Read kalabari Jọsụwa 15 Bible Online

Jọsụwa 15 - kalabari bible

Jọsụwa 15

¹Ịn kẹ Juda furo-ḅẹ-apụ pịrị ye-yọ mẹ ịna afuro ma wẹrịtẹ sime-ḅara ḅụ suku-jụ da-mu Idọmụ oke mẹ ḅẹ suku-jụ ala-tẹịn anga mẹ ḅụ Zini ịkpa mẹ lam.

²Ịna suku-jụ ḅẹ oke mẹ Fụn Tọrụ mẹ ḅẹ kunoma ḅụ opu ọpọ mẹ tẹ tọrụ kẹ suku-jụ da-mu anga mẹ ḅụ;

³anị Akịrabimu ḅẹ kpọlị iwo anga mẹ ḅụ paka-ḅo suku-jụ da-mum tẹ ọkọ wẹrị ḅọrọ mu Zini la, tẹ Kadẹsị-Baniya ḅẹ suku-jụ ḅụ Hẹzịrọnị akaka ḍuka iwo Ada la, vuunma pịkị so Kaka mu;

⁴ọkọ ḍiki ḅọrọ mu Azimọnị la, nwẹnị Ijiputi ḅẹ Kororo mẹ ḅio tolu-paka ḅo anị ḅẹ kunoma la opu tọrụ mẹ ḅụ. Aniemẹ anie Juda suku-jụ ḅẹ oke.

⁵Ịrụa-saakịarị-anga ḅẹ oke mẹ anie Fụn Tọrụ mẹ, ọkị mu Jodanị mẹ ḅọkọ la. Anịsakị ọgọnọ-jụ pakịrị ḅẹ oke mẹ Jodanị mẹ ḅọkọ ḅụ opu tọrụ mẹ ḅe opu ọpọ mẹ ḅụ saakịm.

⁶Tẹ oke mẹ iwo mu Bẹtị-hogila la, tẹ Beta-araba ḅẹ ọgọnọ-jụ ḍuka ḅọrọ iwo mu Bohanị, Rubẹnị owiḅọtụḅọ ḅe Ḍụḅarị mẹ la;

⁷oke mẹ pịkị Akọ Tụndụ Ogboku mẹ ḅụ iwo mu Dẹbaya lam; nwẹnị pịkị iwo ọgọnọ-jụ da-mu tẹ pịkị Giligalị tẹ Adumimu ḅẹ kpọlị iwo anga mẹ na dama-dama wararị anga mẹ da-mu; aniemẹ tẹ tụndụ ogboku mẹ ḅẹ suku-jụ pakịrị ḅụ simearị ye mẹ; oke mẹ ọkọ wẹrị ḅọrọ Ẹnisẹmẹsị ḅẹ aminji ma da-mu tẹ Ẹnirọgẹlị ḅụ kunomam,

⁸anịtẹrẹmẹ oke mẹ inọmụ owiḅọtụḅọ ḅe Tụndụ Ogboku mẹ ḅẹ akaka ḅụ iwo ọgọnọ Jebusi ḅẹ suku-jụ pakịrị mẹ ḅẹ akaka (anie Jeruselemu) mu tẹ ịrụa-ideriarị-anga ḅụ Inọmụ Tụndụ Ogboku mẹ saḅa anga ḅụ iwo tụndụ mẹ sịḅị ọgọnọ ḅọrọm Rẹfayimu Tụndụ Ogboku mẹ ḅẹ ọgọnọ-jụ ḅẹ kunoma ḅụ.

⁹Oke mẹ tụndụ mẹ sịḅị ọgọnọ ḅụ ḅọrọ mu Nẹfitoha Ngụngụḅa mẹ Aminji ma lam, tẹ anịjụ ḅọrọ mu Iferemu Tụndụ mẹ ḅẹ apụ ama ma lam. Oke mẹ anịtẹrẹmẹ anda ikelema Beda (anie Kiriyati-jeharimụ) da-mum.

¹⁰Oke mẹ Bala ḅụ ịrụa-ideriarị-anga ikelema Seya Tụndụ da-mum, nwẹnị ọkọ wẹrị ḅọrọ Jeharimu Tụndụ akaka ọgọnọ-jụ (anie Sẹsalọnị) mu, tẹ ideri Bẹtị-semesi mu, tẹ ọkọ wẹrị Timuna akaka ḅọrọ.

¹¹Oke mẹ Ẹkịrọnị ḅẹ tụndụ mẹ ḅẹ akaka ọgọnọ-jụ pakịrị ḅụ mẹnjị pakam anịtẹrẹmẹ nwẹnị anda ikelema Sikẹrọnị mu, tẹ ọkọ wẹrị ḅọrọ Bahala mu, tẹ mẹnjị paka Jabunili mum, tẹ oke mẹ nwẹnị ḅo opu tọrụ mẹ ḅụ kunoma.

¹²Anịsakị ịrụa-ideriarị-anga ḅụ oke mẹ anie Gburo-gburotẹ Opu Tọrụ mẹ na anị ḅẹ agara mẹ sụụn ḅọrọ ḅara mẹ na.

¹³KỊNỊNYANAḄỌ ḅe wẹrịtẹ tọn Jọsụwa pịrị ḅara ḅụ, ọ̀ gbọrụ ḍiekiri, Kiriyati-aba (anie Hẹbụrọnị) kẹ Kẹlẹbụ Jefune Owiḅọtụḅọ ḅe pịrịm, Juda ḅẹ apụ ma ogbo-ḅio ḅụ (Aba anie Anakị ḍa).

¹⁴Kẹlẹbụ anịjụ ḅụ Anakị tẹra owiapụ-awọmẹ Sẹsayị na, Ayimanị na, Talịmayị na dee pakamam.

¹⁵Ọ̀ nwẹnị anịjụ ḅụ iwo mu owu kẹ Dẹbaya ḅẹ apụ ma paka; elemu Dẹbaya ẹrẹ anie Kiriyati-sẹfa.

¹⁶Kẹlẹbụ nwẹnị ḅẹẹ, “Kiriyati-sẹfa na owu sọ tẹ anị ọkị ḅọ, ọkị ḅọ arị ị̀ ẹrẹḅọtụḅọ Akisa kẹ mḅọ pịrị sime ḅa.”

¹⁷Kẹlẹbụ iyimbere Kenazị owiḅọtụḅọ Ọtụnịyẹlị nwẹnị anị ọkị; tẹ ọ̀ nwẹnị ori ẹrẹḅọtụḅọ Akisa kẹ ọ̀ pịrị sime.

¹⁸Árị ọ̀ ḍọkụma-ḅo tẹso, á nwẹnị ọ̀ mịẹ tẹ ori á ḍa ḅara ḅụ piri ḅii, tẹ á nwẹnị á yedogi-nama mẹ ọgọnọ koro, tẹ Kẹlẹbụ nwẹnị á gbela, “Í tiye ḅiiarị?”

¹⁹Á nwẹnị ọ̀ pakịrị, “Ḍiepịrịye kẹ ị̀ pịrịị. Ị́ ị̀ kẹ Kenanị suku-jụ mẹ ḅụ koroma tẹ ḅẹẹ-sakị, minji paka-paka-ḅoarị ngụngụḅa ma sọ kẹ ị̀ pịrịị.” Tẹ Kẹlẹbụ nwẹnị iwo anga ḅụ simearị ngụngụḅa ma na, ideri anga ḅụ simearị ngụngụḅa ma na kẹ á pịrị.

²⁰Mie Juda furo mẹ ḅẹ atomi ma ḅẹ sime anga ịna afuro ma wẹrịtẹ sime-ḅara ḅụ.

²¹Opu ama ma tẹ sime Juda furo mẹ ḅẹ atomi ma pịrị aị ma suku-jụ mẹ ḅẹ ịlụkụlụkụ mẹ ḅụ Idọmụ oke mẹ da-mu pakịrị ḅụ anie Kabuzili na, Ida na, Jegọ na,

²²Kina na, Dimona na, Adada na,

²³Kẹdẹsị na, Hazọ na, Itinanị na,

²⁴Zifu na Tẹlẹmụ na, Bihalọtị na,

²⁵Eze-adata na, Kẹrịyọtị-hezerọnị (anie Hazọ) na,

²⁶Anamụ na, Sima na, Moleda na,

²⁷Ezagada na, Ẹsịmọnị na, Bẹtị-pẹlẹtị na,

²⁸Ezasuyalị na, Biyasẹba na, Bizihọtiya na,

²⁹Bala na, Imu na, Ezemu na,

³⁰Elitoladị na, Sesili na, Họrụma na,

³¹Zikilagị na, Madimana na, Sanịsana na,

³²Lẹbahọtị na, Silihimu na, Ayini na, Rimọnị na: arịmgba gbọrụ opu ama ofori opu ama suei na arịḅẹ kala-ama ma na.

³³Ideri kiri mẹ ḅụ Ẹsịtahọlị na, Zora na, Asịna na,

³⁴Zanoha na, Enganimu na, Tapuwa na, Ẹnamụ na,

³⁵Jamutu na, Adulamụ na, Sọkọ na, Azẹka na,

³⁶Sarayimu na, Aditemu na, Gẹdẹra na, Gẹdẹrọtayimu na: ngei opu ama fa jei na arịḅẹ kala-ama ma na.

³⁷Zenanị na, Adasa na, Migidaligadi na,

³⁸Dilanị na, Mizipa na, Jokitili na,

³⁹Lakisi na, Bozikati na, Egilọnị na,

⁴⁰Kabọnị na, Lamamụ na, Kitilisi na,

⁴¹Gẹdẹrọtị na, Bẹtị-dagọnị na, Nahama na, Makẹda na: inia opu ama fa si, na arịḅẹ kala-ama ma na.

⁴²Libina na, Ita na, Esanị na,

⁴³Ifita na, Esina na, Nẹzibụ na,

⁴⁴Kẹyịla na, Akizibu na, Marẹsa na; esenia opu ama na arịḅẹ kala-ama ma na kẹ arị ḅụ sụa.

⁴⁵Ẹkịrọnị na arịḅẹ ama ma na kala-ama ma na kẹ anị ḅụ sụa.

⁴⁶Asịdọdị akaka ḅụ simearị ama mamgba Ẹkịrọnị ḅụ ọkị mu Opu Tọrụ mẹ la, na arịḅẹ kala-ama ma na kẹ arị ḅụ sụa.

⁴⁷Asịdọdị na anịḅẹ ama ma na kala-ama ma na kẹ anị ḅụ sụa; Gaza na anịḅẹ ama ma na kala-ama ma na kẹ anị ḅụ sụa, mu Ijiputi ḅẹ kuroro mẹ la, na Gburo-gburotẹ Opu Tọrụ mẹ na, anị ḅẹ agara mẹ na kẹ anị ḅụ sụa.

⁴⁸Anịsakị tụndụ ọgọnọ ḅẹ opu sịẹ mẹ ḅio Samaya na, Jataya na, Sọkọ na,

⁴⁹Dana na, Kiriyati-sana (anie Dẹbaya) na,

⁵⁰Anabụ na, Ẹsịtẹmoha na, Animu na,

⁵¹Gosẹnị na, Holonị na, Gilo na: oyi gbọrụ opu ama finji na arịḅẹ kala-ama ma na kẹ arị ḅụ sụa.

⁵²Arabụ na, Duma na, Ẹsanị na.

⁵³Jenimu na, Bẹtị-tapuwa na, Afẹka na,

⁵⁴Humuta na, Kiriyati-aba (anie Hẹbụrọnị) na Ziyọ na; esenia opu ama na arịḅẹ kala-ama ma na kẹ arị ḅụ sụa.

⁵⁵Mahọnị na, Kamẹlị na, Zifu na, Juta na,

⁵⁶Jẹzirili na, Jokidihamụ na, Zanoha na,

⁵⁷Keni na, Gibiya na, Timina na: oyi opu ama na, arịḅẹ kala-ama na kẹ arị ḅụ sụa.

⁵⁸Halihulu na, Bẹtị-zọ na, Gẹdọ na,

⁵⁹Maharatị na, Bẹtanọtị na, Ẹlitẹkọnị na: sonio opu ama na arịḅẹ kala-ama na kẹ arị ḅụ sụa.

⁶⁰Kiriyati-Balị (anie Kiriyati-jeharimụ) na, Raba na; maa opu ama na arịḅẹ kala-ama na kẹ arị ḅụ sụa.

⁶¹Ịkpa mẹ ḅio Bẹtị-araba na, Midini na, Sikeka na,

⁶²Nibusanị, Fụn Opu ama mẹ na, Ẹnigidi na: sonio opu ama na arịḅẹ kala-ama na kẹ arị ḅụ sụa.

⁶³Kụma Jeruselemu ḅụ anga Jebusayịtị apụ ma, Juda inetẹ in dee pakama-a; anieḅụ Jebusayịtị apụ ma na, Juda ḅẹ apụ ma na Jeruselemu ḅụ anga ḅo mịmgba lam.