Read kalabari Nehimaya 12 Bible Online

Nehimaya 12 - kalabari bible

Nehimaya 12

¹Mịna apụ ma anie agbamịẹapụ ma na, Livayị furo-ḅẹ-apụ ma na tẹ Zerubabẹlị, Sẹlịtẹlị owiḅọtụḅọ ḅe na, Jọsụwa Sịḅịda-Agbamịẹḅọ ḅe na ḅo apụ ma: Sẹraya na, Jerimaya na, Ẹzịra na,

²Amaraya na, Maluku na, Atusi na,

³Sekanaya na, Rehumu na, Mẹrẹmọtị na,

⁴Ido na, Ginitoni na, Abija na,

⁵Mijamini na, Mahadaya na, Biliga na,

⁶Sẹmaya na, Johiharịbu na, Jedaya na

⁷Salu na, Amọkụ na, Hilikaya na, Jedaya na. Mịna apụ ma anie agbamịẹapụ ma na ịna mịnapụ ma na sịḅịdapụ ma Jọsụwa ene ma ḅụ.

⁸Livayị furo-ḅẹ-apụ ma anie: Jọsụwa na Binuhi na, Kadimiyẹlị na, Seribaya na, Juda na Matanaya na tẹ ori na ori amịnapụ na ịmịẹtẹ ḅẹẹ anume ma onyo-sẹịn ḅọ ḅee.

⁹Bakịbukaya na, Uno na, ịna mịnapụ inina dama-dama tẹ sịẹ-sịẹm fịrịmẹnjị ḅụ.

¹⁰Jọsụwa anie Jehohakịmụ ḍa, Jehohakịmụ anie Ẹlịyasibu daa, Ẹlịyasibu anie Johihada ḍa.

¹¹Johihada anie Jonatanị ḍa, Jonatanị anie Jaduwa ḍa.

¹²Jehohakịmụ Sịḅịda-Agbamịẹḅọ kiri ḅụ sime sakị mẹ ḅụ, mịnapụ ma anie agbamịẹapụ tẹ ḍa awarị-warị asịḅịdapụ: Sẹraya warị ḅụ Hananaya;

¹³Ẹzịra warị ḅụ Mesulamu; Amaraya warị ḅụ Jehohananị;

¹⁴Maluku warị ḅụ Jonatanị; Sekanaya warị ḅụ Josẹfụ;

¹⁵Arimu warị ḅụ Adina; Mẹrẹmọtị warị ḅụ Elikayi;

¹⁶Ido warị ḅụ Zẹkaraya; Ginitini warị ḅụ Mesulamu;

¹⁷Abija warị ḅụ Zikiri; Minihamini na, Mohadaya na warị ḅụ Pilitayi;

¹⁸Biliga warị ḅụ Samuha; Sẹmaya warị ḅụ Jehonatanị;

¹⁹Johiharịbu warị ḅụ Matẹnayị; Jidaya warị ḅụ Uzi;

²⁰Salu warị ḅụ Kalayi; Amọkụ warị ḅụ Ẹba;

²¹Hilikaya warị ḅụ Hasabaya; Jidaya warị ḅụ Nẹtanẹlị.

²²Livayị furo ḅẹ ḍa awarị-warị asịḅịdapụ ma na, agbamịẹapụ ma na gboloma ḍiri ịn nwẹn kẹẹ koromam Sịḅịda-Agbamịẹapụ Ẹlịyasibu na, Johihada na, Johananị na, Jaduwa na ene ma ḅụ. Mị ḍiri mẹ ini anị kẹẹ famam, Darịyọsị Pasịya ḅẹ ḅọ ḅe ama-daarị sakị.

²³Livayị owiapụ-awọmẹ tẹ ḍa awarị-warị asịḅịdapụ ma ini ịn kẹ Paka-aị ḍiri mẹ ḅio kẹẹ nwenii Johananị, Ẹlịyasibu taa-owiḅọtụḅọ ḅe ene ma lam.

²⁴Livayị furo-ḅẹ-apụ ma sịḅịdapụ Asabaya na, Seribaya na, Jọsụwa na, Binuhi na, Kadimiyẹlị na; ịna mịnapụ ịna ḅụụ sọ tẹ maa ise ḅụ gbọrụ apụ saakị saakị, osi apụ ẹbị tẹ daa, Tamụnọ tokini na ịmịẹtẹ ḅẹẹ na ḅụ, Devidi Tamụnọ tomḅọ ḅe wẹrịtẹ tọn ḅara.

²⁵Matanaya na, Bakịbukaya na, Obadaya na, Mesulamu na, Talịmọnị na anie ogigo-aḅọkọ ḍikiḍikiapụ tẹ sịẹ tẹ ngọ awarị ma ḍikiḍikiarị apụ.

²⁶Mịna aị ma mịẹ sakị anie Jehohakịmụ, Jọsụwa owiḅọtụḅọ, pịkị Jozadakị taa-owiḅọtụḅọ ḅe na, Nehimaya ḅẹrẹtọnḅọ ḅe na, Ẹzịra agbamịẹḅọ pịkị ḍiri-kẹẹḅọ ḅe ene ma ḅụ.

²⁷Jeruselemu ḅẹ onu mẹ finji kẹ mịẹye ḅụ su anga ḅụ in Livayị furo-ḅẹ-apụ ma ḍọkịm, ịna sime anga mamgba ḅụ, ịn kẹ Jeruselemu ḅo tẹ in ḅioḅẹlẹ na, ịmịẹtẹ ḅẹẹ na, nume-su na; saịn-saịn-aị na, ọbọ na, alili na farị kẹ ye finji alalị mẹ fị ḅẹ ḅara.

²⁸Jeruselemu ikelema-koro na, Nẹtofa na ḅụ simearị kala-ama ma ḅụ nume-suapụ ma owiapụ-awọmẹ ma kobiri gbolomam;

²⁹Bẹtị-giligalị na, Geba na, Azimavẹtị na, ye yọ ḅụ sime apụ sọ ḅo sọm. Nume-suapụ ma gbala Jeruselemu pakịrị anga ḅụ kala-ama pakama in aḅụụ pịrị tẹ.

³⁰Agbamịẹapụ ma na, Livayị furo-ḅẹ-apụ ma na nwẹnị amịna ḅụụ mịẹ fịafịama; tẹ tomi ma na, ogigo-aḅọkọ ma na, onu mẹ na mịẹ fịafịama.

³¹Anịtẹso à nwẹnị Juda ḅẹ sịḅịdapụ ma ọkị-ḅo onu mẹ ọgọnọ kpolima tẹ gburo-gburotẹ maa ise tọn, inima tẹ ịmịẹtẹ ḅẹẹ tẹ ọgbụrụ-sụn tẹ mẹnjị apụ ma. Gbọrụ ise mẹnjị ama-ḅara anga Nama Pọkụ-muaị Ogigo-ḅọkọ mẹ da-mum onu mẹ ọgọnọ ḅụ.

³²In ḅọrọ tẹso, mu apụ anie Hosaya na, Juda ḅẹ sịḅịdapụ ma kẹ maa anga ḍiya ḅẹ gbọrụ pakịrị na.

³³Ịn palị apụ anie Azaraya na, Ẹzịra na, Mesulamu na,

³⁴Juda na, Benijamịnị na, Sẹmaya na, Jerimaya na,

³⁵Agbamịẹapụ owiapụ-awọmẹ ma ḅẹ jen-apụ tẹ ọdụ ọlọ apụ: osi ḅọ anie Zẹkaraya, Jonatanị owiḅọtụḅọ pịkị Sẹmaya taa-owiḅọtụḅọ ḅe. (Matanaya na, Mayịkaya na, Zakọ na Asafụ na sọ ori atẹngị-aḍapụ.)

³⁶Ori amịnapụ tẹ ọ̀ palị apụ anie Samaya na, Azarẹlị na, Milalayi na, Gilalayi na, Mahi na, Nẹtanẹlị na, Juda na, Hanani na. Ini ma anie Devidi, Tamụnọ tomḅọ ḅe tọn koroma wararị farị-farịaị ma dogi apụ. Tẹ Ẹzịra ḍiri-kẹẹḅọ ḅe ịn kẹ tọrọkọ-tarịm.

³⁷Minji sararị ogigo-ḅọkọ mẹ ḅụ in da-da ịn kẹ tọrọkọ-tarịm, Devidi opu ama mẹ ḅẹ tanjịye mẹ ḅụ onu mẹ kpoli anga ḅụ Devidi warị mẹ ọgọnọ-jụ Minji ogigo-ḅọkọ mẹ kẹ ịrụa-saakịarị-anga pịrị anga ḅụ.

³⁸Ịmịẹtẹ ḅẹẹ apụ ma ḅẹ osi ise mẹ ere-ḅara anga da-mum, tẹ à nwẹnị tomi ma kẹ maa anga ḍiya ḅẹ gbọrụ pakịrị kẹ in ḍuka onu mẹ ọgọnọ mu fịye fọị ọpọ ma kụrọtẹ gele warị mẹ ọgọnọ-jụ ḅụ mu finjima tẹ onu mẹ la;

³⁹mu “Iferemu Ogigo-Ḅọkọ” mẹ ḅẹ ọgọnọ-jụ “Elemu Ogigo-Ḅọkọ” mẹ na, “Inji Ogigo-Ḅọkọ” mẹ na ḅụ ḅọrọ mu “Hananẹlị Ḅẹ Gele-Warị” na, “Sọnọ asi Ḅẹ Gele-Warị” ḅụ ḅo “Anana Ogigo-Ḅọkọ” mẹ la, tẹ nwẹnị “Ye-yọ Ḍikiḍiki Ogigo-Ḅọkọ” mẹ ḅụ daasịẹ.

⁴⁰Anị ḅara ḅụ maa ise ma tẹ ịmịẹtẹ ḅẹẹ apụ ma nwẹnị mu Tamụnọ warị mẹ ḅio sịẹsime: tẹ yẹrị na fịrịmẹnjị-opuapụ ma kẹ maa anga ḍiya ḅẹ gbọrụ anga na nwẹnị ị̀ ḅụụ sọ;

⁴¹na agbamịẹapụ ma Ẹlịyakịmụ na, Masẹya na, Minihamini na, Mayịkaya na, Ẹlịhonayi na, Zẹkaraya na, Hananaya na ịna ọdụ na;

⁴²Jeziraya kẹ sịḅịda wararị nume-suapụ anie: Masẹya na, Sẹmaya na, Ẹlịyeza na, Uzi na, Jehohananị na, Malikịja na, Ẹlamụ na, Ẹza na.

⁴³Anị ene ḅụ in gburo-gburo ḅara kẹ tọnwa agba mịẹm, tẹ ḍerekum; anị kẹ gotẹ ọkọ mịẹ ye, Tamụnọ in mịẹm in ḍerekuu gburo-gburotẹ ḅioḅẹlẹ ḅụ; ereme ma na, awọmẹ na sọ ḍerekum. Tẹ tomi Jeruselemu ḅẹ ḅioḅẹlẹ mẹ naam iḅere-iḅerea jụ ḅụ.

⁴⁴Anị ene mẹ ḅụ mie in tomi tọn kẹ ngọ-koko-aḅio ma na, oso-aị oso suu ḅẹ aḅio ma na, tarị asịnmgbọlụ ma na, nyana-oyi-ḅụụ-gberie mẹ na ḍikiḍiki ḅẹ apụ pịrị ye. Mịna tomi ma mie ama-ama ma ḅẹ aḍụọ ma ḅio in oso agbamịẹapụ ma na, Livayị furo-ḅẹ-apụ ma na pịrị oso-aị ma daa-ọkị yee, oloko mẹ wẹrịtẹ ḅii ḅara. Juda ḅụ simearị apụ mamgba ḅioḅẹlẹ nyana agbamịẹapụ ma na Livayị furo-ḅẹ-apụ ma na pịrịm.

⁴⁵Ini ịna Tamụnọ fịrị mẹ na, ḅụụ fịafịama fịrị mẹ na mẹnjịm; nume-suapụ ma na, ogigo-aḅọkọ ḍikiḍikiapụ ma na wẹrịtẹ Devidi na, ori owiḅọtụḅọ Sọlọmọnị na tọn ḅara mẹ mịẹ ḅara.

⁴⁶Kẹ gotẹ ọkọ ḅẹẹarị, elemu sakị Devidi na Asafụ ene ma ḅụ, nume-suapụ ma ḅẹ sịḅịdaḅọ simem, anịsakị Tamụnọ tokini anume na, ịmịẹtẹ kẹ ọ̀ ḅẹẹ anume na simem.

⁴⁷Zerubabẹlị na, Nehimaya na ene mẹ ḅụ Izirẹlị mẹmgba ene-ḅaaene-ḅaaene ḍie akiri kẹ nume-suapụ ma na ogigo-aḅọkọ ḍikiḍikiapụ ma na pịrị pịrịm, in pịkị kiri sikima Livayị furo-ḅẹ-apụ ma pịrị pịrịm, tẹ Livayị furo-ḅẹ-apụ ma nwẹnị kiri sikima koroma Erọnị owiapụ-awọmẹ ma pịrị ḅa.