Read kalabari Devidi-Anume 136 Bible Online

Devidi-Anume 136 - kalabari bible

Devidi-Anume 136

¹Ọmịnị ịmịẹtẹ kẹ KỊNỊNYANAḄỌ ḅe ḅẹẹ, ori iḅim ẹrẹsị; ọ̀ ḅẹlẹma sime gbamasom.

²Ọmịnị ịmịẹtẹ kẹ ḍụḅa Tamụnọ mamgba nẹngị Tamụnọ ḅe ḅẹẹ; ọ̀ ḅẹlẹma sime gbamasom.

³Ọmịnị ịmịẹtẹ kẹ kụrọ nyana kịnịnyanapụ mamgba nẹngị ḅọ ḅe ḅẹẹ; ọ̀ ḅẹlẹma sime gbamasom.

⁴Ori kịngẹ mie opu ḅụụ-buama-aị mịẹarị ḅọ, ọ̀ ḅẹlẹma sime gbamasom.

⁵Ò nimi ḅụ ò So ma tẹmẹm; ọ̀ ḅẹlẹma sime gbamasom.

⁶Opu owolo aminji ma ọgọnọ mie ò kiri mẹ mịẹ pakama-ḅo yee; ọ̀ ḅẹlẹma sime gbamasom.

⁷Ori ịrụa mẹ na akalụ mẹ na mị; ọ̀ ḅẹlẹma sime gbamasom;

⁸ịrụa mẹ eneḅaka kẹ ḅịyarị, ọ̀ ḅẹlẹma sime gbamasom;

⁹akalụ mẹ na lolia ma na ḍin kẹ ḅịyarị; ọ̀ ḅẹlẹma sime gbamasom.

¹⁰Ori Ijiputi-ḅẹ-apụ ma tarị iyi owiapụ ma ḅaa; ọ̀ ḅẹlẹma sime gbamasom.

¹¹Ori Izirẹlịapụ ma tọrọkọ-sụn tẹ ịn kẹ Ijiputi ḅio paka-so; ọ̀ ḅẹlẹma sime gbamasom;

¹²ọ̀ kụrọtẹ ḅara mẹ na ori opu ḅara-kọngọ na ḅẹ; ọ̀ ḅẹlẹma sime gbamasom.

¹³Ori Awụ Tọrụ mẹ kẹ maaịn ḍie; ọ̀ ḅẹlẹma sime gbamasom;

¹⁴ori ori atomi ma tọrọkọ-sụn tẹ anị ḅio in tolu-ḅọrọ; ọ̀ ḅẹlẹma sime gbamasom;

¹⁵kụma ori Ijiputi ḅẹ amadaḅọ ḅe na ori ọmụ-ogbo na sombi ḅaa; ọ̀ ḅẹlẹma sime gbamasom.

¹⁶Ori ori atomi ma tọrọkọ-sụn tẹ ịn kẹ ịkpa mẹ ḅio mẹnjị ḅọrọ; ọ̀ ḅẹlẹma sime gbamasom.

¹⁷Ọ̀ kụrọtẹ opu amadapụ ḅaam; ọ̀ ḅẹlẹma sime gbamasom.

¹⁸Ọ̀ kịnị ẹrẹ naa tẹ amadapụ ḅaam; ọ̀ ḅẹlẹma sime gbamasom;

¹⁹Siyọnị, Amọrayịtị apụ amadaḅọ ḅẹ; ọ̀ ḅẹlẹma sime gbamasom;

²⁰na Ọgụ, Basani ḅe amadaḅọ ḅe na; ọ̀ ḅẹlẹma sime gbamasom;

²¹Ori ịna akiri kẹ ori atomi pịrị; ọ̀ ḅẹlẹma sime gbamasom;

²²ọ̀ kẹ Izirẹlị ọ̀ fịrịmẹnjịḅọ pịrị; ọ̀ ḅẹlẹma sime gbamasom.

²³Owu wamịna aḅara si sakị ọ̀ wa kẹ ḅioḅọrọma-a; ọ̀ ḅẹlẹma sime gbamasom;

²⁴ò si kẹ wa tọn apụ ma ḅara-ḅio wa pakama-ḅo; ọ̀ ḅẹlẹma sime gbamasom.

²⁵Ori fịye kẹ ọ̀ tẹmẹ tẹ ḍumo wararị ye goyegoye pịrịarị, ọ̀ ḅẹlẹma sime gbamasom.

²⁶Ọmịnị ịmịẹtẹ kẹ So-ḅio ḅẹ Tamụnọ ḅe ḅẹẹ; ọ̀ ḅẹlẹma sime gbamasom.