь ик зунь хамгин сүүлңкнь болх. Сүүлңкнь — хамгин түрүңкнь болх, — гив.

³²Цугтан Ерусалим орцхав. Исусин ардас өврмҗтә бәәсн сурһульчнрнь болн сүрдсн улс йовцхав. Исус арвн хойр сурһульчнран әмтнәс хооран дуудҗ авад, Бийләнь ямаран үүл учрх зөвтәһинь келҗ өгв.

³³[33-34] — Бидн Ерусалимур өөрдҗ йовнавидн. Тенд Би, Күмни Көвүн ах гелңгүдин болн ном цәәлһәчнрин һарт бәргдхв. Намаг алх шиидвр һарһад, буру номта улст бәрҗ өгх. Теднь наад бәрх, Нанд нульмх, цокх, аш сүүлднь алх. Болв һурв хонад, Би әмдрхв, — гив.

³⁴

³⁵Исус тал Зебедана көвүд Яков Йохан хойр өөрдәд: — Багш, мана сурсиг күцәхитн эрҗәнәвидн, — гицхәҗ.

³⁶— Келх үгән келтн, соңсҗанав, — болв.

³⁷— Тана туурмҗта орн-нутгт мадн хойриг барун бий талан болн зүн бий талан суулһит? — гиҗ сурцхав.

³⁸— Тадн ю сурҗахан медҗ бәәхшит, Мини үзх зовлңгиг тадн дааҗ чадхвт? Мини үклиг тадн дааҗ чадхвт? — гиҗ Исус сурҗ.

³⁹— Дааҗ чадхвидн, — гиҗ теднь хәрү өгч. — Мини үзх зовлңгиг тадн чигн даахит.

⁴⁰Мини үкләр чигн тадн үкхит, болв Нанас барун талнь эс гиҗ зүн талнь суух эс суухинь Би йилһҗ чадшгов. Урдаснь шүүҗ авсн әмтн тер ормд суух, — гиҗ Исус хәрү өгч.

⁴¹Наадк арвн сурһульчнрнь эн сурврин тускар соңсчкад, Яков Йохан хойрт уурлцхав.

⁴²— Буру номта хаадуд әмтән даҗрдгинь, нойдуднь әмтн деер эзн болдгинь тадн меднәлмт.

⁴³Тадн дунд тиим юмн болх зөв уга. Тадн иигтн: танас алдр болхар седснь, тана зарц болх йоста.

⁴⁴Ахлач болхар седснь — тана мухла болх йоста.

⁴⁵Күмни Көвүн кү зархар биш Бийнь әмтнд заргдад, тедниг аврхин төлә әмән өгх зөвтә, — гиһәд Исус тедниг дуудҗ авад келв.

⁴⁶Исус сурһульчнртаһан Ерихо балһснур ирәд, невчкн зуур бәәҗәһәд һарад йовҗ. Хаалһин хаҗуд Бар-Тимә гидг нертә Тимән сохр көвүн, һууль һууһад сууҗ.

⁴⁷Хаҗуһарнь Назаретин Исус давад йовҗ йовсинь соңсчкад: — Давидин Көвүн, Исус! Бийм хәәрлит! — гиһәд тер күн хәәкрҗ.

⁴⁸— Бичә хәәкр! — гиҗ әмтн терүг хөрв. Болв Бар-Тимә: — Давидин Көвүн! Бийм хәәрлит! — гиһәд улм чаңһар хәәкрв.

⁴⁹Исус зогсад, терүг дуудтха гив. — Бичә ә, өөрдәд од, чамаг дуудҗана, — гиҗ әмтн тер сохр күүнд келцхәв.

⁵⁰Бар-Тимә, деерк хувцан тәәләд хайчкад, Исусур өөрдв. —

⁵¹Юн кергтә болад дуудвч? — гиҗ Исус сурв. — Багш, нүдндм хара орулыт! — гиҗ тернь эрв.

⁵²— Йов, чини итклчн чамаг эдгәв, — гиҗ Исус келв. Сохр күн тер дарунь үздг болад, Исусин ардаснь дахв.