Read kapsiki 1 Wəshi nyi Mene Ka Meghe 25 Bible Online

1 Wəshi nyi Mene Ka Meghe 25 - kapsiki bible

1 Wəshi nyi Mene Ka Meghe 25

¹Pa yɛ David le ka meghe nyi te ghəa ka mene slene mbe ghɛa Shala veyi hwelefe ta Asaf, le ŋa Hɛman ba'a ŋa Yedəwtəwn te ŋa nci ŋkwa. Kagha ghena nya geze nda Shala ke hɛ hɛ kwa cimə le tsa wəshi ketsa nyi: ŋgwəleŋə, getsepele le ciŋəci. Wa nyi sləa mbeli nyi kemene slenea shɛ nyi:

²Ŋwale tezhilia Asaf: Zakəwr, Zhozɛf, Netaniya le Asarɛla. Yitenyɛa hɛ nya kegha ghena nya geze nda Shala ke hɛ kwa cimə nde se te ghəa nci kala nya gezete meghe.

³Ŋwale tezhili nyi yake Yedəwtəwn: Gedaliya, Seri, Yeshaya, Shimɛyi, Hashabiya le Matitiya. Pɛtɛa nci ŋkwaŋe, yiteyɛa nci nya kegha ghena nya geze nda Shala ke hɛ kwa cimə katsa ŋgwəleŋə kezha tsahe kave nda zləvə ke Mahwətə nde se te ghəa nci.

⁴Ŋwale tezhili nyi yake Hɛman: Bəwkiya, Mataniya, Əwziyɛl, Shebəwɛl, Yerimot, Hananiya, Hanani, Ɛliyata, Gidalti, Romameti-Ɛzɛr, Yoshebɛkasha, Maloti, Hotir le Mahaziyot.

⁵Pɛtɛa nci kaŋwale tezhilia Hɛman nya kese kande kelɛŋə nya kegeze nda ghena ta Shala ke meghe kezha tsahe berete ta ŋkɛ. Ŋwale tezhili meŋe wəfaɗeghəmbe le ŋwalea kwɛ mahekene ndeke nda Shala ke Hɛman.

⁶Pɛtɛ se hɛ le yiteyɛa nci nya te ghəa nci kagha cimə mbe ghɛa Shala, katsa wəshi ketsa kadzeyite kala ciŋəci, getsepele ba'a ŋgwəleŋə kezha slene ta ghɛa Shala. Yɛ meghe, le Asaf, le Yedəwtəwn ba'a Hɛman ya te ghəa nci.

⁷Ma jikə ka gha cimə le kweci mbelia nci nyi tekete nda mbeli ke hɛ mbe wəvəsəa nci, kezha tsahe Mahwətə le cimə ne, gwəmsə bake ba'a deghesemsə degheseghəmbe hɛ pɛtɛa nci.

⁸Le sla kwasheghediɗi tseɓate nza ta mene slene ta nci hɛ. Ghala kwelɛ ka megelɛgeshi le meha zhili keɗema kwelɛ nyi keɗepemte cimə ba'a nyi kwatedzehwa hɛ we.

⁹Wa nyi sləa ka meghe nyi mbe wəvəsə nyi teɗe kwasheghediɗi te hɛ nyi: 1. Zhozɛf, wəzege ta Asaf 2. Gedaliya 3. Zakəwr 4. Isri 5. Netaniya 6. Bəwkiya 7. Yɛsarɛla 8. Yeshaya 9. Mataniya 10. Shimɛyi 11. Azarɛl 12. Hashabiya 13. Shəwbayɛl 14. Matitiya 15. Yerɛmot 16. Hananiya 17. Yoshebɛkasha 18. Hanani 19. Maloti 20. Ɛliyata 21. Hotir 22. Gidalti 23. Mahaziyot 24. Romameti-Ɛzɛr. Yayata meghe zlaɓe le kweci mbeli nyi kwa yita kanza meŋe bakeghəmbe wəvəsə.