Read kalabari Hosiya 14 Bible Online

Hosiya 14 - kalabari bible

Hosiya 14

¹Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

²Ọ́ pịkịma KỊNỊNYANAḄỌ ḅe dama-ḅo, tẹ yee mị tẹkẹ mẹ ọ́ kẹ ọ̀ pịrịarị agba sọ: “Wamịna asi mamgba wẹrịso tẹ wamịna tẹkẹ daa-ọkị, anịsakị wa í tokini ḅa, wa minini ị́ pịrị tẹ ḅara ḅụ.

³Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

⁴KỊNỊNYANAḄỌ ḅe ḅẹẹarị, “À siin ị̀ atomi ọkị-ḅo ị̀ ḅụụ pịrị ḅa, Àrị ị̀ ḅioḅẹngbọ mẹmgba kẹ ịn ḅẹlẹma ḅa; à ḅarị jen kẹ ịganị ịn pịrị ḅịa.

⁵À sime Izirẹlị pịrị ḅarị ḅara samụnọ kiri ḅụ koro eene kịka ḅa. Ịn fịlawa panga-ḅaa ḅara kẹ panga-ḅaa ḅa; ini iḅiọkụ kuno sụa kụrọma ḅa Lẹbanọnị ḅẹ sịn ọkụ.

⁶In ḍumo ḅa ịwọma so-paka ḅụ, tẹ olivu asịn kịka tẹ iḅi ḅa. Ịn kụnụ ḅarị ḅara Lẹbanọnị ḅẹ Sida asịn kịka ḅa

⁷Ịn pịkị siin gbọrụ sakị kẹ ị̀ gbaịn suku-ḅio ḍumo sime ḅa. Ịn ḍụọ ḅio ḍiḅi aị kịka tẹ berebere ḅa tẹ iḅima mgbọlụ sụarị vaịnị ḍụọ kịka ḅa. In Lẹbanọnị ḅẹ vaịnị ereso ḅara kẹ ereso ḅa.

⁸Izirẹlịapụ ma ḅarị jen kẹ oru-afụḅara na mịẹ ye nyana ḅịa; Àrị ịna atẹkẹ pakịrị tẹ in koko ḅa; À sakị mamgba ịwọ ịnyịnya sụarị sịn kikima ḅara kẹ in kikima ḅa; Yẹrị anie ịna aboma mamgba sime tẹ ḅoarị anga mẹ.”

⁹Yee ye-nimiapụ mị yọọ kẹẹ koro wararị aị ma fiearị ye naa, tẹ yee ini arị ọkị ḅioḅẹngbọ suu. KỊNỊNYANAḄỌ ḅe etela ma kuram, tẹ karakara mịẹ atomi arị ḍiki angarị, kụma si-mịẹapụ pụmbụ tẹ ḅịkịarị ini arị kẹ ye-sịn-a ẹrẹsị.