Read kalabari Йохана бичсн хойрдгч бичг 1 Bible Online

Йохана бичсн хойрдгч бичг 1 - kalabari bible

Йохана бичсн хойрдгч бичг 1

¹Шүүҗ авсн аһ болн тана үрдүд! Би чонҗин ахлачин негньв, таднд менд илгәҗәнәв. Би үнн седкләрн таднд дуртав. Һанцхн би биш, Бурхна үн медсн улс чигн бас тиигҗ таднд дурта.

²Яһад гихлә, Бурхна үнн маднла. Тер маднла мөңкиндән бәәх.

³Бурхн Эцк болн Эцкин көвүн Исус Христос йосндан иткдг болн хоорндан дурта болдг маднд цаһан сана күргҗ амулң-менд бәәхиг өршәтхә!

⁴Зәрм Тана үрдүдиг Эцкин заасн зааврар Бурхна үн дахҗ бәәдгинь соңсад, икәр байрлв.

⁵Күндтә аһ! Нег-негндән дурта болтн, гиҗ сурҗанав. Би Танд шин заавр бичҗәхшв. Эн заавриг бидн эклцәс авн авлавидн.

⁶Дурта болх гиснь, Бурхна заавриг күцәх. Тер заавр иим: нег-негндән дурта болтн. Энүг күцәхин төлә эн заавриг тадн эклцәс авн соңслат.

⁷Кесг худлч улс һазрт ирҗ. Тедн: «Исус Христос һазр деер күн болҗ төрсн уга», — гиҗ келнә. Тиигҗ келсн күн худлч болн Христосин өшәтн мөн.

⁸Болһатн! Мана кесн көдлмшиг бичә үрәтн. Болв ач-тусан күццднь эзлтн.

⁹Христосин номас хаҗиһәд, Терүг дахҗ бәәдго күн Бурхн уга бәәнә. Христосин номиг дахҗ бәәдг күн Бурхн Эцклә болн Көвүнлә ниицңһү бәәнә.

¹⁰Христосин номиг заадго күн тадн тал ирхлә, бичә гертән орултн, бичә терүнлә мендлтн.

¹¹Терүнлә мендлдг күн терүнлә хамдан му йовдл кенә.

¹²Би дала үг чамд келхәр бәәләв: Зуг цугинь цааснд бекәр бичхәр седҗәхшв. Чамла чирәһәрн харһад йир икәр байрлхвидн гиҗ нәәлҗәнәв.

¹³Шүүҗ авсн Тана эгчин үрдүд Танд менд илгәҗәнә.