Read kalabari Devidi-Anume 82 Bible Online

Devidi-Anume 82 - kalabari bible

Devidi-Anume 82

¹Tamụnọ anie So-ḅio ḅẹ ḅẹrẹkọn-siri mẹ kẹ sịḅịdarị ḅọ; Ẹkẹkẹ-atamụnọ ma kobiri ḅụ ọ̀ ḅẹrẹ-pẹlẹarị:

²Ó si ḅẹrẹkọn dasịẹmaa; ọ́ ḅarị jen kẹ aḍụa ḅara kẹ ḅẹrẹkọn si-sịḅịḅio-sụapụ ma ḅara iḅima ma!

³Ọmịnị igoin-apụ na, ḍapụ na iyingi apụ na fịtẹ awọmẹ ma na ḍụa; ọ́ mịẹ ḅẹ ọkụ ofori apụ ma na, ḅarasụa pịrị apụ nyana-a apụ ma na, inoma ma.

⁴Ó si-mịẹapụ kụrọ ḅụ ịn pụkọ-pakamaḅoo.

⁵“Ó nimi ye ofori la ḅara ḍikii! Ọmịnị oḅori-sọ la ḅara ḍikii! Ọ́ ḅụrụ kọsị fama wararị, karakara ḅẹrẹkọn tomikiri ḅụ sịkịrị fa tẹ.

⁶À ḅẹẹm, ‘Ọmịnị Tamụnọ amẹẹ; ọmịnị-mgba Gele Tẹịnḅọ ḅe awọmẹ.’

⁷Kụma ó tomi fị-fịị ḅara fịị ḅa; ọmịna ḍumo amadapụ awọmẹ ma ḅẹ ḅọ nye kunoma ḅara kẹ kunoma ḅa.”

⁸Yei Tamụnọ, ḅo tẹ tomikiri mẹ ḅụ ḅẹrẹtọọn; sịẹ-sịẹ mamgba ị́ aị.