Read kapsiki 1 Wəshi nyi Mene Ka Meghe 9 Bible Online

1 Wəshi nyi Mene Ka Meghe 9 - kapsiki bible

1 Wəshi nyi Mene Ka Meghe 9

¹Pɛtɛ rafete sləa ka Israyɛl mbeli keyita keyita mbe palepa nya nza sləa ka meghea ka Israyɛl. Nahe mbeli kefəhwe ka Zhəwda kadzembe Babilone va nya ɗema hɛ kese kamene ɗe ta Shala.

²Ma mbeli nyi kedzawanji mpelɛa ma kazhɛneve hɛɗia nci ba'a wəshia nci ne, ka Israyɛl, zhɛne ka dzeghe Shala, le ka Lɛvi ba'a mbeli nyi kemene slene mbe ghɛa Shala.

³Nahe kweci ŋwalea Zhəwda, ŋa Bɛnjamɛn, ŋa Ɛfrayim ba'a ŋa Manasɛ kedzeme kanzanji pelɛ Zhɛrəzalɛm.

⁴Hwa hwelefe ta Zhəwda ne, le kwete wəndə shɛ kese, Əwtay ke mbeli shɛ, kawəzege ta Amihəwd nya kawəzege ta Omri, Omri ne, wəzege ta Imri ŋkɛ, Imri ne, wəzege ta Bani ŋkɛ, kakwete wəndə kwa yita ta Pɛrɛs.

⁵Ma kwa yita ta Shɛla, tagha Asaya nya keghate kaya mbe yita le ŋwalea ŋkɛ.

⁶Ma kwa yita ta Zɛra, tagha Yɛyəwɛl. Ma ka Zhəwda nyi pelɛ Zhɛrəzalɛm ne, gwəmsə ŋkwaŋe ba'a meslimsə hɛ.

⁷Ma kwa yita ta Bɛnjamɛn, tagha yɛ: Saləw, wəzege ta Meshəwlam, wəzege ta Hodaviya nya kawəzege ta Hasenəwa,

⁸Ibnɛya, wəzege ta Yerowam, Ɛla, wəzege ta Əwzi nya kawəzege ta Mikri, Meshəwlam, wəzege ta Shefatiya, wəzege ta Rɛwəyɛl nya kawəzege ta Ibniya.

⁹Pɛtɛa mbeli nyighɛ kese kambeli nyi te ghəa mbeli keyita keyita ta nci. Pɛtɛ ne, gwəmsə mesli ba'a mcɛfemsə ŋkwaŋeghəmbe se hɛ.

¹⁰Wa nyi mbeli nyi hwa ka dzeghe Shala nyi: Yedaya, Yoyarib, Yakin,

¹¹pa Azariya wəzege ta Hilkiya nya kawəzege ta Meshəwlam, gheŋkɛ perə ne, wəzege ta Sadok nya kawəzege ta Merayot ŋkɛ, Merayot ne, wəzege ta Ahitəwb nya te ghəa ghɛa Shala ŋkɛ.

¹²Tagha Adaya wəzege ta Yerowam, nya kawəzege ta Pashehəwr, nya kawəzege ta Malkiya perə. Ɓiyitsa, tagha Masay wəzege ta Adiyɛl nya kawəzege ta Yazɛra, wəzege ta Meshəwlam, wəzege ta Meshilɛmit nya kawəzege ta Imɛr.

¹³Ma zlaɓe le kweci ka dzeghe Shala ne, 1.760 hɛ pɛtɛa nci kambeli nyi nza zləvə te nyi kemene slene mbe ghɛa Shala.

¹⁴Ma hwa ka Lɛvi, tagha Shemaya wəzege ta Hashəwb nya kawəzege ta Azrikam, wəzege ta Hashabiya, kwa yita ta Merari.

¹⁵Tagha Bakbakar, Hɛrɛsh, Galal le Mataniya nya kawəzege ta Mika nya kawəzege ta Zikri, wəzege ta Asaf.

¹⁶Ɓiyitsa perə, tagha Obadiya wəzege ta Shemaya nya kawəzege ta Galal, wəzege ta Yedəwtəwn ba'a kakwa keɗaŋe, Bɛrɛkiya wəzege ta Asa ba'a shia Ɛlkana nya kese kanza te hɛɗi nya sleke Netofa.

¹⁷Ma hwa ka ya degha ne, tagha yɛ Shaləwm nya te ghəa mbeli le ka kesaka meghekɛ: Akəwb, Talmon le Ahiman.

¹⁸Pa ɓeshi ne, hwelefe nyi kesawa mbe hɛ ka ya degha ta meghe laka ŋkwa kesame ta veci. Kaka ya ŋkwa kedzawa ghedəkwəa ka Lɛvi se ka shihɛ nci.

¹⁹Yɛ Shaləwm wəzege ta Korɛ, wəzege ta Abiyasaf, wəzege ta Korɛ le kweci menəhɛnyɛ nyi kwa yita ta Korɛ, ghenci ka se kaya ŋkwa kedzembe cɛ lekwesa kebegeme le Shala kala nya se ka shihɛ nci mbe ghedəkwəa Mahwətə.

²⁰Pinhas, wəzege ta Ɛlazar nde se kameghea nci kaghate kwa nza nde le Mahwətə.

²¹Ma Zakari, wəzege ta Meshɛlɛmiya ne, kwete ŋkɛ nde ya ŋkwa kedzembe cɛ lekwesa kebegeme le Shala.

²²Pɛtɛa mbeli nyi tsehave mbeli kezha ya mɛ degha ne, gwəmsə bake ba'a meŋe bakeghəmbe hɛ. Mbe meleme ta nci nya ya hɛ ɓelate hɛ mbeli. Yɛ David le Saməyɛl nya kande mɛ ŋkwa ka ndeke nda slenea shɛhɛ ke ka shihɛ nci.

²³Ghenci le ŋwalea nci ne, kambeli nyi mɛ degha ba'a kaka ya ghɛa Mahwətə se hɛ ke sebe ke sebe kwelɛ ghəa nci.

²⁴Kala nza ta mɛa ŋkwa kedzeki ghɛ wəfaɗe se mbeli: pa laka ŋkwa kesame ta veci, pa laka ŋkwa kepəkwə ta veci, pa laka bela kwa gwela ba'a pa laka bela kwa zeme.

²⁵Ma kweci mbelia nci nyi mbe meleme ta nci ne, kalə hɛ sha hɛ kevə kevə kamene slene ta ya ŋkwa zlaɓe le hɛ kahɛ mberefaŋe.

²⁶Ama le ka meghea nci shɛ wəfaɗe, nyi kenza keveci keveci tagha. Kaka Lɛvi hɛ, te dzeve ta nci yɛ cɛ le mcɛlə nyi mbe ghɛa Shala.

²⁷Dzeyi yitea ghɛa Shala se hɛ kahɛ, kwa nza nde ghenci ka ya ba'a kezha pele gelembe masheke masheke.

²⁸Ma kweci hwa ka ya mɛ degha shɛhɛ ne, wəshi nyi mene slene mbeli le hwa səkwə ghə yaɓela hɛ, kafə kase ba'a kazhɛne kadzete ŋkwa nci.

²⁹Ma kweci le ŋa nci, kweci wəshi nyi ketene kala yɛ wəmbete, le yɛ kwenə nyi keveyi geva kaŋa Shala, le hə, le tɛ, le n'yi, le 'wərdə kwa hə hə le kweci 'wərdə yanewe hɛ.

³⁰Ama ŋwalea ka dzeghe Shala ya kaka mene slene ta gaze 'wərdə.

³¹Matitiya ne, kwete ŋkɛ nde Lɛvi, tezhɛa wəzege ta Shaləwm ŋkɛ kwa yita ta Korɛ, gheŋkɛ ya te ghəa ta ɗafa nya ve mbeli kawəsə gəmə.

³²Ma kweci hwa ka Lɛvi nyi kwa yita ta Kɛhat, ɗafa nya ve nda mbeli ke Shala te yayata veci Saba ya nza hɛ te ghəa ŋkɛ.

³³Ma kweci mbeli nyi te ghəa cimə ne, mbe ŋa nci cɛ nza hɛ, kwete slene shɛ kave nda mbeli ke hɛ we, kwa nza nde viɗi le veci mene slene hɛ.

³⁴Wa nyi tsagha se ka sleke ŋkwa nyi mbe yita ka Lɛvi ke sebe ke sebe. Mbe Zhɛrəzalɛm se hɛ kanza.

³⁵Ma Yɛyiyɛl nya keŋslete Gabawon ne, mbe melemea shɛ ŋkɛ le male ta ŋkɛ Ma'aka,

³⁶wəzege ta ŋkɛ nya kwele Abdon le kweci ŋwalea ŋkɛ ne, yɛ Səwr, Kish, Ba'al, Nɛr, Nadab,

³⁷Gedor, Ahiyo, Zakari le Miklot.

³⁸Miklot yitenyɛa Shimam. Ma ghenci le ŋa nci perə ne, kala ka kesaka yitehɛ nci, pelɛ Zhɛrəzalɛm se hɛ kanza le kweci mbeli nyi kwa yita ta nci.

³⁹Nɛr yitenyɛa Kish, Kish yitenyɛa Sawəl, Sawəl yitenyɛa yɛ Zhonatan, Malkishəwa, Abinadab le Ishebal.

⁴⁰Wəzege teza nya yake Zhonatan ne, Meriba'al. Meriba'al nde yake Mika.

⁴¹Ŋwale tezhili nyi yake Mika: Piton, Mɛlɛk le Tarɛya.

⁴²Ahaz yitenyɛa Yara, Yara yitenyɛa yɛ Alɛmɛt, Azmavɛt le Zimri, Zimri yitenyɛa Mosa,

⁴³Mosa yitenyɛa Binɛya, Binɛya yitenyɛa Refaya, Refaya yitenyɛa Ɛlasa, Ɛlasa yitenyɛa Asɛl.

⁴⁴Ŋwale ŋkwaŋe yake Asɛl, wa nyi sləa nci nyi: Azrikam, Bokrəw, Ismayɛl, Shɛyariya, Obadiya le Hanan.