Read kalabari Hosiya 3 Bible Online

Hosiya 3 - kalabari bible

Hosiya 3

¹KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

²Mie ḅụ à seleḅa jeia apakịrị na bali mgbọlị-fịye ḅụ iku sọnọma si oyi finji la ye, ye-tọnye ḅụ, kẹ á pakịrịm.

³À ḍuko á pịrịm mịnẹ alatẹ sakị á nwẹn kẹ ì koru ḅẹẹm, ama-mẹnjị eremịna ḍumo kọn-a ḅara ḅụ, anịanịa sẹfị; tẹ mị sakị mẹ ḅụ yẹrị sọ sime tẹ á koru ḅẹm.

⁴Paa mị gbọrụ ḅara mẹ Izirẹlịapụ ma sime tẹ ḍumo nyanam, mu alama lama, amadapụ anịanịa sịḅịdapụ nyana-a ḅara, agba ma anịanịa tọn-tọn aḍụḅarị ofori ḅara, oru-afụḅara anịanịa mḅudu amẹẹ tẹ kẹ ḅịrị ḅii ḅẹ aị ofori ḅara.

⁵Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.