Read kalabari Маркин бичсн Сән Зәңг 16 Bible Online

Маркин бичсн Сән Зәңг 16 - kalabari bible

Маркин бичсн Сән Зәңг 16

¹Бемб өдр давсна хөөн Магдален хотна Марий, Яковин эк Марий, Салома һурвн Исусин цогцднь түркхәр каңкнсн үнртә тос хулдҗ авсмн.

²Нарн өдр өрүн өрлә, шиңкән өр цәәҗәтл күүкд улс оршасн һазр тал йовцхав.

³— Тер ик чолуг кен маднд хооран кеҗ өгхмб? — гисн уха зууран ухалад тедн йовцхаҗ.

⁴Зуг тедниг өөрдәд ирхлә, чолун уулын көндәһәс хооран кегдҗ одсинь үзгдв. (Тер дегд ик чолун бәәҗ.)

⁵Уулын көндәһүр орхла, нег баһ наста күн дуд цаһан хувцта барун бийд сууснь үзгдв. Күүкд улс йир икәр сүрдв.

⁶[6-7] — Бичә сүрдтн, тадн кирсд хадгдсн Назаретин Исусиг хәәҗ йовна эсийт? Тертн әмдрҗ одла! Тертн энүнд уга. Кевтсн орминь үзтн. Пётрт болн наадк сурһульчнртнь иигҗ келтн: Урднь келсәрн, Тер тадниг Һалильяд күләх, — гив.

⁸Күүкд улс дегд икәр әәхләрн, күүнд үг келҗ чадлго, оршасн ормас һарад гүүцхәв. [

⁹Нарн өдр әмдрәд, Исус Магдален хотна Марий (урднь энүнәс Исус долан хар сәкүс көөҗ һарһсмн) түрүн болҗ үзгдв.

¹⁰Урднь Исусиг дахҗ йовсн, Терүнд зовад, ууляд суусн әмтнд Марий гүүҗ одад үзсән келҗ өгв.

¹¹Теднь Исусиг әмдрснд болн Марийд үзгдв гиснд итксн уга.

¹²Исус талдан бәәдл һарад, селән орҗ йовсн күүнд бас үзгдҗ.

¹³Тер хойриг ирәд келхләнь, әмтн бас иткҗ уга.

¹⁴Хөөннь арвн негн сурһульчнртан хотан ууҗатлнь Исус ирҗ үзгдҗ. Иткл уга болн хату зүрктәдән Исусиг үзсн әмтнд эс иткснднь сурһульчнран шоодҗ.

¹⁵— Делкә эргәд, Сән Зәңг олн әмтнд тархатн.

¹⁶Сән Зәңгд иткәд, бийән уснд кирслснь авргдх, эс иткснь — засгдх.

¹⁷Иткснь иим өвәрц йовдл һарһҗ чадх: Мини нерн деерәс хар сәкүсдиг көөҗ һарһх, шин келәр келх.

¹⁸Хорта моһа һартан авв чигн, хор уув чигн үкшго. Итксн улс гемтә улс деер һаран тәвхлә, теднь эдгҗ одх, — гиҗ Исус келв.

¹⁹Теднлә күүндснә хөөн Деед Эзн деегшән өөдләд, теңгрт күрәд, Бурхна барун талнь суув.

²⁰Терүнә сурһульчнрнь нарта делкә эргәд, олн әмтнд Сән Зәңг тархав. Йовсн һазртнь Деед Эзн теднд нөкд болад, теднә тархалһиг өвәрц йовдлар батлсмн. Тиигҗ учрсмн.] [1]