Read kalabari Kịẹn-aḅịḅị 2 Bible Online

Kịẹn-aḅịḅị 2 - kalabari bible

Kịẹn-aḅịḅị 2

¹KỊNỊNYANAḄỌ ḅe nwẹnị Mozizi na, Erọnị na ḅẹẹ:

²Izirẹlịapụ ma ọrụḅọ-ọrụḅọ mḅọ soku ḅụ mḅọ la ḅara ḅụ kobiri tẹ sime ḅa, ịna aḍapụ awarị ḅẹ arụ pike aḅịtẹ na ini na; ịn kobiri sime pakịrị anga goyegoye ḅụ ịn tọrụ kẹ Kobiri Akpụrụ-warị mẹ da ḅa.

³Inima tẹ ịrụa-saakịarị-anga anga mẹ ḅụ ịrụa-saakịarị-anga mẹ da-mu ḅụ ịn la ḅara kẹ kpoo-kpo ḅụ akpụrụ-warị pike tẹ kobiri sime ḅarị apụ anie Juda. Juda atomi ma tọrọkọ-tarịḅọ anie Nasọnị, Amịnadabụ owiḅọtụḅọ ḅe.

⁴Ịn wẹrịtẹ kịẹn ḅara ḅụ ori ọmụ-ogbo mẹ ḅẹ kịẹn-ḅịḅị, kịnị eseni apuku, sonio ẹndẹ finji, na kịnị oyia asi na (74,600).

⁵Ọ̀ palị tẹ kobiri tẹ sime ḅarị apụ anie Ịsaka furo-ḅẹ-apụ Ịsaka furo-ḅẹ-apụ ma tọrọkọ-tarịḅọ anie Nẹtanẹlị, Zụha owiḅọtụḅọ ḅe.

⁶Ịn wẹrịtẹ kịẹn ḅara ḅụ ori ọmụ-ogbo mẹ ḅẹ kịẹn-ḅịḅị, kịnị sonio apuku, ini ẹndẹ fa si (54,400).

⁷Anịtẹso anị ḅo Zẹbulọnị furo lam: Zẹbulọnị furo-ḅẹ-apụ ma tọrọkọ-tarịḅọ anie Ẹlịyabụ, Ẹlọnị owiḅọtụḅọ ḅe.

⁸In wẹrịtẹ kịẹn ḅara ḅụ ori ọmụ-ogbo mẹ ḅẹ kịẹn-ḅịḅị, kịnị sọnọma apuku, tẹra ẹndẹ finji, na kịnị oyia asi na (57,400).

⁹Juda bebe ọmụ-ogbo mẹ ḅụ ịna kpoo, kpo mamgba ḅẹ kịẹn-ḅịḅị anie si tẹra puku finji na kịnị sonio ẹndẹ na, (186,400). Ini mie tọrọkọ ḅụ tarị mẹnjị paka ḅarịye.

¹⁰Suku-jụ da pakịrị anga ḅụ Rubẹnị furo ḅẹ apụ ma kpoo, kpo ḅụ in la ḅara ḅụ akpụrụ-warị pike tẹ kobiri tẹ sime ḅa; Rubẹnị furo mẹ ḅẹ tọrọkọ-tarịḅọ anie Elizọ, Sẹdiyọ owiḅọtụḅọ ḅe.

¹¹Ịn wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị, kịnị sọnọ apuku, ini ẹndẹ fa si, na kịnị sọnọa si na (46.500).

¹²Ọ̀ palị tẹ kobiri tẹ sime ḅarị apụ anie Simiyọnị furo-ḅẹ-apụ. Simiyọnị furo-ḅẹ-apụ ma tọrọkọ-tarịḅọ anie Sẹlumẹlị, Zurisadayị owiḅọtụḅọ ḅe.

¹³In wẹrịtẹ kịẹn ḅara ḅụ ori ọmụ-ogbo mẹ ḅẹ kịẹn-ḅịḅị, kịnị sọnọma apuku, nine ẹndẹ finji, na kịnị sọnọa si na (59,300).

¹⁴Anịtẹso anị ḅo Gadi furo lam. Gadi atomi ma tọrọkọ-tarịḅọ anie Ẹlịyasafụ, Duhẹlị owiḅọtụḅọ ḅe.

¹⁵Ịn wẹrịtẹ kịẹn ḅara ḅụ ori ọmụ-ogbo mẹ ḅe kịẹn-ḅịḅị, kịnị sọnọ apuku na, ngei ẹndẹ fa jei, na kịnị amesi oyi finji na (45,650).

¹⁶Rubẹnị bebe ọmụ-ogbo mẹ ḅụ ịna kpoo, kpo mamgba ḅẹ kịẹn-ḅịḅị anie: ẹndẹ sọnọma si oyi finji ofori gbọrụ puku fa si (151,450). Ini mie maaịn karama mẹnjị-paka ḅarịye.

¹⁷Anịtẹso Kobiri Akpụrụ-warị mẹ na Livayị furo ḅẹ apụ ma kobiri-ogbo mẹ na kẹ sụa, kobiri-ogbo-ogbo ma ogboku mẹnjị-paka ḅa; ịn wẹrịtẹ kobiri, kobiritẹ sime-ḅara, mie ini ịn la ḅara, la ḅara ḅụ, ọrụḅọ-ọrụḅọ amịna sime kiri ḅụ mẹnjị-paka-ḅo ḅarị ḅara.

¹⁸Ịrụa-ideriarị-anga anga ḅụ Iferemu furo ḅẹ apụ ma ịn la ḅara ḅụ ịna kpoo, kpo ḅụ akpụrụ-warị pike tẹ kobiri tẹ sime ḅa. Iferemu atomi ma tọrọkọ tarị ḅọ anie Ẹlịsama, Amihudu owiḅọtụḅọ ḅe.

¹⁹Ịn wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị, kịnị sọnọ apuku, na kịnị ẹndẹ, sọnọa si finji na (40, 500).

²⁰Ọ̀ palị ḅarị apụ anie Manasẹ furo mẹ Manasẹ furo-ḅẹ-apụ ma tọrọkọ-tarịḅọ anie Gamalịyẹlị, Pedazọ owiḅọtụḅọ ḅe.

²¹Ịn wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị, kịnị ini apuku, na kịnị oyia asi na (32,200).

²²Anịtẹso anị ḅo Benijamịnị furo mẹ lam. Benijamịnị atomi ma ḅẹ tọrọkọ-tarịḅọ anie Abidani, Gidehọni owiḅọtụḅọ ḅe.

²³In wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị kịnị ini apuku, sonio ẹndẹ finji, na kịnị oyi si na. (35,400).

²⁴Iferemu bebe ọmụ-ogbo mẹ ḅụ ịna kpoo, kpo mamgba ḅẹ kịẹn-ḅịḅị anie: Kịnị oyi tẹra puku finji, na kịnị oyi ẹndẹ sọnọa si finji na (108,100). Ini tẹrẹị karama ḅara kẹ mẹnjị-paka ḅa.

²⁵Ọgọnọ-jụ da pakịrị anga ḅụ Danị furo-ḅẹ-apụ ịn la ḅara ḅụ ịna kpoo, kpo ḅụ akpụrụ-warị pike tẹ kobiri tẹ sime ḅa. Danị atomi ma tọrọkọ-tarịḅọ anie Ayiheze, Amisadayị owiḅọtụḅọ ḅe.

²⁶Ịn wẹrịtẹ kịẹn ḅara ḅụ ori ọmụ-ogbo mẹ ḅẹ kịẹn-ḅịḅị kịnị sọnọma apuku, ini ẹndẹ fa si, na kịnị jeia si na (62,700).

²⁷Inima tẹ ọ̀ palị tẹ kobiri tẹ sime ḅarị apụ anie Asa furo mẹ. Asa furo-ḅẹ-apụ ma tọrọkọ-tarịḅọ anie Pagiyẹlị, Ọkaranị owiḅọtụḅọ ḅe.

²⁸Ịn wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị, kịnị sọnọ apuku, tẹra ẹndẹ finji, na kịnị jeia si na. (41,500).

²⁹Anịtẹso anị ḅo Nafutali furo mẹ lam, Nafutali furo-ḅẹ-apụ ma tọrọkọ-tarịḅọ anie Ayira, Ẹnanị owiḅọtụḅọ ḅe.

³⁰Ịn wẹrịtẹ kịẹn ḅara ḅụ, ori ọmụ-ogbo mẹ ḅẹ kịẹn-ḅịḅị, kịnị sonio apuku, oyi tẹra ẹndẹ finji, na kịnị oyia asi na (53, 400).

³¹Danị bebe ọmụ-ogbo mẹmgba kịẹn-ḅịḅị anie: kịnị gbọrụ puku fa si, na ngei ẹndẹ fa jei na. (157,600). Ini kunoma tẹ mẹnjị-paka ḅa, ọrụ kpoo kpo la ḅara ḅụ.

³²Ịn wẹrịtẹ ịna aḍapụ awarị ḅụ ịn kịẹn ḅara, mịna apụ ma anie Izirẹlịapụ ma. Inimgba tẹ akpụrụ-awarị ma ḅio ịn kobiri wararị kpoo, kpo ma ḅụ ịn kịẹn apụ anie: sọnọ fa puku inia si, na kịnị amesi oyi finji ofori kịnị eseni ẹndẹ na. (603,550).

³³Kụma Livayị furo-ḅẹ-apụ ma ini ịn kịẹn kirikọn Izirẹlịapụ ma ogbo-ḅio suu-a, KỊNỊNYANAḄỌ ḅe wẹrịtẹ tọn Mozizi pịrị ḅara ḅụ.

³⁴Mị-ḅara mẹ mie Izirẹlịapụ ma mịẹ ḅara. Arịmgba tẹ KỊNỊNYANAḄỌ ḅe wẹrịtẹ tọn Mozizi pịrị ḅara, anị ḅara mie ini ịn la ḅara ḅụ kobiri, kobiri tẹ sime-ḅara, anịsakị anị ḅara mie ọrụḅọ-ọrụḅọ amịna furo ḅụ mḅọ ḍaḅọ warị sime-ḅara ḅụ mẹnjị-mẹnjị paka ḅara.