Read kapsiki Ɛsdras 10 Bible Online

Ɛsdras 10 - kapsiki bible

Ɛsdras 10

¹Ma mba Ɛsdras megwəɗəŋə mɛa ghɛa Shala kasəkwə ghə ba'a kampi nda dzeve ke Shala te jaɗafa ta nci le nehwene ne, pa kweci ka Israyɛl kwele kwele, yɛ zhili, mi le ŋwale tsenete geva yite. Ntake kanehwene sərəɓə sərəɓə.

²Tagha, ma ke Shekaniya, wəzege ta Yɛhiyɛl, kwete hwa ŋwalea Ɛlam sha Ɛsdras: «Nahe ghen'yɛ kemenete nda beze ghena nya wəba ke Shala, kwa wəmeve mi nyi kahwelefefia mbeli nyi te hɛɗi nya ghen'yɛ. Ama ya tsagha shɛ ŋkɛ ne, le kwete zəzə nya vate ghə ka Israyɛl te shɛ tsetsenya:

³Menete ɓəmə jikə geva le Shala ta ɓəmə kezha ŋkamte pɛtɛa mi nyi mbe kweci hwelefefi gheɓəmə le ŋwalea nci. Tsagha nza n'yɛ kadzeghwate dzeghwa le zəzə nya menete nya yɛ le mbeli nyi kehawe va ghena nyi gezeke Shala ta ɓəmə. Menete geva ŋkɛ kala wəsə mahalegə!

⁴Sate ŋa, kwa nza nde te dzeve ghena shɛ va gha. Kwa sebe ta ŋa ghen'yɛ. Nza bereteke ba'a sate te ŋkwa yitea slene.»

⁵Pelɛhetɛme Ɛsdras satenyɛ te ŋkwa. Pa gezete kezha zemete fela mbelia jama ta ka dzeghe Shala, ŋa ka Lɛvi ba'a ŋa pɛtɛa ka Israyɛl kwa kema ta ŋkɛ kezha mene kala nya gezete Shekaniya. Pa hɛ zemete fela.

⁶Pa Ɛsdras slənyɛ te ŋkwa nya se ŋkɛ mɛa ghɛa Shala. Cape kadzembe cɛa Yohanan, wəzege ta Ɛliyashib. Ma kwa dzembe ŋkɛ, hɛreɗɛ ŋkɛ ɗema zeme wəsə kezeme ba'a ɗema sa yɛmə, kwa nza nde kebeze beze wənəa ŋkɛ kwele kwele va wəba ta beze ghena nya menete mbeli nyi kezhɛneke geva nyi.

⁷Ma kwa sebe ta ŋkɛ ne, pa mbeli zlapete mbe Zhəwda ba'a mbe Zhɛrəzalɛm kezha tsenete geva mbeli nyi kezhɛneke geva nyi mbe Zhɛrəzalɛm.

⁸Ma wəndə nya keɗema kehake ghə kwa sebe ta hɛ mahekene kala nya gezete mbeli nyi te ghəa le mbelia jama ne, pa mbeli fəhwe wəshia ŋkɛ ba'a ŋkamte ŋkɛ shave hwa mbeli nyi kezhɛneke geva.

⁹Tagha gɛ, pɛtɛ ka Zhəwda le ka Bɛnjamɛn tsenete geva pelɛ Zhɛrəzalɛm mbe hɛ nyi mahekene nyi, te hɛ kwa bakemsə mbe tere kwa mesli. Pɛtɛ mbeli kabare bare mɛa ghɛa Mahwətə va ghena shɛ ba'a kwa nza va kame.

¹⁰Pelɛhetɛme nde dzeghe Shala Ɛsdras sate te ŋkwa, ma ke sha hɛ: «Ka Israyɛl, beze ghena nya wəba yamenete yɛ kwa wəmeve mi yɛ hwa kweci hwelefefi. Jaɗafa yambakete yɛ kadzevare kweci fete ta ɓəmə.

¹¹Tsetsenya ne, ɗepete mə fete ta ŋayɛ kwa kema ta Shala Mahwətə ta ka shihɛ ŋayɛ, mene mə wəsə nya ɗe ŋkɛ: nehemte mə geva le mbeli nyi te hɛɗia shɛ ba'a le mi nyi kese hwa kweci hwelefefi.»

¹²Pɛtɛ mbeli nyi ketsenete geva nyi kageze le berete: «Kaganda shɛ ŋkɛ! Nda ghen'yɛ kamene wəsə nya geze n'yɛ na.

¹³Ama kekwele mbeli ba'a hevɛa ŋkwa. Kashɛ mbeli nza pelɛke te ŋwela we. Ɓiyitsa ne, ghena kekiɗi ŋkɛ mbe hɛ kwetɛŋe keɗema mbe hɛ bake we, va nya nza ŋkɛ kwele kwele ghen'yɛ nyi kemenete jaɗafa laka ghena shɛ.

¹⁴Jara ma nzanji mbeli nyi te ghəa n'yɛ teke te ŋkwa mbeli nyi ketsenete geva pɛtɛ, ma mbeli nyi mbe meleme ta n'yɛ, nyi kewəmeve mi hwa kweci hwelefefi ne, ghenci ka tese kadzawa kema ta nci te və nya sləyi mbeli zlaɓe le mbelia jama ba'a ka meha ghwə nyi mbe yayata meleme, pa te və nya tekiɗi hwepe ta wənəa Mahwətə laka ghen'yɛ te ghena shɛ.»

¹⁵Ama deke yɛ Yonatan, wəzege ta Asayɛl le Yaziya, wəzege ta Tikva ka yɛtema ghena shɛ, yɛ Meshəwlam le nde Lɛvi Shabetay ka se kakemane hɛ.

¹⁶Ama pa kweci ka Israyɛl nyi kezhɛneke geva menete kala nya gezete geva. Pa nde dzeghe Shala Ɛsdras tsehave mbeli nyi te ghə keyita keyita ba'a hekate hɛ keslə keslə. Ntishɛ hɛ te kwa ghate ta hɛa tere kwa meŋe kezha yipə ghena shɛ.

¹⁷Ma te kwa ghate ta hɛa tere kwa ghate ne, pa hɛ kiɗimte le mbeli nyi kewəmeve mi hwa kweci hwelefefi.

¹⁸Ma hwa ka dzeghe Shala nyi kewəmeve mi hwa kweci hwelefefi ne, na mbeli kesləyi: hwa ŋwalea yɛ Zhozəwɛ nya kawəzege ta Yosadak le ka kesaka yitenyɛ: yɛ Masɛya, Ɛliyɛzɛr, Yarib le Gedaliya.

¹⁹Pa hɛ zemete fela kezha ŋkamte mia nci ba'a kezha dzeghe melɛ le game kezha kelemte fete ta nci Shala te wənə.

²⁰Hwa ŋwalea Imɛr: yɛ Hanani le Zɛbadiya,

²¹hwa ŋwalea Harim: Masɛya, Ɛli, Shemaya, Yɛhiyɛl ba'a Əwziya,

²²hwa ŋwalea Pashehəwr: yɛ Ɛliyohɛnay, Masɛya, Ismayɛl, Netanɛyɛl, Yozabad ba'a Ɛlasa.

²³Ma hwa ka Lɛvi ne, Yozabad, Shimɛyi, Kɛlaya nya heka mbeli zhɛkwa kaKelita, Petahiya, Yehəwda ba'a Ɛliyɛzɛr.

²⁴Hwa ka gha cimə ne, Ɛliyashib. Ma hwa ka ya degha ne, yɛ: Shaləwm, Tɛlɛm le Əwri.

²⁵Ma hwa kweci ka Israyɛl ne, nahe mbeli kesləyi: hwa ŋwalea Parosh: yɛ Ramiya, Iziya, Malkiya, Miyamin, Ɛlazar, Malkiya le Benaya.

²⁶Hwa ŋwalea Ɛlam: yɛ Mataniya, Zakari, Yɛhiyɛl, Abdi, Yerɛmot le Ɛli.

²⁷Hwa ŋwalea Zatəw: yɛ Ɛliyohɛnay, Ɛliyashib, Mataniya, Yerɛmot, Zabad le Aziza.

²⁸Hwa ŋwalea Bɛbay: yɛ Yohanan, Hananiya, Zabay le Atlay.

²⁹Hwa ŋwalea Bani: yɛ Meshəwlam, Maləwk, Adaya, Yashəwb, Shɛyal le Yerɛmot.

³⁰Hwa ŋwalea Pahat-Mowab: yɛ Adna, Kelal, Benaya, Masɛya, Mataniya, Bɛsalɛl, Binəwi le Manasɛ.

³¹Hwa ŋwalea Harim: yɛ Ɛliyɛzɛr, Isiya, Malkiya, Shemaya, Shimon,

³²Bɛnjamɛn, Maləwk le Shemariya.

³³Hwa ŋwalea Hashəwm: yɛ Matenay, Matata, Zabad, Ɛlifɛlɛt, Yerɛmay, Manasɛ le Shimɛyi.

³⁴Hwa ŋwalea Bani: yɛ Maday, Amram, Əwɛl,

³⁵Benaya, Bɛdiya, Keləwhəw,

³⁶Vaniya, Merɛmot, Ɛliyashib,

³⁷Mataniya, Matenay, Yasay,

³⁸Bani, Binəwi, Shimɛyi,

³⁹Shɛlɛmiya, Natan, Adaya,

⁴⁰Maknadebay, Shashay, Sharay,

⁴¹Azarɛl, Shɛlɛmiya, Shemariya,

⁴²Shaləwm, Amariya le Zhozɛf.

⁴³Hwa ŋwalea Nɛbo: yɛ Yɛyiyɛl, Matitiya, Zabad, Zɛbina, Yaday, Zhowɛl ba'a Benaya.

⁴⁴Pɛtɛ mbeli nyighɛ kewəmeve mi hwa kweci hwelefefi, na kweci hwa mia shɛhɛ keyake ŋwale.