Read kalabari Jọsụwa 16 Bible Online

Jọsụwa 16 - kalabari bible

Jọsụwa 16

¹In ḍie kẹ Josẹfụ ḅụụ ḅụ paka-ḅo apụ ma pịrị anga, Jodanị mẹ ḅẹ Jeriko akaka Jeriko ḅẹ aminji ma ḅụ ịrụa-saakịarị-anga ḅụ ọkị mu ịkpa mẹ ḅio sọ Jeriko ḅụ iwo mu tụndụ ọgọnọ ḅẹ opu sịẹ mẹ ḅụ mu Bẹtẹlị la;

²anịtẹrẹmẹ Bẹtẹlị ḅụ mu Luzu la, anị nwẹnị ọkọ wẹrị ḅọrọ mu Atarọtị, Akayịtị apụ angarị ye-yọ mẹ la;

³anị nwẹnị ideri ịrụa-ideriarị-anga da-mu Jafịlẹtị apụ ye-yọ mẹ la, sọ mu Ideri pakịrị ḅẹ Bẹtị-horoni mẹ jụjụ-ḅio la; anịtẹrẹmẹ mu Geza la, anị nwẹnị tọrụ mẹ ḅụ kunoma.

⁴Josẹfụ na, Manasẹ na, Iferemu na atomi ịna sime anga ọkịm.

⁵Iferemu furo-ḅẹ-apụ ma ịna afuro ma sime-ḅara ḅụ mie ịna ye-yọ mẹ sime-ḅara: ịrụa-saakịarị-anga ḅụ ịna sime anga mẹ ḅẹ oke anie Atarọtị-ada ḅụ mu Iwo pakịrị ḅẹ Bẹtị-horoni jụjụ-ḅio la;

⁶oke mẹ nwẹnị pịkị anịjụ ḅụ mu Opu Tọrụ mẹ la ọgọnọ-jụ ḅụ anie Mịkịmetati; anịtẹrẹmẹ ịrụa-saakịarị-anga ḅụ oke mẹ nwẹnị pịkị ikelema Tanatị-silo da-mu, tẹ ọkọ wẹrị anị ḅẹ ọgọnọ ịrụa-saakịarị-anga ḅụ ḅọrọ mu Janoha la.

⁷Anịtẹrẹmẹ anị nwẹnị Janoha ḅụ mẹnjị ideri-mu Atarọtị na Nahara na la, mu Jeriko sẹsẹrị ḅọrọ mu Jodanị ḅụ kunoma.

⁸Tapuwa ḅụ oke mẹ nwẹnị ịrụa-ideriarị-anga da-mu Kana kuroro la, tẹ Opu Tọrụ mẹ ḅụ kunoma. Mị-ḅara mie Iferemu furo-ḅẹ-apụ ma sime anga sime-ḅara ịna afuro ma sime ḅara ḅụ,

⁹na ama ma tẹ Manasẹ sime anga mẹ ḅio ḅụ ịn sikima wẹrị Iferemu furo-ḅẹ-apụ ma pịrị wararị ama ma na arịḅẹ kala-ama ma na kẹ arị ḅụ sụa gboloma.

¹⁰Anị sime-ḅara, sime-ḅara sọ, Kenanị ḅẹ apụ ma tẹ Geza ḅụ sime apụ ma ini ịn dee-a; anieḅụ Kenanị ḅẹ apụ ma Iferemu ogbo-ḅio sime ḅo mịmgba lam, kụma ịn ḅo omoniapụ sọ kụrọ kọrịnama kọrị pịrịm.