Read kalabari 1 Paka-aị 23 Bible Online

1 Paka-aị 23 - kalabari bible

1 Paka-aị 23

¹Tọnwa aḍin Devidi sịḅị ḅọrọtẹ ori omongi tẹso, ọ̀ nwẹnị ori owiḅọtụḅọ Sọlọmọnị kẹ Izirẹlị ḅụ ama-dama.

²Devidi Izirẹlị ḅẹ tọrọkọ tarị apụ mamgba na, agbamịẹapụ ma na, Livayị furo-ḅẹ-apụ ma na sịn kobirim.

³Livayị furo-ḅẹ-apụ ḅụ kụra suei ọkị iwo sịḅị ḅụ ḅọrọtẹ owiapụ mamgba kịẹn-ḅịḅị kịnị inia apuku jei ẹndẹ finji (38,000).

⁴Devidi ḅẹẹm, “ịna ḅụụ kịnị tẹra puku (24,000) KỊNỊNYANAḄỌ ḅe warị ḅẹ kọrịnama kọrị ḅa, kịnị jei ẹndẹ (6,000) kọrịnama kiri ḅẹ opu-apụ na ḅẹrẹkọn-apụ na sọ ḅa,

⁵kịnị oyi ẹndẹ (4,000) ogigo-aḅọkọ ḍikiḍiki apụ sọ ḅa, tẹ kịnị oyi ẹndẹ (4,000) pịkị à KỊNỊNYANAḄỌ ḅe tokini gotẹ mịẹ wararị farị-farịaị ma farị-farị ò tokini ḅa.”

⁶Livayị owiapụ-awọmẹ Gasọnị na Kohatị na, Mẹrarị na afuro ma wẹrịtẹ sime-ḅara mie Devidi ḍiki tẹ ọrụtọn ḅara ḅụ kọrịnama mẹ ḍiema ḅara.

⁷Gasọnị owiapụ-awọmẹ ma anie: Ladanị na, Simeyi na.

⁸Ladanị owiapụ-awọmẹ ma anie: Jeyẹlị sịḅịdaḅọ ḅe na, Zetamụ na, Jowẹlị na, inimgba ini tẹra apụ finji.

⁹Simeyi owiapụ-awọmẹ ma anie: Sẹlomoti na, Eziyẹlị na, Eranị na, inimgba ini tẹra apụ finji. Mịna apụ ma anie Ladanị afuro ma sịḅịdapụ ma.

¹⁰Simeyi owiapụ-awọmẹ ma anie: Jahatị na, Zina na, Jehusu na, Bẹraya na. Mịna apụ ma anie Simeyi owiapụ-awọmẹ ma, inimgba inia apụ.

¹¹Jahatị anie mgbe, Zina gbolo, kụma Jehusu na Bẹraya na tọnwa owiapụ-awọmẹ iyi-a; anịẹrẹsị ini ịn kẹ gbọrụ furo-ḅẹ-apụ kịẹnm tẹ gbọrụ kọrịnama kẹ in pịrịm.

¹²Kohatị owiapụ-awọmẹ anie Amịramụ na, Iza na, Hẹbụrọnị na, Uziyẹlị na, inimgba ini apụ.

¹³Amịramụ owiapụ-awọmẹ anie Erọnị, Mozizi na. Erọnị ini ò sikima kẹ fịafịa tẹịn aị ma mịẹ fịafịa ma pịrịm, mịnẹ ori na ori owiapụ-awọmẹ na sime KỊNỊNYANAḄỌ ḅe tọrọkọ kụnụaị dọkịma pịrị gbamaso ḅa.

¹⁴Kụma in Mozizi Tamụnọ tomḅọ ḅe owiapụ-awọmẹ ma ẹrẹ go Livayị furo mẹ ḅụ sunm.

¹⁵Mozizi owiapụ-awọmẹ ma anie: Gasọnị na, Ẹlịyeza na.

¹⁶Gasọnị owiapụ-awọmẹ ḅụ Sẹbuwẹlị sịḅị dam.

¹⁷Ẹlịyeza owiḅọtụḅọ anie Rehabaya, ori anie sịḅịdaḅọ. Ẹlịyeza ò jen owiḅọ iyi-a, kụma Rehabaya tọnwa ḅara kẹ owiapụ iyim.

¹⁸Iza owiapụ-awọmẹ ḅụ Sẹlomiti sịḅị dam.

¹⁹Hẹbụrọnị owiapụ-awọmẹ anie: Jeraya sịḅịdaḅọ mgbe, Amaraya gbolo, Jahazịyẹlị gbolo palịḅọ, Jekamehamu ini karama ḅọ.

²⁰Uziyẹlị owiapụ-awọmẹ anie: Mayịka sịḅịdaḅọ na, Isaya maaịn karama ḅọ.

²¹Mẹrarị owiapụ-awọmẹ anie: Mali na, Musi na. Mali owiapụ-awọmẹ anie: Ẹlịyeza na, Kịsị na.

²²Ẹlịyeza owiapụ iyi-a, kụma ereme-ereme ngẹrị iyi tẹ fịịm. Ịna mịnapụ Kisi owiapụ-awọmẹ nwẹnị in sime.

²³Musi owiapụ-awọmẹ anie: Mali na, Ẹda na, Jeremọtị na, inimgba tẹra apụ.

²⁴Mịna apụ ma anie Livayị owiapụ-awọmẹ ma tẹ amịna ḍapụ awarị ḅụ sịḅịdapụ tẹ ḍa warị-warị ḅụ in wẹrịtẹ tomḅọ sịḅị-sịḅị ẹrẹ ma kịẹn-ḅịḅị kẹ ḍiri ḅio sụa apụ ma, si kụra sịḅị ḅụ ḅọrọtẹ apụ ḅụ saakị iwo; ini ma tẹ KỊNỊNYANAḄỌ ḅe warị ḅẹ kọrịnama mẹ kọrị ḅarị apụ.

²⁵Kẹ gotẹ ọkọ ḅẹẹarị, Devidi ḅẹẹm, “KỊNỊNYANAḄỌ Izirẹlịapụ tẹkẹarị Tamụnọ ḅe dein kẹ ori atomi pịrị tẹẹ; tẹ ò Jeruselemu ḅụ anga gbamaso ḅa.

²⁶Anieḅụ Livayị furo-ḅẹ-apụ ma ḅarị jen kẹ Ọḅọkụ-Igbe mẹ koko akpụrụ-warị mẹ, anịanịa kẹ anị ḅụ kọrịnama-kọrịaị ma dogi mẹnjịma ḅọrọ ḅẹ ofori.”

²⁷Devidi kunoma ẹkwẹn-ḅịḅị ḅụ, Livayị furo-ḅẹ-apụ tẹ ịn kịẹn-ḅịḅị ọkị apụ anie si kụra sịḅị ḅụ ḅọrọtẹ apụ ḅụ saakị iwo.

²⁸Ịna kọrịnama tẹ in kọrị ḅarịye anie ḅarasụa kẹ Erọnị owiapụ-awọmẹ ma pịrị KỊNỊNYANAḄỌ ḅe warị ḅẹ kọrịnama ḅụ, ḅẹrẹkọn anga ma na, ḅio-ḅio ma na tẹlẹma, fịafịa aị mamgba mịẹ fịafịama, tẹ sime Tamụnọ warị mẹ ḅio ḅẹ kọrịnama pịrị fịrị goyegoye mẹnjị;

²⁹pịkị fịafịa yọ mẹ fịturu mẹ na, kẹ mgbọlụ agba mịẹ fịlawa mẹ na, sun-a fịturu mẹ minji mẹ na, agbamịẹ pankịkị mẹ na, pulo kẹ pikiri agbamịẹye mẹ na, ḅaka-laa-ḅara na ḍụḅa-laa-ḅara na tọn ḅẹ aị kẹ ḅarasụa ḅa.

³⁰Anịsakị dede na ḅoḅiri na goyegoye ḅụ ịn sịẹsime-sime tẹ ịmịẹtẹ kẹ KỊNỊNYANAḄỌ ḅe ḅẹẹ-ḅẹẹ tẹ ò tokini ḅa,

³¹na Ịnyọsara-Ene ma ḅụ ịn dọkịma-agba mịẹ sakị mịẹ sakị na, ịwọ akalụ na, kopini afịaị fị ene ma na ḅụ, KỊNỊNYANAḄỌ ḅe tọrọkọ sịkọpẹlẹ-a ḅara kịẹn-ḅịḅị ḅụ in ḅiim ini anị mịẹ ḅẹ sakị goyegoye ḅụ.

³²Mị-ḅara mie ịn kẹ kobiri anga ḅẹ akpụrụ-warị mẹ na, fịafịa yọ mẹ na ḍikiḍiki tẹ fịrị mẹnjị ịna mịnapụ Erọnị awọmẹ ma pịrị ḅarị ḅara KỊNỊNYANAḄỌ ḅe warị mẹ ḅẹ akọrịnama ḅụ.