Read kapsiki 1 Wəshi nyi Mene Ka Meghe 2 Bible Online

1 Wəshi nyi Mene Ka Meghe 2 - kapsiki bible

1 Wəshi nyi Mene Ka Meghe 2

¹Wa nyi sləa ŋwalea Zhakob nya heka mbeli kaIsrayɛl nyi: Rəbɛn, Simɛyon, Lɛvi, Zhəwda, Isakar, Zabəlon,

²Dan, Zhozɛf, Bɛnjamɛn, Nɛftali, Gad le Asɛr.

³Mahekene ŋwalea Zhəwda nyi yake ŋkɛ hwa male ta ŋkɛ nya kawəzha ta Shəwa kwa Kanan. Yɛ Ɛr, Onan le Shɛla. Ama Ɛr nya katezhɛa wəzege ta Zhəwda ne, nde beze ghena ŋkɛ sha Mahwətə, pa peslekɛ.

⁴Kwa sebe ta ŋkɛ, pa Tamar nya kamakwa ta ŋkɛ yake nda ŋwale tezhili bake, yɛ Pɛrɛs le Zɛra. Mcɛfe ŋ'wete ŋwale tezhili ŋkɛ pɛtɛ nci.

⁵Ŋwalea Pɛrɛs: Hɛsron le Haməwl.

⁶Ŋwalea Zɛra: Zimri, Ɛtan, Hɛman, Kalkol le Dara, mcɛfe hɛ pɛtɛa nci.

⁷Wəzege ta Karmi ne, Akar. Gheŋkɛ nde kekele ndiremi kadzembe Israyɛl kwa keseyi wəsə nya keveyi geva kaŋa Shala ŋkɛ kaŋa ŋkɛ.

⁸Azariya sləa wəzege ta Ɛtan.

⁹Ŋwalea Hɛsron: Yeramɛyɛl, Ram le Kalɛb nya heka mbeli kaKɛləwbay perə.

¹⁰Ram yitenyɛa Aminadab, Aminadab yitenyɛa Nashon nya kawəndə nya te ghəa yita ta Zhəwda.

¹¹Nashon ya kayitenyɛa Salma, Salma yitenyɛa Bəwz,

¹²Bəwz yitenyɛa Obɛd, Obɛd yitenyɛa Zhɛsɛ.

¹³Mberefaŋe yake ŋwale Zhɛsɛ: Ɛliyab nde ghate, Abinadab nde zhɛne kadzeyite, Shimɛya nde mahekene,

¹⁴Netanɛyɛl nde wəfaɗe, Raday nde mcɛfe,

¹⁵Osɛm nde ŋkwaŋe, David nde mberefaŋe kakwa keɗaŋe.

¹⁶Ŋwalea kwɛa yiteyɛa nci ne, yɛ Serəwya hɛ le Abigal. Mahekene ŋwale va Serəwya: Abishay, Zhowab le Asayɛl.

¹⁷Pa Abigal yake wəzege teza, Amasa sləa ŋkɛ, ma yitenyɛa Amasa ne, nde Ismayɛl ŋkɛ, Yɛtɛr sləa ŋkɛ.

¹⁸Ma Kalɛb wəzege ta Hɛsron ne, mahekene yake ŋwale tezhili ŋkɛ sawa hwa mia ŋkɛ Azəwba le Yeriyot: Yɛshɛr, Shobab le Ardon.

¹⁹Ma kwa mtenyɛ Azəwba, pa Kalɛl wəmeve Ɛfrata kamale ta ŋkɛ, pa yave nda wəzege teza Həwr ke mbeli shɛ.

²⁰Pa Həwr yake Əwri, Əwri yitenyɛ Bɛsalɛl.

²¹Va ŋkwaŋemsə Hɛsron menete, pa ŋkɛ wəmeve wəzha ta Makir, yitenyɛa Gala'ad. Pa ŋkɛ yake Sɛgəwb kawəzege teza sawa hwə.

²²Pa Sɛgəwb yake Yayir nya keŋ'wete meleme bakemsə mahekeneghəmbe te hɛɗia Gala'ad.

²³Ama nahe yɛ meghea ka Gɛshəwr le ŋa ka Aram kefəhwe kweci meleme ta Yayir, le Kenat ba'a le kweci meleme nyi yite, meleme ŋkwaŋemsə pɛtɛa nci. Nahe pɛtɛa mbeli nyi mbe hɛ kenza kahwelefefia Makir, yitenyɛa Gala'ad.

²⁴Ma kwa mtenyɛ Hɛsron, pa Kalɛb wəmehwe Ɛfrata male ta yitenyɛ, pa nde yave nda Ashehəwr, yitenyɛa Tɛkowa.

²⁵Wa nyi ŋwalea Yeramɛyɛl nya kande ghate ta wəzege ta Hɛsron nyi: Ram nya katezhɛa wəzege ta ŋkɛ, Bəwna, Orɛn, Osɛm ba'a Ahiya.

²⁶Pa Yeramɛyɛl ŋ'wete kwete male nya nza sləa nta kaAtara, ghenta meghekɛa Onam.

²⁷Ma ŋwalea Ram nya katezhɛa wəzege ta Yeramɛyɛl ne, yɛ Ma'as, le Yamin le Ɛkɛr.

²⁸Wa nyi ŋwalea Onam nyi: Shamay le Yada. Ma ŋwalea Shamay ne, yɛ Nadab le Abishəwr.

²⁹Pa Abishəwr wəmeve Abihayil nya keyake nda yɛ Aban le Molid.

³⁰Ma ŋwalea Nadab ne, yɛ Sɛlɛd le Apayim. Pa Sɛlɛd mtenyɛ kaɗema keyake wəzege.

³¹Ishɛyi, wəzege ta Apayim. Shɛshan, wəzege ta Ishɛyi. Alay ŋa Shɛshan.

³²Ma ŋwalea Yada, wəza meghekɛa Shamay ne, yɛ Yɛtɛr le Yonatan. Pa Yɛtɛr mtenyɛ kaɗema wəzege ve.

³³Ma ŋwalea Yonatan ne, yɛ Pɛlɛt le Zaza. Tsagha se hwelefe ta Yeramɛyɛl.

³⁴Kese wəzege teza va Shɛshan we, deke ŋwalea kwɛ. Nde Ɛzhipte nya nza sləa ŋkɛ kaYara se nde mene slene ta ŋkɛ.

³⁵Pa Shɛshan ndeke nda kwete wəzha ta ŋkɛ kamale ke nde mene slene ta ŋkɛ Yara, pa nde yave nda Atay kawəzege teza.

³⁶Pa Atay yake Natan, pa Natan yake Zabad.

³⁷Pa Zabad yake Ɛflal. Pa Ɛflal yake Obɛd.

³⁸Pa Obɛd yake Yɛhəw. Pa Yɛhəw yake Azariya.

³⁹Pa Azariya yake Hɛlɛs. Pa Hɛlɛs yake Ɛlasa.

⁴⁰Pa Ɛlasa yake Sismay. Pa Sismay yake Shaləwm.

⁴¹Pa Shaləwm yake Yɛkamiya. Pa Yɛkamiya yake Ɛlishama.

⁴²Ma ŋwalea Kalɛb, wəza meghekɛa Yeramɛyɛl ne, Mɛsha nya katezhɛa wəzege ta ŋkɛ, gheŋkɛ yitenyɛa Zif. Ma hwelefe ta Marɛsha, ghenci kase mbe Hɛbron.

⁴³Ma ŋwalea Hɛbron, yɛ Kora le Tapəwa, le Rɛkɛm le Shɛma.

⁴⁴Shɛma yitenyɛa Raham, Raham yitenyɛa Yorkowam. Rɛkɛm yitenyɛa Shamay.

⁴⁵Shamay yitenyɛa Mawon, Mawon yitenyɛa Bɛt-Səwr.

⁴⁶Pa Kalɛb ŋ'wete kwete male meghwa Ɛfa sləa nta, pa nde yake nda Haran, Mosa ba'a Gazɛz. Pa Haran yake wəzege teza kandeke nda slə kaGazɛz perə.

⁴⁷Ma ŋwalea Yaday: yɛ Rɛgɛm, Yotam, Gɛshan, Pɛlɛt, le Sha'af.

⁴⁸Pa Kalɛb ŋ'wete kwete meghwa Ma'aka sləa nta, pa yake nda ŋwale: yɛ Shɛbɛr le Tirana

⁴⁹Kwetere wəmbəa ŋkɛ, pa zhɛne kayake yɛ Sha'af nya kayitenyɛa Madmana ba'a Sheva nya kayitenyɛa yɛ Makbɛna le Gibɛya. Aksa sləa wəzha ta Kalɛb.

⁵⁰Wa nyi kweci nyi ŋwalea Kalɛb: pa Həwr nya katezhɛa wəzege ta male ta ŋkɛ Ɛfrata, mahekene ŋwale ve: yɛ Shobal nya keŋslete meleme ta Kiriyat-Yɛyarim,

⁵¹Salma nya keŋslete Bɛtelɛhɛm ba'a Harɛf nya keŋslete Bɛt-Gɛdɛr.

⁵²Ma Shobal nya keŋslete meleme ta Kiriyat-Yɛyarim, na ŋ'wete hwelefe kaka ka shihɛnyɛ: mbeli nyi mbe Harowɛ le kwete bela ta mbeli nyi mbe Mɛnəwhot,

⁵³zlaɓe le yɛ yita nyi mbe Kiriyat-Yɛyarim, gezete ŋkɛ: yɛ ka Itri, ka Pəwt, ka Shəwmat le ka Mishra. Shave mbe hɛ shave mbeli nyi mbe Tsorɛyat le nyi mbe Ɛshetawol.

⁵⁴Wa nyi hwelefe nyi kesawa mbe Salma nyi: ka Bɛtelɛhɛm, ka Netofa, ka Atrot-Bɛt-Yowab, kwete bela ta ka Manahat, nyi mbe Sora,

⁵⁵le yita ta ka rafe wəshi nyi mbe Yabɛs kala ka Tirat, ka Shəwmat le ka Səwkat. Ka Kɛn nyighɛ, hwelefe ta Hamat nya kashia ka yita ta Rɛkab hɛ.