Read kapsiki 1 Wəshi nyi Mene Ka Meghe 27 Bible Online

1 Wəshi nyi Mene Ka Meghe 27 - kapsiki bible

1 Wəshi nyi Mene Ka Meghe 27

¹Wa nyi kweci nyi sləa ka Israyɛl nyi kemene nda slene ke meghe: ka meghe nyi kwa yita, meghe nyi te ghəa ka sewajɛ slibə le nyi te ghəa ka sewajɛ gwəmsə ba'a mbelia jama nyi te ghəa mbeli. Tseɓa ta ka sewajɛ nyi kembeɗe slene ketere ketere mbe va ŋa nci slene, zhili 24.000 mbe yayata wəvəsə.

²Ka meghe nyi te ghəa wəvəsəa shɛhɛ nyi: Kwa ghate ta tere: Yashobam wəzege ta Zabdiyɛl, kwa yita ta Pɛrɛs. Gheŋkɛ nde sleke ka meghe nyi te ghəa ka sewajɛ te kwa ghate ta tere. Tere kwa bake: Doday, nde Ahowa, nde bakea ŋkɛ wəndə kwelea ka sewajɛ Miklot. Tere kwa mahekene: Benaya wəzege ta nde dzeghe Shala nya wəba. Kakwete ŋkɛ wəndə nya kese hwa wəvəsə mbeli nyi mahekenemsə. Ma kwa zhɛrenyɛ ŋkɛ kameghea nci, wəzege ta ŋkɛ Amizabad nde sleke wəvəsəa mbelia ŋkɛ. Kwa wəfaɗe ta tere: Asayɛl wəza meghekɛa Zhowab, zhɛne wəzege ta ŋkɛ Zebadiya kwetere wəmbəa ŋkɛ. Tere kwa mcɛfe: Shaməwt nya kwa yita ta Izra. Tere kwa ŋkwaŋe: Ira wəzege ta Ikɛsh nya kande Tɛkowa. Tere kwa mberefaŋe: Hɛlɛs nya kande Palon, kwa yita ta Ɛfrayim. Tere kwa deghese: Sibkay nya kande Həwsha, kwa yita ta Zɛra. Tere kwa mesli: Abiyɛzɛr nya kande Anatot kwa yita ta Bɛnjamɛn. Tere kwa meŋe: Maray nya kande Netofa kwa yita ta Zɛra. Tere kwa meŋe kwetɛŋeghəmbe: Benaya nya kande Piraton mbe h(...)

¹⁶Wa nyi ka meghe nyi kese nyi te ghəa mbeli mbe hwelefe nyi mbe Israyɛl: Sebe ta Rəbɛn: Ɛliyɛzɛr wəzege ta Zikri. Sebe ta Simɛyon: Shefatiya wəzege ta Ma'aka.

¹⁷Sebe ta Lɛvi: Hashabiya wəzege ta Keməwɛl. Hwelefe ta Aron: Sadok.

¹⁸Yita ta Zhəwda: Ɛlihəw, kwete ŋkɛ hwa ka kesaka yitenyɛa David.

¹⁹Yita ta Zabəlon: Ishemaya wəzege ta Obadiya. Yita ta Nɛftali: Yerimot wəzege ta Azriyɛl.

²⁰Yita ta Ɛfrayim: Ozɛ wəzege ta Azaziya. Bela ta hwelefe ta Manasɛ nyi laka ŋkwa kepəkwə ta veci: Zhowɛl wəzege ta Pedaya.

²¹Bela ta sebe ta Manasɛ nyi laka ŋkwa kesame ta veci, nyi mbe Gala'ad: Ido wəzege ta Zakari. Yita ta Bɛnjamɛn: Yasiyɛl wəzege ta Abnɛr.

²²Yita ta Dan: Azarɛl wəzege ta Yerowam. Tsagha se ka meghe ke sebe ke sebe mbe Israyɛl.

²³Kese David kaɓela ka megelɛgeshi nyi nza va ta nci gare bakemsə le nyi kekekavema we, kwa nza nde nahe Mahwətə kegezete katembake ka Israyɛl ŋkɛ kwele kwele kala saseregwa nyi pelɛ ghweme.

²⁴Zhowab nya nza sləa meghekɛ kaSerəwya nde ghate kaɓela ŋkwa, ama kekiɗimte ŋkɛ we, kwa nza ŋkɛ nahe Shala kehwepete wənə va ka Israyɛl se te ghena shɛ. Vatse nda ɗema sləa mbeli pɛtɛ mbe palepa nya heka mbeli kaWəshi nyi menete meghe David.

²⁵Azmavɛt wəzege ta Adiyɛl ya te ghəa mcɛləa meghe. Yonatan wəzege ta Oziyas ya te ghəa cɛ ketsene wəshi nyi te hɛɗia shɛ, nyi mbe meleme nyi jama jama le nyi ɓɛhwɛ ɓɛhwɛ ba'a cɛ nyi nza ka ya ŋkwa mbe.

²⁶Ɛzri, wəzege ta Kɛləwb ya te ghəa ka mene slene ta wəza te hɛɗia shɛ.

²⁷Shimɛyi nya kande Rama nde se te ghəa wəvea rɛzɛŋe le mbeli nyi mbe. Zabdi nya kande Shefam ya te ghəa ŋkwa nyi tsene tɛ nya kese mbe wəvea shɛ mbeli mbe.

²⁸Ba'al-Hanan nya kande Bɛt-Gɛdɛr ya te ghəa wəvea yɛ bekele ba'a yɛ mekweɗa nyi te hɛɗi nya kwake kwake. Yowash ya kawəndə nya te ghəa ŋkwa nyi nza n'yi bekele mbe.

²⁹Shitray nya kande Saron ya te ghə wəvəsəa sla nyi mbe Saron. Shafat wəzege ta Adlay ya te ghəa nyi kwa zlərə.

³⁰Obil nya kande Ismayɛl ya te ghəa zlegwemə. Yɛdiya nya kande Mɛronot ya te ghəa kwara ŋemi.

³¹Yaziz nya kande Hagri ya te ghəa yɛ timɛti le kwi. Wa nyi sləa mbeli nyi kese nyighɛ te ghəa mcɛləa meghe David.

³²Yonatan nya kakwesegwenyɛa David, ya kawəndə nya keɗepe wəshi kentsehwele ntsehwele, kande geze ghena za ta David. Yɛhiyɛl wəzege ta kwete nde Hakmon ya te ghəa teke nda ghena ta nza ganyɛ ke ŋwalea meghe.

³³Ahitofɛl kwete nde geze ghena za ta meghe. Həwshay, nya kande Ark ya kamcɛnyɛ meghe.

³⁴Kwetere wəmbəa Ahitofɛl ne, yɛ Yoyada, wəzege ta Benaya le Abiyatar ka se te ŋkwa ŋkɛ. Zhowab le ŋa ŋkɛ ne, kameghe nya te ghəa ka sewajɛa meghe se ŋkɛ.