Read kapsiki 1 Wəshi nyi Mene Ka Meghe 24 Bible Online

1 Wəshi nyi Mene Ka Meghe 24 - kapsiki bible

1 Wəshi nyi Mene Ka Meghe 24

¹Kewəvəsə kewəvəsə nehete ŋwalea Aron mbeli mbe. Wəfaɗe yake ŋwale tezhili Aron: Nadab, Abihəw, Ɛlazar le Itamar.

²Pa yɛ Nadab le Abihəw mpənji mpelɛa ma ke yiteyɛa nci, kaɗema keyake ŋwale tezhili. Vatse nza nde yɛ Ɛlazar le Itamar ka mene slene ta dzeghe Shala.

³Pa yɛ David le Sadok nya kahwelefe ta Ɛlazar ba'a le Ahimɛlɛk, hwelefe ta Itamar nehemte ka dzeghe Shala mbe kewəvəsə kewəvəsə kala nza ta slene ta nci.

⁴Ma newe mbeli ne, kwele ma zhili mbe hwelefe ta Ɛlazar ke ŋa Itamar. Vatse nehemte hwelefe ta Ɛlazar mbeli mbe kapelə meŋe ŋkwaŋeghəmbe, kapelə deghese nehemte ŋa Itamar mbeli mbe. Yayata pelə le ŋa ŋkɛ wəndə nya te ghə.

⁵Le sla kwasheghediɗi nehemte geva hɛ, kwa nza ŋkɛ ka mene slene mbe ŋkwa nya keveyi geva tekeleke ba'a ka mene nda slene ke Shala ya hwa hwelefefia Ɛlazar ba'a hwa hwelefefia Itamar.

⁶Pa nde rafe wəshi Shemaya nya kawəzege ta Netanɛyɛl hwa ka Lɛvi rafete hɛ kwa kema ta yɛ meghe nya wəba, le kweci ka meghe, le nde dzeghe Shala Sadok, le Ahimɛlɛk wəzege ta Abiyatar, ka meghe nyi kwa yita, ka dzeghe Shala le ka Lɛvi. Bake zhigəa mbeli kasla kwasheghediɗi kaŋa yita ta Ɛlazar, kwetɛŋe zhigə ŋa yita ta Itamar.

⁷Wa nyi sləa ka meghe nyi mbe wəvəsə nyi teɗenyɛ kwasheghediɗi te nyi: 1. Yoyarib — 13. Həwpa 2. Yedaya — 14. Yɛshɛbab 3. Harim — 15. Bilga 4. Sɛyorim — 16. Imɛr 5. Malkiya — 17. Hɛzir 6. Miyamin — 18. Hapisɛs 7. Hakos — 19. Petahiya 8. Abiya — 20. Ɛzɛkiyɛl 9. Yɛshəwa — 21. Yakin 10. Shekaniya — 22. Gaməwl 11. Ɛliyashib — 23. Delaya 12. Yakim — 24. Ma'aziya.

¹⁹Tsagha nehete geva hɛ yitea slene ta nci mbe ghɛa Mahwətə. Ki ghɛa shɛ mene slene ta nci hɛ kala ghena nya gezeyi nda shia nci Aron ke hɛ kala nya gezete nda Mahwətə, Shala ta ka Israyɛl.

²⁰Wa nyi kweci nyi ka meghe mbe hwelefe ta Lɛvi: Hwa hwelefe ta Amram: Shəwbayɛl, ba'a hwa ŋa Shəwbayɛl, Yɛdiya.

²¹Hwa hwelefe ta Rehabiya: Isiya nya kande ghate mbe yita ta nci.

²²Hwa hwelefe ta Isar: Shelomot, hwa ŋa Shelomot, Yahat.

²³Ŋwale tezhilia Hɛbron: Yeriya nde ghate, Amariya nde bake, Yaziyɛl nde mahekene ba'a Yekamam nde wəfaɗe.

²⁴Wəzege teza ta Əwziyɛl: Mika. Hwa hwelefe ta Mika: Shamir.

²⁵Hwa hwelefe ta Isiya nya kawəza meghekɛa Mika: Zakari.

²⁶Ŋwale tezhilia Merari: Mahli, Məwshi le Yaziya.

²⁷Ka shihɛnyɛa Merari nyi yake wəzege ta ŋkɛ Yaziya: Shoham, Zakəwr ba'a Ibri.

²⁸Ŋwale tezhilia Mahli: Ɛlazar nya keyakema ŋwale tezhili,

²⁹ba'a Kish nya nza Yeramɛyɛl kawəzege teza ta ŋkɛ.

³⁰Ŋwale tezhilia Məwshi: Mahli, Ɛdɛr le Yerimot. Tsagha se sebe ta ka Lɛvi kala nza ta yita ta nci keghə keghə.

³¹Ghenci perə ne, kala ka kesaka yiteyɛa nci nyi kahwelefefia Aron se hɛ kasla kwasheghediɗi yitea mbeɗe ta slene ta nci. Kwa kema ta yɛ meghe David, le Sadok le Ahimɛlɛk ba'a kwa kema ta ka meghe nyi kwa yita ta ka dzeghe Shala le ka Lɛvi mene hɛ. Ma tsagha ne, kanya kwetɛŋe menete geva ŋkɛ mbe yita ta yayata meghe kala ŋa wəza meghekɛ nya ɓɛhwɛ ma.