Read kapsiki Gha ta Wəshi 5 Bible Online

Gha ta Wəshi 5 - kapsiki bible

Gha ta Wəshi 5

¹Wa nyi sləa hwelefefi nyi kesawa mbe Adam nyi: Ma te veci nya pate mbeli Shala ne, kala ghəa ŋkɛ pate hɛ ŋkɛ.

²Yɛ za le male pate hɛ ŋkɛ, pa ŋkɛ wəpikɛ hɛ ba'a ndeke nda sləa mbeli ke hɛ te veci nya pate hɛ ŋkɛ.

³Pa Adam menete va gwəmsə ba'a mahekenemsə. Pa ŋkɛ yake wəzege teza nya kala gheŋkɛ ba'a hekate nda slə kaSɛt.

⁴Ma kwetere wəmbəa ya ta Sɛt ne, pa Adam menete va gwəmsə deghese. Nahe ŋkɛ keyake kweci ŋwale tezhili ba'a ŋwalea kwɛ.

⁵Ma kwa menete va ŋkɛ gwəmsə mesli ba'a mahekenemsə pɛtɛa ŋkɛ ne, mtiwə ŋkɛ.

⁶Va gwəmsə ba'a mcɛfe menete Sɛt nda yake Ɛnos ŋkɛ.

⁷Kwetere wəmbəa ya ta Ɛnos ne, va gwəmsə deghese ba'a mberefaŋe menete Sɛt zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

⁸Ma kwa menete va ŋkɛ gwəmsə mesli ba'a meŋe bakeghəmbe pɛtɛa ŋkɛ ne, mtiwə ŋkɛ.

⁹Ma kwa menete va Ɛnos meslimsə ne, pa ŋkɛ yake wəzege teza: Kɛnan.

¹⁰Kwetere wəmbəa ya ta Kɛnan ne, va gwəmsə deghese ba'a meŋe mcɛfeghəmbe menete Ɛnos zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

¹¹Ma kwa menete va Ɛnos gwəmsə mesli ba'a mcɛfe pɛtɛa ŋkɛ ne, mtiwə mtenyɛ.

¹²Ma kwa menete va Kɛnan mberefaŋemsə ne, pa ŋkɛ yake Malalɛyɛl kawəzege teza.

¹³Kwetere wəmbəa ya ta Malalɛyɛl ne, va gwəmsə deghese ba'a wəfaɗemsə menete Kɛnan zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

¹⁴Ma kwa menete va Kɛnan gwəmsə mesli ba'a meŋe pɛtɛa ŋkɛ ne, mtiwə mtenyɛ.

¹⁵Va ŋkwaŋemsə mcɛfeghəmbe menete Malalɛyɛl nda yake Yɛrɛd ŋkɛ.

¹⁶Kwetere wəmbəa ya ta Yɛrɛd ne, va gwəmsə deghese ba'a mahekenemsə menete Malalɛyɛl zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

¹⁷Ma kwa menete va Malalɛyɛl gwəmsə deghese ba'a meslimsə mcɛfeghəmbe pɛtɛa ŋkɛ ne, mtiwə mtenyɛ.

¹⁸Va gwəmsə ba'a ŋkwaŋemsə bakeghəmbe menete Yɛrɛd nda yake Ɛnok ŋkɛ kawəzege teza.

¹⁹Kwetere wəmbəa ya ta Ɛnok ne, va gwəmsə deghese menete Yɛrɛd zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

²⁰Ma kwa menete va Yɛrɛd gwəmsə mesli ba'a ŋkwaŋemsə bakeghəmbe pɛtɛa ŋkɛ ne, mtiwə mtenyɛ.

²¹Va ŋkwaŋemsə mcɛfeghəmbe menete Ɛnok nda yake Matəsalɛm ŋkɛ kawəzege teza.

²²Kwetere wəmbəa ya ta Matəsalɛm ne, va gwəmsə mahekene menete Ɛnok kwa hweŋkwa ta Shala. Nahe ŋkɛ keyake kweci ŋwale tezhili ba'a ŋwalea kwɛ.

²³Va gwəmsə mahekene ba'a ŋkwaŋemsə mcɛfeghəmbe menete Ɛnok teghweme pɛtɛa ŋkɛ.

²⁴Ma kwa zelete hweŋkwa ta Shala ŋkɛ ne, terayɛ ŋkɛ zanyɛ, kwa nza ŋkɛ nahe Shala keleghe ŋkɛ kadzeme shɛ.

²⁵Va gwəmsə ba'a deghesemsə mberefaŋeghəmbe menete Matəsalɛm nda yake Lɛmɛk ŋkɛ.

²⁶Kwetere wəmbəa ya ta Lɛmɛk ne, va gwəmsə mberefaŋe ba'a deghesemsə bakeghəmbe menete Matəsalɛm zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

²⁷Ma kwa menete va Matəsalɛm gwəmsə mesli ba'a ŋkwaŋemsə meslighəmbe pɛtɛa ŋkɛ ne, mtiwə mtenyɛ.

²⁸Ma kwa menete va Lɛmɛk gwəmsə ba'a deghesemsə bakeghəmbe ne, pa ŋkɛ yake wəzege teza.

²⁹Pa ŋkɛ ndeke nda slə kaNowɛ. Kwa nza ŋkɛ ma ke: «Gheŋkɛ nde tegweɗakwe ɓəmə wənə mbe slene ta ɓəmə ba'a va yaka nya te gheɓəmə, va nya bezlamte hɛɗi Mahwətə.»

³⁰Kwetere wəmbəa ya ta Nowɛ ne, va gwəmsə mcɛfe ba'a meslimsə mcɛfeghəmbe menete Lɛmɛk zhɛkwa. Nahe ŋkɛ keyake kweci ŋwale tezhili ba'a ŋwalea kwɛ.

³¹Ma kwa menete va Lɛmɛk gwəmsə mberefaŋe ba'a mberefaŋemsə mberefaŋeghəmbe pɛtɛa ŋkɛ ne, mtiwə ŋkɛ.

³²Va ta Nowɛ gwəmsə mcɛfe nda yake ŋwale tezhili mahekene ŋkɛ: Sɛm, Sham ba'a Zhafɛt.