Read kalabari Devidi-Anume 85 Bible Online

Devidi-Anume 85 - kalabari bible

Devidi-Anume 85

¹KỊNỊNYANAḄỌ, ị́ ọkụrụkụrụ nyana ị́ amakiri mẹ pịrị tẹẹ; ị́ mịẹ tẹ Izirẹlị siin lọkọlọkọ tẹẹ.

²Ị́ ị́ atomi ma asi wẹrịso tẹ pịkị ịna amịẹ-irima mamgba ḍiki-tọrụsin tẹ.

³Ị́ ị́ ḅụụ dasịẹmam in ḍiki ịganị ḅụ, tẹ í owi ịganị mẹ nụnụ ọkịm.

⁴Wa kẹ pịkịma-ḅoo, Yei Tamụnọ wa ḅọrọmaḅọ, tẹ ḅarị ịganị wa pịrị ma.

⁵Ị́ ḅọrọ ịganị wa pịrị gbamaso ḅẹ? Ị́ ịganị mẹ gbala-gbala wamịna ḅụ kunoma ḅịa?

⁶Mịẹtẹ wa siin kụrọ, anịsakị, wamịnị, ị́ atomi ma, í tokini ḅa.

⁷Yei KỊNỊNYANAḄỌ, í kuno-a ḅẹlẹma mẹ kẹ wa ḍie, tẹ ị́ ḅọrọma mẹ kẹ wa pịrịị.

⁸KỊNỊNYANA-TAMỤNỌ ḅe ḍukoarị ye mie à pokiarị; ò dein minini wamịnị ori atomi ma pịrịarị, wa pịkị mu wamịna oḅori etela mẹnjị-a ḅẹḅẹ.

⁹Tụkụmaye ọ̀ tẹlẹma wararị, ọ̀ kụn-arị apụ ma ḅọrọma, anịsakị ori emi tẹ wa ḅọrọmarị mẹ wamịna amakiri mẹ ḅụ sime tọrọkọ mu ḅa.

¹⁰Ḅẹlẹma na ḅioḅẹngbọ-kẹ-sịrẹrẹ-niḅi ḅara sime na donia ḅa; karakara mịẹ na dein na fịnama ḅa.

¹¹Tomḅọ ḅịḅịpoki mẹ iwo Tamụnọ da mu ḅa, tẹ Tamụnọ karakara mẹ So-ḅio sime tẹ ideri ḅo ḅa.

¹²KỊNỊNYANAḄỌ ḅe mịẹ tẹ wa lọkọlọkọ ḅa, tẹ wamịna kiri pịkị kpọma fịaị pakama ḅa.

¹³Karakara KỊNỊNYANAḄỌ ḅe tọrọkọ tarị ḅa; anị ọ̀ mẹnjị ḅọrọ ḅe anga tẹlẹma ọ̀ pịrị ḅa.