Read kalabari Kịẹn-aḅịḅị 26 Bible Online

Kịẹn-aḅịḅị 26 - kalabari bible

Kịẹn-aḅịḅị 26

¹Obi fomu-ḅara mẹ ḅọrọ tẹso, KỊNỊNYANAḄỌ ḅe nwẹnị Mozizi na, Agbamịẹḅọ Erọnị owiḅọtụḅọ Ẹlịyeza na ḅẹẹ,

²“Izirẹlị ḅẹ tomina-ogbo mẹmgba kịẹẹn, si akụra sịḅị ḅụ ḅọrọtẹ apụ ḅụ saakị iwoo, ịna aḍapụ awarị ḅụ inimgba tẹ Izirẹlị ḅụ inetẹ ọmụ mu ḅarị apụ.”

³Mozizi na, Ẹlịyeza agbamịẹḅọ ḅe na nwẹnị tomi ma na ẹkwẹn Jeriko ḅụ, Jodanị akaka, Mohabụ ḅẹ ele mẹ ḅio ḅụ, tẹ ḅẹẹm,

⁴Ó tomi ma kịẹn-ḅịḅị ọkịị. Si akụra sịḅị ḅụ ḅọrọtẹ apụ ḅụ saakị iwoo, KỊNỊNYANAḄỌ ḅe wẹrịtẹ tọn Mozizi pịrị tẹ ḅara ḅụ. Izirẹlịapụ tẹ Ijiputi ḅẹ ama mẹ ḅụ paka-ḅo apụ anie:

⁵Rubẹnị, Izirẹlị tarị iyi tụḅọ ḅe. Rubẹnị owiapụ-awọmẹ: Hanọkụ furo-ḅẹ-apụ na, Palụ furo-ḅẹ-apụ na,

⁶Hẹzịrọnị furo-ḅẹ-apụ na; Kami furo-ḅẹ-apụ na.

⁷Mịna apụ ma anie Rubẹnị ḅụ paka-ḅo afuro ma ḅẹ apụ; anịsakị ịna kịẹn-ḅịḅị anie: owiapụ sọnọ apuku, esenia ẹndẹ finji na kịnị sonioa asi oyi finji na (43,730).

⁸Anịsakị Palụ owiḅọtụḅọ anie Ẹlịyabụ.

⁹Ẹlịyabụ owiapụ-awọmẹ anie Nẹmụwẹlị na, Detanị na, pịkị Abiramu na. Mịna apụ ma anie Detanị na Abiramu amẹẹ ma tẹ tomina-ogbo mẹ ḅụ ịn sẹlẹ-ọkị tẹ mu Kora na ogbo sọ tẹ mu Mozizi na Erọnị na ịgbanịya nyana apụ ma, ịn KỊNỊNYANAḄỌ ḅe na ịgbanịya sakị mẹ,

¹⁰tẹ kiri mẹ amịna ḅịḅị finjim, tẹ Kora kẹ ini na sụa mẹnị ọkị gbolomam. Anị ogbo mẹ fị sakị ḅụ, fịnị owiapụ oyia asi na kịnị amesi oyi finji dọkịmam, tẹ ịn ḅo ḅeri nụnụ apụ sọm.

¹¹Anị sime-ḅara sime-ḅara sọ, Kora owiapụ-awọmẹ ma ịn fịị-a.

¹²Simiyọnị owiapụ-awọmẹ afuro ma wẹrịtẹ sime-ḅara anie: Nẹmụwẹlị furo-ḅẹ-apụ na, Jemịnị furo-ḅẹ-apụ na, Jekini furo-ḅẹ-apụ na,

¹³Zera furo-ḅẹ-apụ na, Sọlụ furo-ḅẹ-apụ na;

¹⁴mịna apụ ma anie Simiyọnị ḅụ paka-ḅo afuro ma ḅẹ apụ; ịna kịẹn-ḅịḅị anie owiapụ maa apuku na jeia ẹndẹ finji na kịnị oyia asi na (22,200).

¹⁵Gadi owiapụ-awọmẹ afuro ma wẹrịtẹ sime-ḅara anie: Zifọnị furo-ḅẹ-apụ na, Hagayi furo-ḅẹ-apụ na; Suni furo-ḅẹ-apụ na,

¹⁶Ozinayị furo-ḅẹ-apụ na, Iri furo-ḅẹ-apụ na,

¹⁷Arọdị furo-ḅẹ-apụ na, Arẹlị furo-ḅẹ-apụ na;

¹⁸mịna apụ ma anie Gadi owiapụ-awọmẹ ma afuro ma ḅẹ apụ ma: ịna kịẹn-ḅịḅị anie owiapụ sọnọa apuku na kịnị ẹndẹ sọnọa asi finji (40,500).

¹⁹Juda owiapụ-awọmẹ ma anie Ẹrị̀ na Ọnanị na. Kenanị ḅẹ ama ḅụ ịn fịịm.

²⁰Anịsakị Juda jen owiapụ-awọmẹ iyim, tẹ ịna afuro ma wẹrịtẹ sime-ḅara anie: Sẹla furo-ḅẹ-apụ na, Pẹrẹzi furo-ḅẹ-apụ na, Zera furo-ḅẹ-apụ na.

²¹Pẹrẹzi ḅe owiapụ-awọmẹ anie: Ezirọnị furo-ḅẹ-apụ na, Emulu furo-ḅẹ-apụ na.

²²Mịna apụ ma anie Juda afuro ma; ịna kịẹn-ḅịḅị wẹrịtẹ sime-ḅara anie: owiapụ esenia apuku na oyi ngei ẹndẹ finji na kịnị sọnọa asi na (76,500).

²³Ịsaka owiapụ-awọmẹ ma, ịna afuro wẹrịtẹ sime-ḅara anie: Tola furo-ḅẹ-apụ na, Puva furo-ḅẹ-apụ na,

²⁴Jesubu furo-ḅẹ-apụ na, Simirọnị furo-ḅẹ-apụ na.

²⁵Mịna apụ ma anie Ịsaka afuro ma, ịna kịẹn-ḅịḅị wẹrịtẹ sime-ḅara anie: owiapụ ninea apuku na jeia asi finji (64,300).

²⁶Zẹbulọnị owiapụ-awọmẹ ma, ịna afuro wẹrịtẹ sime-ḅara anie: Sẹrẹdi furo-ḅẹ-apụ na, Ẹlọnị furo-ḅẹ-apụ na, Jalili furo-ḅẹ-apụ na.

²⁷Mịna apụ ma anie Zẹbulọnị afuro ma ḅẹ apụ ma, ịna kịẹn-ḅịḅị wẹrịtẹ sime-ḅara anie: owiapụ sọnọma apuku oyia ngei ẹndẹ finji na kịnị sọnọa asi na (60,500).

²⁸Josẹfụ owiapụ-awọmẹ ma, ịna afuro wẹrịtẹ sime-ḅara anie: Manasẹ na Iferemu na.

²⁹Manasẹ owiapụ-awọmẹ ma anie: Mahaka furo-ḅẹ-apụ na; anịsakị Mahaka anie pịkị Gilẹdị ḍa;

³⁰mịna apụ ma anie Gilẹdị furo-ḅẹ-apụ ma: Iyeze furo-ḅẹ-apụ na, Hẹlẹkị furo-ḅẹ-apụ na,

³¹Asiriyẹlị furo-ḅẹ-apụ na, Sẹkẹmụ furo-ḅẹ-apụ na,

³²Sẹmida furo-ḅẹ-apụ na, Ẹfa furo-ḅẹ-apụ na.

³³Mịọkụ Zelofehadi, Ẹfa owiḅọtụḅọ ḅe gbọrụ owiḅọtụḅọ sọ iyi-a, kụma eremịna-awọmẹ; anịsakị Zelofehadi eremịna-awọmẹ ma ẹrẹ anie Mala na, Noha na, Hogila na, Milika na, Tariza na.

³⁴Mịna apụ ma anie Manasẹ ḅe furo-ḅẹ-apụ ma; anịsakị ịna kịẹn-ḅịḅị anie: owiapụ sonioa apuku oyia ngei ẹndẹ finji na kịnị jeia asi na (52,700).

³⁵Mịna apụ ma anie Iferemu owiapụ-awọmẹ ma, ịna afuro ma wẹrịtẹ sime-ḅara ḅụ anie: Sutela furo-ḅẹ-apụ na, Bika furo-ḅẹ-apụ na, Teyanị furo-ḅẹ-apụ na.

³⁶Anịsakị mịna apụ ma anie Sutela owiapụ-awọmẹ ma: Eranị furo-ḅẹ-apụ ma.

³⁷Mịna apụ ma anie Iferemu ḅẹ owiapụ-awọmẹ ma afuro ma, ịna kịẹn-ḅịḅị wẹrịtẹ sime-ḅara anie: owiapụ inia apuku gbọrụ ẹndẹ na sọnọa asi finji (32,500). Mịna apụ ma anie Josẹfụ owiapụ-awọmẹ ma, ịna afuro ma wẹrịtẹ sime-ḅara ḅụ.

³⁸Benijamịnị owiapụ-awọmẹ ma, ịna afuro ma wẹrịtẹ sime-ḅara ḅụ anie: Bila furo-ḅẹ-apụ na, Asịbẹlị furo-ḅẹ-apụ na, Ayiramụ furo-ḅẹ-apụ na,

³⁹Sẹfufamụ furo-ḅẹ-apụ na, Ufamụ furo-ḅẹ-apụ na.

⁴⁰Anịsakị Bẹla owiapụ-awọmẹ ma anie Aridi na Nahamanị na. Aridi furo-ḅẹ-apụ na, Nahamanị furo-ḅẹ-apụ na.

⁴¹Mịna apụ ma anie Benijamịnị owiapụ-awọmẹ ma, ịna afuro ma wẹrịtẹ sime-ḅara ḅụ ịna kịẹn-ḅịḅị anie: owiapụ sọnọa apuku na ngei ẹndẹ fa jei na (45,600).

⁴²Mịna apụ ma anie Danị owiapụ-awọmẹ ma, ịna afuro ma wẹrịtẹ sime-ḅara ḅụ anie: Suyamụ furo-ḅẹ-apụ ma. Mịna apụ ma anie Danị afuro ma ḅụ furo-furo ma wẹrịtẹ sime-ḅara.

⁴³Suyamụ furo-ḅẹ-apụ mamgba afuro ma wẹrịtẹ sime-ḅara ḅụ ịna kịẹn-ḅịḅị anie owiapụ ninea apuku na gbọrụ ẹndẹ na (64,400).

⁴⁴Asa owiapụ-awọmẹ ma ịna afuro ma wẹrịtẹ sime-ḅara ḅụ anie; Ịma furo-ḅẹ-apụ na, Isivi furo-ḅẹ-apụ na, Bẹraya furo-ḅẹ-apụ na.

⁴⁵Bẹraya owiapụ-awọmẹ ma anie: Hẹba furo-ḅẹ-apụ na, Malikịyẹlị furo-ḅẹ-apụ na.

⁴⁶Anịsakị Asa ẹrẹḅọtụḅọ ma ẹrẹ anie Sera.

⁴⁷Mịna apụ ma anie Asa owiapụ-awọmẹ ma afuro ma, ịna sime-ḅara ḅụ ịna kịẹn-ḅịḅị anie owiapụ sonioa apuku oyi tẹra ẹndẹ finji na kịnị oyia asi na (53,400).

⁴⁸Nafutali owiapụ-awọmẹ ma, ịna afuro wẹrịtẹ sime-ḅara anie: Jazili furo-ḅẹ-apụ na, Guni furo-ḅẹ-apụ na,

⁴⁹Jizẹ furo-ḅẹ-apụ na, Silemu furo-ḅẹ-apụ na.

⁵⁰Mịna apụ ma anie Nafutali afuro ma ḅụ furo-furo ma wẹrịtẹ sime-ḅara ḅụ ịna kịẹn-ḅịḅị anie: owiapụ sọnọa apuku oyi tẹra ẹndẹ finji na oyia asi na (45,400).

⁵¹Miemẹ anie Izirẹlịapụ ma kịẹn-ḅịḅị mẹ anị sakị mẹ ḅụ: owiapụ puku atesi oyi finji na sọnọa apuku na, inia ẹndẹ na sọnọa asi suei finji na (601,730).

⁵²KỊNỊNYANAḄỌ ḅe nwẹnị Mozizi ḅẹẹ,

⁵³“Mịna apụ ma mie sime-anga gotẹ ị́ ama ma ḍiema pịrị ḅarị apụ ẹrẹ, ẹrẹ ma kịẹn-ḅịḅị wẹrịtẹ la ḅara ḅụ.

⁵⁴Ị́ ḍụḅatẹ sime-anga kẹ opu furo pịrị ḅa, anịsakị ị́ kala sime-anga kẹ kala furo piri ḅa; furo goyegoye ḅẹ kịẹn-ḅịḅị la ḅara mie anị ḅẹ sime-anga pịkị pịrị ḅarị ḅara.

⁵⁵Kụma apịan sụa ḅụ mie í kiri mẹ ḍie ḅarịye ịna aḍapụ ma afuro ma ẹrẹ ma wẹrịtẹ sime-ḅara ḅụ mie ịn ḍuu mẹ fị ḅarị ḅara.

⁵⁶Ịna sime-anga mẹ apịan sụa ḅụ mie ḍụḅatẹ ye mẹ na, kalịye mẹ na ogboku ḅụ anị ḍiema ịn pịrị ḅarịye.”

⁵⁷Mịna apụ ma anie ịn wẹrịtẹ kịẹn ḅara ḅụ Livayị furo-ḅẹ-apụ ịna afuro ḅụ; Gasọnị ḅụ, Gasọnị furo-ḅẹ-apụ na; Kohatị ḅụ, Kohatị furo-ḅẹ-apụ na; Mẹrarị ḅụ, Mẹrarị furo-ḅẹ-apụ na.

⁵⁸Mịna apụ ma anie Livayị afuro ma: Libini furo-ḅẹ-apụ na, Hẹbụrọnị furo-ḅẹ-apụ na, Mali furo-ḅẹ-apụ na, Musi furo-ḅẹ-apụ na, Kora furo-ḅẹ-apụ na. Kohatị anie Amụramụ ḍa.

⁵⁹Amụramụ ta ma ẹrẹ anie Jokibẹdị, Livayị ẹrẹḅọtụḅọ, tẹ Ijiputi ḅụ ini iyi ọ̀ pịrị ḅọ, tẹ arị Erọnị na, Mozizi na, ịna ịyịmbara Mirihamụ na iyi Amụramụ pịrịm.

⁶⁰Anịsakị ini iyi Erọnị pịrị apụ anie Nadabụ na, Abihu na, Ẹlịyeza na, Itama na.

⁶¹Kụma Nadabụ na, Abihu na fịịm, ịn fịafịa-a fịnị kẹ KỊNỊNYANAḄỌ ḅe tọrọkọ agba mịẹ sakị ḅụ.

⁶²Anịsakị Livayị furo-ḅẹ-apụ ma ḅụ ịn kịẹn apụ anie kịnị maa ẹndẹ oyia asi finji ofori kịnị tẹra apuku (23,000). Gbọrụ akalụ sịḅị ḅụ ḅọrọtẹ owiḅọ ḅụ saakị iwo ịn kịẹnm, ịn kẹ gotẹ ọkọ kịẹn ye, ịn sime-anga sikima in pịrị-a ẹrẹsị ini in kẹ Izirẹlịapụ ma ogbo-ḅio ḅụ kịẹn suu-a.

⁶³Mịna apụ ma anie ini ma tẹ Mozizi na Ẹlịyeza, agbamịẹḅọ ḅe na tẹ Jeriko ḅụ, Jodanị mẹ akaka, Mohabụ ḅẹ ele mẹ ḅio Izirẹlịapụ ma kịẹn wararị apụ ma, kịẹn apụ ma.

⁶⁴Kụma mịna apụ ma ogbo-ḅio ḅụ Mozizi na Erọnị agbamịẹḅọ ḅe na tẹ Sayịnayị ḅẹ Ịkpa mẹ ḅio Izirẹlịapụ ma kịẹn apụ ma ḅụ ḅẹ gbọrụḅọ tẹ ịn kịẹn ḅọ ofori.

⁶⁵Anị kẹ gotẹ ọkọ mịẹ ye ịn gbolomaye ḅụ KỊNỊNYANAḄỌ ḅe ḅẹẹ tẹ, “Ịkpa mẹ ḅio ịn fịị ḅa.” Gbọrụ tomḅọ sọ ịna aḅụụ kọn-a, Kẹlẹbụ, Jefune owiḅọtụḅọ ḅe na, Jọsụwa, Nọnị owiḅọtụḅọ ḅe na sikima.