Read kalabari Devidi-Anume 14 Bible Online

Devidi-Anume 14 - kalabari bible

Devidi-Anume 14

¹Oḅori atomi ma amịna aḅụụ ḅẹẹarị, “Tamụnọ ofori.” Inimgba ḅụrụ-kọsị fama wararị, tẹ ịn ḅalafama aị mịẹ tẹẹ; kuraye mịẹarị gbọrụḅọ-sọ ofori.

²KỊNỊNYANAḄỌ ḅe So-ḅio sime tẹ tomikiri ḅẹ atomi ma ḍikiarị ịna ḅụ ò ye-nimi gbọrụḅọ ẹrị ḅẹ ḅoto, kpọkpọ gbọrụḅọ tẹ sunsin ọ̀ pịrịarị ḅọ emi ḅoto.

³Kụma inimgba iri-aị mịẹ tẹẹ; inimgba gbọrụ ḅara kẹ si wararị. Ịna ḅụ kuraye mịẹarị gbọrụḅọ-sọ ofori, kpọkpọ gbọrụḅọ-sọ ofori.

⁴KỊNỊNYANAḄỌ gbelarị, “In nimi-a aro? Mịna si amịẹaị ma mịẹarị apụ mamgba ye nimi-a apụ aro? Ini ị̀ atomi ma fọịn, fọịn tẹ kẹ angarị, tẹ gbala-gbala ini ị̀ tẹkẹ, tẹkẹ-a.”

⁵Kụma ọkọẹrẹsị kịnị ịna tẹmẹ-naịn-naịnma ḅa, Tamụnọ ọ̀ ḅịḅị pokiarị apụ ma na emi.

⁶Si-amịẹaị mịẹarị apụ ḅụụ iderima tomḅọ ḅe tọn-arị aị ma simarị, kụma KỊNỊNYANAḄỌ ḅe anie ọ̀ ḅụụ-ḅọị-yọ.

⁷À tẹkẹ lamarị mịnẹ owu-ḅara-iḅi ḅo Izirẹlị pịrị ḅa Zayọnị ḅụ. Izirẹlị kpọma ḅioḅẹlẹ ḅa KỊNỊNYANAḄỌ ḅe mịẹ tẹ in siin lolo sakị.