Read kapsiki 1 Wəshi nyi Mene Ka Meghe 23 Bible Online

1 Wəshi nyi Mene Ka Meghe 23 - kapsiki bible

1 Wəshi nyi Mene Ka Meghe 23

¹Ma kwa halenyɛ David təwə təwə ghə ne, pa veyi wəzege ta ŋkɛ Salomon kameghea ka Israyɛl.

²Kwetere wəmbəa ŋkɛ, pa tsenete ka meghe nyi mbe Israyɛl pɛtɛ zlaɓe le ka dzeghe Shala ba'a ka Lɛvi.

³Pa mbeli ɓelate ka Lɛvi nyi nza va ta nci se te mahekenemsə kajive kajive pɛtɛa nci ne, 38.000 ɓela ta nci.

⁴Pa David tsehave mbeli 24.000 kezha newe ghweme te ŋa geva ta ghɛa Mahwətə, mbeli 6.000 nyi veyi ŋkɛ kambelia jama nyi te ghəa mbeli ba'a kaka meha ghwə,

⁵ka ya mɛ degha 4.000 ba'a 4.000 kweci nyi ketsahe Mahwətə le wəshi ketsa nyi menete nda mbeli ke hɛ kezha mene slene le.

⁶Pa neheve ka Lɛvi mbe kewəvəsə kewəvəsə kala nza ta yita: Gɛrshon, Kɛhat le Merari.

⁷Ma ŋwale tezhilia Gɛrshon ne, yɛ Ladan le Shimɛyi.

⁸Ŋwale tezhili mahekene yake Ladan: Yɛhiyɛl nde ghate, zhɛne Zɛtam, pa Zhowɛl.

⁹Ŋwale tezhili mahekene yake Shimɛyi: Shelomit, Haziyɛl, le Haran, ghenci ka se kaka meghe kwa yita nyi keshave mbe Ladan.

¹⁰Pa Shimɛyi zhɛne kayake ŋwale tezhili wəfaɗe: Yahat, Ziza, Yɛyəwsh le Beriya.

¹¹Yahat nde ghate, Ziza nde zhɛne kadzeyite. Keŋ'wete ŋwale tezhili yɛ Yɛyəwsh le Beriya kwele kwele we. Kayita nya kwetɛŋe ɓelate geva ŋwalea nci yitea slene nya kwetɛŋe.

¹²Ŋwale tezhili wəfaɗe yake Kɛhat: Amram, Isar, Hɛbron le Əwziyɛl.

¹³Ŋwale tezhili nyi yake Amram: Aron le Moyize. Pa mbeli veyi Aron te ŋa ŋkɛ ŋkwa tekeleke kaghala ghala le ŋwalea ŋkɛ kezha slene ta ŋkwa nya keveyi geva tekeleke tsape kezha tere nda 'wərdə ke Mahwətə le mene slene ta Shala ba'a kezha wəpi ŋkwa te sləa ŋkɛ kaghala ghala.

¹⁴Ma Moyize le ŋa ŋkɛ, kawəndəa Shala ŋkɛ. Ama mbe hwelefe ta Lɛvi ɓelahwe ŋwale tezhilia ŋkɛ mbeli.

¹⁵Ŋwale tezhili nyi yake Moyize: yɛ Gɛrshom le Ɛliyɛzɛr.

¹⁶Ma wəzege teza nya kwelea ŋwalea Gɛrshom ne, Shebəwɛl.

¹⁷Deke Rehabiya kwetɛŋe wəzege teza nya yake Ɛliyɛzɛr. Keŋ'wete kweci ŋkɛ we, ama kwele kwele yake ŋwale Rehabiya.

¹⁸Ŋwale tezhili nyi yake Isar: Shelomit nya kwele.

¹⁹Ŋwale tezhili nyi yake Hɛbron: Yeriya nde ghate, Amariya nde zhɛne kadzeyite, Yaziyɛl nde mahekene ba'a Yekamam nde wəfaɗe.

²⁰Ŋwale tezhili nyi yake Əwziyɛl: Mika nde ghate, Isiya nde bake.

²¹Ŋwale tezhili nyi yake Merari: yɛ Mahli le Məwshi. Bake yake ŋwale tezhili Mahli: yɛ Ɛlazar le Kish.

²²Pa Ɛlazar mtenyɛ kaɗema keyake wəzege teza, ama deke ŋwalea kwɛ nyi wəmehwe ŋwalea Kish nyi kaka kesaka yitehɛ nci yayake ŋkɛ.

²³Ŋwale tezhili mahekene yake Məwshi: Mahli, Ɛdɛr le Yerɛmot.

²⁴Wa nyi tsagha se hwelefe ta Lɛvi, yayata wəndəa nci kameghe kwa yita ta ŋkɛ. Kwete kwete ɓelate hɛ mbeli le sləa nci. Se te va bakemsə ghate mene slene ta ghɛa Mahwətə hɛ.

²⁵Va nya nza ŋkɛ ma ke David gezete: «Nahe Mahwətə, Shala ta ka Israyɛl kendeke nda nza kwelɛŋe ke mbelia ŋkɛ, mbe Zhɛrəzalɛm tenza ŋkɛ kaghala ghala.

²⁶Ma tsagha ŋkɛ, mba ka Lɛvi kakele cɛ lekwesa kebegeme le Shala ba'a kweci wəshi nyi mene slene mbeli le mbe pɛtɛ kadzeghwa le we.»

²⁷Ma kala kwa keɗaŋe ta ghena ta David nya zəzəve ŋkɛ, tsagha rafete ka Lɛvi mbeli mbe palepa se te va bakemsə.

²⁸Va hwelefe ta Aron fa ghena ta slene nyi kemene geva mbe ghɛa Mahwətə hɛ, te ŋwela ta ŋkɛ keɗema le kweci hwa cɛ nyi mbe. Kayaɓe wəshi nyi keveyi geva tekeleke hɛ wɛŋe wɛŋe ba'a kamene kweci slene tekeleke mbe ghɛa Shala.

²⁹Kamene slene ta ɗafa nyi keveyi geva kaŋa Shala, kahi hə kezha wəshi nyi ve nda mbeli ke Shala nyi wəzate mbeli, le yɛ gatewe nyi kewepema, le kweci ma ta gatewe. Ghenci ka newe ghweme te wəshi kenewe ɗaŋeɗa ta wəshi le nyi kedzeghe yɛ n'yi.

³⁰Nda hɛ kanza tagha kala masheke ta ŋkwa le tɛhwɛɗi kezha tsahe Mahwətə le tsa nda hana.

³¹Nda hɛ kanza tagha te yayata və nya nza mbeli kadzeghe nda melɛ kwa tere tere, le veci kezhɛne mpi, le kwa ghate ta hɛa tere keɗema kweci hɛa gəsəkə. Te yayata və mene slene ta nci hɛ mbe kema ta Mahwətə kala nya ɓelate nda mbeli ke hɛ.

³²Kanewe ghweme hɛ te nza ta cɛ lekwesa kebegeme le Shala ŋkwa nya vare reghwetɛ mbe ghɛa Shala. Kakemane mbelia Aron nyi kaka menəhɛ nci hɛ kezha slene ta ghɛa Mahwətə.