Read kalabari Devidi-Anume 52 Bible Online

Devidi-Anume 52 - kalabari bible

Devidi-Anume 52

¹Kụrọ tomḅọ, tiye ẹrẹsị í í si kẹ ḅụụ-bomarị? Tamụnọ ḅẹlẹma mẹ sime gbamasom.

²Ja apụ fama ḅẹ ḅẹrẹ mie í ḅịyarị; ị́ ḅẹlẹ mẹ iri oḅu ḅara oḅuarị. Iruo aị mie sakị mamgba í kuroma ḅoarị.

³Í siye ḅẹlẹma iḅiye nẹngịm, pịkị iruo ye ḅẹlẹma karakaraye nẹngịm.

⁴Ị́yẹrị iruo ḅọọ, kịnị ịnọ ḅẹ ẹkwẹn-ẹkwẹn mie ị́ ḅẹlẹma tẹ kọn-arị.

⁵Ọkọ ẹrẹsị Tamụnọ ị́ fama gbamaso ḅa, Ori í kun sịẹma tẹ ị́ warị ḅio ị́ fọnọ pakama ḅa ḍumo wararị apụ ma ogboku ḅụ ori ị́ saakị siin ḅa.

⁶Karakaraye-mịẹapụ ma miemẹ ẹrị tẹ ḅalafa ḅa; tẹso, ini ị́ ḍẹrị tẹ ḅẹ ḅa,

⁷“Ḍikii, ḅieḅe anie ye ọ̀ la ḅịa gotẹ Tamụnọ ḅụ sịrẹrẹ-a tomḅọ ḅe, kụma anie nakara amịna kọn sara ngọ kẹ ḅiokpọma, tẹ ọkịm mịnẹ si-sịḅịḅio-sụa ḅụ mie ye ọ̀ la ḅịa ye.”

⁸Kụma yẹrị à Tamụnọ-warị ḅio so-pakarị olivu sịn na kịkarị; tẹ ọ̀ kuno-a ḅẹlẹma mẹ ì ḅiokpọma mu ḅẹẹ-sakị ḅẹẹ-sakị laarị.

⁹Tamụnọ ị́ kọrị tẹ aị ma gotẹ arị ịmịẹtẹ kẹ ị́ ḅẹẹarị sakị mamgba; ị́ atomi ma tọrọkọ ḅụ à ḍuko wasama ḅa mịnẹ í iḅim.