Read kapsiki 1 Ka Meghea Kɛfi 4 Bible Online

1 Ka Meghea Kɛfi 4 - kapsiki bible

1 Ka Meghea Kɛfi 4

¹Kameghea pɛtɛa ka Israyɛl se Salomon.

²Wa nyi slə mbelia jama nyi kese nyi kamene nda slene: Azariya, wəzege ta Sadok nya kande dzeghe Shala,

³yɛ Ɛlihorɛf le Ahiya, ŋwalea Shisha nyi kaka rafe wəshi. Yoshafat wəzege ta Ahiləwd nya kande kele ghena ta meghe.

⁴Benaya, wəzege ta Yoyada, nya kawəndə nya te ghəa ka sewajɛ, yɛ Sadok le Abiyatar ya kaka dzeghe Shala.

⁵Azariya, wəzege ta Natan nya kameghea mbelia ŋgwamna. Zabəwd, wəzege ta Natan, nde dzeghe Shala ba'a nde ncɛ ghena za ta meghe ŋkɛ le ghəa ŋkɛ.

⁶Ahishar ya kameghe nya te ghə ghɛa meghe. Adoniram, wəzege ta Abda nya te ghə slene nyi mene mbeli le ɗema ta nci.

⁷Mbelia ŋgwamna meŋe bakeghəmbe ka se va Salomon kaŋa pɛtɛa ka Israyɛl, nyi kese kafə nda wəshi kezeme ke meghe le mbeli nyi ki ghɛa ŋkɛ. Yayata wəndəa nci kakele nda wəsə ke meghe kadzeyite kadzeyite katere zake mbe va.

⁸Wa nyi sləa mbeli nyi te ghəa wəshi meghe shɛhɛ nyi: Wəzege ta Həwr, kaŋa hɛɗi nya hwa ghweme ta Ɛfrayim,

⁹wəzege ta Dɛkɛr kaŋa hɛɗia Makas, Sha'albim, Bɛt-Shɛmɛsh ba'a Ɛlon-Bɛt-Hanan,

¹⁰wəzege ta Hɛsɛd kwa Arəwbot kaŋa meleme Soko le hɛɗia Hɛfɛr pɛtɛ,

¹¹wəzege ta Abinadab kaŋa meleme nya hwa ghweme ta Dor. Tafat, wəzha ta Salomon yawəmeve ŋkɛ.

¹²Ba'ana, wəzege ta Ahiləwd ya kaŋa hɛɗia Ta'anak le Mɛgido ba'a le pɛtɛa meleme Bɛt-Shɛyan nya vare Sartan kwa zeweve ta Zhizrɛyɛl, se mbe Bɛt-Shɛyan hwa'a vare Abɛl-Mehola ba'a zlake ke Yokmɛyam,

¹³wəzege ta Gɛbɛr kwa Ramot mbe Gala'ad ya kaŋa meleme ta yɛ Yayir, wəzege ta Manasɛ, mbe Gala'ad ba'a hɛɗia Argob nya kwa ghəa wəmbə mbe Bashan, meleme nyi berete berete ŋkwaŋemsə ka se mbe pɛtɛa hɛɗia shɛ, nyi dzasle kwa zli le gelembe nyi teŋzle le wəbəzli kwa mze kwa tɛawetɛa te hɛ,

¹⁴Ahinadab, wəzege ta Ido ya kaŋa hɛɗia Mahanayim,

¹⁵Ahimas ya te hɛɗia ka Nɛftali, gheŋkɛ perə ne, kwete wəzha ta Salomon nya heka mbeli kaBasmat yawəmeve ŋkɛ.

¹⁶Ba'ana nya kawəzege ta Həwshay ya kaŋa hɛɗia yɛ Asɛr le Bɛyalot,

¹⁷Zhozafat, wəzege ta Parəwa ya kaŋa hɛɗia Isakar,

¹⁸Shimɛyi, wəzege ta Ɛla ya te hɛɗia ka Bɛnjamɛn,

¹⁹Gɛbɛr, wəzege ta Əwri ya te hɛɗia Gala'ad zlaɓe le meleme ta Sihon, meghea ka Amor ba'a ŋa Og, meghea ka Bashan. Kadzeghəa nyi meŋe bakeghəmbe nyighɛ, kwete wəndə ya shɛ te ghəa wəshia meghe te hɛɗia Zhəwda.

²⁰Kwele kwele se mbeli nyi te hɛɗia Zhəwda ba'a ka Israyɛl kala ndaleghe nya mɛa ndərə. Ma kwa nza wəshi kezeme ba'a wəshi kesa va hɛ kwele kwele ne, le zlama se hɛ kazeme zeɗe nza.