Read kalabari Jobu 35 Bible Online

Jobu 35 - kalabari bible

Jobu 35

¹Elihu nwẹnị pịkị ḅẹẹ:

²Í kuroma miemẹ karakaram aro? Ị́ ḅẹẹm: Miemẹ anie ị̀ karakara Tamụnọ tọrọkọ Miemẹ anie à nyana na-iḅi ye Tamụnọ tọrọkọ.

³Tẹ í gbelam: À tọ iḅi nyana? À tọ-ḅara kẹ iḅi tẹịn à nwẹnị si mịẹ ọkụma?

⁴Àrị ị́yẹrị na, ị́ ikiapụ na kẹ sụa pakịrị ḅa.

⁵So ma ḍikii, tẹ arị ẹrịị; tẹ kpiti So-tọrụ tẹ gele ị́ nẹngị aị ma ḍikii.

⁶Í si mịẹ kụma, ị́ kẹ ọ̀ mịẹ ye tiye? Anịsakị í oloko kan-kan sara kụma, ị́ kẹ ọ̀ mịẹ ye tiye?

⁷Ị́ karakara kụma, í tiye kẹ ḍie ọ̀ pịrị; anịanịa ị́ ḅara ò tiye daa-ọkị?

⁸Í si-sịḅịḅio mẹ í sime-ḅara sime tomḅọ mie anị gboloma ye anịsakị ị́ karakara mẹ tomḅọ tụḅọ ḅe gbolomam.

⁹“Ponoma ma sara la ḅara mie tomi gotẹ owu pakamarị; opuḅọ ḅe ḅara-kọngọ mẹ mie ịn gotẹ ḅarasụa ḅiiarị.

¹⁰Kụma gbọrụḅọ-sọ ḅẹẹ-a: Ndẹẹ ị̀ Tẹmẹ wararị Tamụnọ ḅe mọ, ori ḅe tẹ ḍin ḅụ mịẹ tẹ ḅioḅẹlẹ nume paka-ḅoarị ḅọ ḅe;

¹¹oriḅe tẹ ye kẹ wa toluma tomikiri ḅẹ anama ma nẹngịma ḅọ ḅe, tẹ mịẹ tẹ wa ye-nimi fiin-arị afeni ma nẹngị ḅọ ḅe?

¹²Anịjụ ini owu pakamam, kụma ọ̀ pakịrị-a, si-mịẹapụ opu amịẹaị ma gotẹ.

¹³Tụkụma ḅara ḅụ Tamụnọ ye ḅio ḅụ ofori owu naa-a, anịanịa Kụrọmamgba Nyanaḅọ ḅe anị kẹ ye sịn.

¹⁴Matrụma, ị́ ḅẹẹm mịnẹ í ori ẹrị-a ḅẹẹ sakị, mịnẹ ḅẹrẹ mẹ ọ̀ tọrọkọ emii, tẹ í ò koruarị!

¹⁵Anịsakị gbala Tamụnọ ịganị kịnị fomu-a tẹ ọ̀ kpọma gburo-gburo ḅara kẹ oloko kan ḍiki-a

¹⁶Papaa ẹkwẹn mie Jobu ḅịḅị finjitẹ kọn-arị, ori ẹkwẹn-ẹkwẹn sararị kụma nimi arị ḅio ofori.”