Read kalabari Suku-saakị 5 Bible Online

Suku-saakị 5 - kalabari bible

Suku-saakị 5

¹Mie Adamụ furo ḅụ ḅụọ-ḅụọ ma paka-ḅo ḅara ḅe ḍiri mẹ. Tamụnọ tomi tẹmẹ sakị, ori ịn kẹ ori Tamụnọ ḅe sime-ḅara kịkama tẹmẹm.

²Owiḅọ na, ẹrẹḅọ na mie ọ̀ kẹ ịn tẹmẹ ḅara, tẹ ọ̀ nwẹnị ịn boma, tẹ ịn sịn “Tomi” ori ịn tẹmẹ sakị mẹ ḅụ.

³Adamụ sịḅị kụra sonioa asi oyi finji (130) ḅọrọ tẹso, ori ò sime-ḅara sime tẹ ọ̀ kịkarị gbọrụ owiḅọtụḅọ iyim tẹ ẹrẹ kẹ ọ̀ sịnm Sẹtị.

⁴Adamụ Sẹtị iyi tẹso, ọ̀ kẹ ḍumo-sime aḍin anie kụra maa ẹndẹ (800); tẹ ọ̀ ja owiapụ-awọmẹ na, eremịna-awọmẹ na iyim.

⁵Mị-ḅara ḅụ Adamụ kẹ ḍumo-sime ene mamgba anie kụra maa ẹndẹ sọnọa asi na suei finji (930), tẹ ọ̀ fịịm.

⁶Sẹtị sịḅị kụra sọnọa asi sọnọa akụra finji (105) ḅọrọ tẹso, ori Ẹnọsị iyim.

⁷Ori Ẹnọsị iyi tẹso, Sẹtị kụra maa ẹndẹ sọnọma akụra finji (807) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

⁸Mị-ḅara ḅụ Sẹtị kẹ ḍumo-sime ene mamgba anie kụra maa ẹndẹ sọnọa asi finji na oyi maa akụra finji (912) na, tẹ ọ̀ fịịm.

⁹Ẹnọsị sịḅị kụra inia asi oyi finji ḅọrọ tẹso, ò Kenanị iyim.

¹⁰Ò Kenanị iyi tẹso, Ẹnọsị kụra maa ẹndẹ na jeia akụra finji (815) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹¹Mị-ḅara ḅụ Ẹnọsị kẹ ḍumo-sime ene mamgba anie kụra maa ẹndẹ sọnọa asi finji na sọnọa akụra na (905), tẹ ọ̀ fịịm.

¹²Kenanị sịḅị kụra atesi oyi finji (70) ḅọrọ tẹso, ọ̀ Mahalalẹlị iyim.

¹³Ọ̀ Mahalalẹlị iyi tẹso, Kenanị kụra maa ẹndẹ na mesi finji (840) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹⁴Mị-ḅara ḅụ Kenanị kẹ ḍumo-sime ene mamgba anie kụra maa ẹndẹ sọnọa si finji na oyia akụra na (910), tẹ ọ̀ fịịm.

¹⁵Mahalalẹlị sịḅị kụra atesi sọnọa akụra finji ḅọrọ tẹso, ọ̀ Jarẹdị iyim.

¹⁶Ọ̀ Jarẹdị iyi tẹso, Mahalalẹlị kụra maa ẹndẹ na suei finji (830) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹⁷Mị-ḅara ḅụ Mahalalẹlị kẹ ḍumo-sime ene mamgba anie sọnọa akụra ofori kụra maa ẹndẹ na sọnọa asi finji (895), tẹ ọ̀ fịịm.

¹⁸Jarẹdị sịḅị kụra ninea asi maa akụra finji (162) ḅọrọ tẹso, ori Ẹnọkụ iyim.

¹⁹Ori Ẹnọkụ iyi tẹso, Jarẹdị kụra maa ẹndẹ (800) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

²⁰Mị-ḅara ḅụ Jarẹdị kẹ ḍumo-sime ene mamgba anie kụra maa ẹndẹ sọnọa asi finji na kụra atesi maa akụra finji (962), tẹ ọ̀ fịịm.

²¹Ẹnọkụ sịḅị kụra atesi sọnọa akụra finji (65) ḅọrọ tẹso, ọ̀ Mẹtusẹla iyim.

²²Ọ̀ Mẹtusẹla iyi tẹso, Ẹnọkụ kụra jeia asi (300) kẹ Tamụnọ na gbọrụ ḅụ mẹnjị tẹ ọ̀ ḅịḅị pokim tẹ ja owiapụ-awọmẹ na, eremịna-awọmẹ na iyim.

²³Mị-ḅara ḅụ Ẹnọkụ kẹ ḍumo-sime ene mamgba anie sọnọa akụra ofori kụra jeia asi na tesi oyi finji (365).

²⁴Ẹnọkụ Tamụnọ na gbọrụ ḅụ mẹnjị tẹ ọ̀ ḅịḅị pokim, anie ḅụ tomi ḅarị ori ẹrị-a, gbala Tamụnọ ori ọkịm ẹrẹsị.

²⁵Mẹtusẹla sịḅị tẹra akụra ofori kụra esenia asi oyi finji (187) ḅọrọ tẹso, ọ̀ Lamẹkị iyim.

²⁶Ọ̀ Lamẹkị iyi tẹso, Mẹtusẹla maa akụra fa si ofori kụra maa ẹndẹ (782) kẹ ḍumo-sime tẹ ja owiapụ-awọmẹ na eremịna-awọmẹ na iyim.

²⁷Mị-ḅara ḅụ Mẹtusẹla kẹ ḍumo-sime ene mamgba anie kụra asuei gbọrụ kụra fa, kụra maa ẹndẹ oyia asi finji (969), tẹ ọ̀ fịịm.

²⁸Lamẹkị sịḅị kụra esenia asi na maa akụra finji (182) ḅọrọ tẹso, ọ̀ gbọrụ owiḅọtụḅọ iyim,

²⁹tẹ ẹrẹ kẹ ọ̀ sịnm Noha, tẹ ḅẹẹm, “Kiri mẹ tẹ Tamụnọ wori tẹ ye mẹ ḅụ wamịna kọrịnama na, wa wamịna aḅara kẹ lịlịtẹ kọrị kọrịnama ma na ḅụ ḅị tụḅọ ḅe ḅarasụa ọkị-ḅo wa pịrị ḅa.”

³⁰Ò Noha iyi tẹso, Lamẹkị sọnọa akụra ofori kụra gbọrụ ẹndẹ oyia asi finji (595) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

³¹Mị-ḅara ḅụ Lamẹkị kẹ ḍumo-sime ene mamgba anie: si tẹra akụra finji ofori kụra maa ẹndẹ (777), tẹ ọ̀ fịịm.

³²Noha sịḅị kụra gbọrụ ẹndẹ sọnọa asi finji (500) ḅọrọ tẹso, ọ̀ Sẹmụ na Hamụ na Jafẹtị na iyim.