Read kapsiki Ɛsdras 2 Bible Online

Ɛsdras 2 - kapsiki bible

Ɛsdras 2

¹Wa nyi sləa mbeli nyi te hɛɗia Zhəwda, nyi fəghe Nabəkodonozor, meghea ka Babilone kadzembe Babilone nda zhɛneke geva hɛ kadzembe Zhɛrəzalɛm ba'a kadzembe Zhəwda nyi. Yayata wəndə kadzembe meleme ta ŋkɛ.

²Ghenci ka zhɛreke geva zlaɓe le yɛ Zorobabɛl, Yɛshəwa, Nɛhɛmi, Seraya, Rɛlaya, Mordokay, Bileshan, Mispar, Bigvay, Rehəwm ba'a Ba'ana. Wa nyi sləa ka Israyɛl nyi kewəvəsə kewəvəsə:

³zhili nyi kwa yita ta Parosh: 2.172,

⁴zhili nyi kwa yita ta Shefatiya: 372,

⁵zhili nyi kwa yita ta Ara: 775,

⁶zhili nyi kwa yita ta Pahat-Mowab, hwelefe ta yɛ Yɛshəwa le Yowab: 2.812,

⁷zhili nyi kwa Yita ta Ɛlam: 1.254,

⁸zhili nyi kwa yita ta Zatəw: 945,

⁹zhili nyi kwa yita ta Zakay: 760,

¹⁰zhili nyi kwa yita ta Bani: 642,

¹¹zhili nyi kwa yita ta Bɛbay: 623,

¹²zhili nyi kwa yita ta Azgad: 1.222,

¹³zhili nyi kwa yita ta Adonikam: 666,

¹⁴zhili nyi kwa yita ta Bigvay: 2.056,

¹⁵zhili nyi kwa yita ta Adin: 454,

¹⁶zhili nyi kwa yita ta Atɛr, hwelefe ta Ɛzɛkiyas: 98,

¹⁷zhili nyi kwa yita ta Bɛsay: 323,

¹⁸zhili nyi kwa yita ta Yora: 112,

¹⁹zhili nyi kwa Yita ta Hashəwm: 223,

²⁰zhili nyi kwa yita ta Gibar: 95,

²¹zhili nyi mbe meleme ta Bɛtelɛhɛm: 123,

²²zhili nyi mbe meleme ta Netofa: 56,

²³zhili nyi mbe meleme ta Anatot: 128,

²⁴zhili nyi mbe meleme ta Azmavɛt: 42,

²⁵zhili nyi mbe meleme ta yɛ Kiriyat-Yɛyarim, Kefira le Beyɛrot: 743,

²⁶zhili nyi mbe meleme ta yɛ Rama le Gɛba: 621,

²⁷zhili nyi mbe meleme ta Mikmas: 122,

²⁸zhili nyi mbe meleme ta yɛ Bɛtɛl le Ay: 223,

²⁹zhili nyi mbe meleme ta Nɛbo: 52,

³⁰zhili nyi mbe meleme ta Magbish: 156,

³¹zhili nyi kwa yita ta kwete Ɛlam: 1.254,

³²zhili nyi kwa yita ta Harim: 320,

³³zhili nyi mbe meleme ta yɛ Lod, Hadid le Ono: 725,

³⁴zhili nyi mbe meleme ta Zhɛriko: 345,

³⁵zhili nyi mbe meleme ta Sena'a: 3.630.

³⁶Wa nya tsetse wəvəsəa ka dzeghe Shala: zhili nyi kwa yita ta Yedaya, hwelefe ta Yɛshəwa: 973,

³⁷zhili nyi kwa yita ta Imɛr: 1.052,

³⁸zhili nyi kwa yita ta Pashehəwr: 1.247,

³⁹zhili nyi kwa yita ta Harim: 1.017.

⁴⁰Wa nya tsetse wəvəsəa ka Lɛvi: mberefaŋemsə wəfaɗeghəmbe zhili nyi kwa yita ta yɛ Yɛshəwa, Kadmiyɛl, Binəwi le Hodaviya.

⁴¹Wa nya tsetse wəvəsəa ka gha cimə: 128 zhili nyi kwa yita ta Asaf.

⁴²Wa nya tsetse wəvəsəa ka ya degha: gwəmsə ba'a mahekenemsə meslighəmbe zhili nyi kwa yita ta Shaləwm, Atɛr, Talmon, Akəwb, Hatita ba'a Shobay.

⁴³Ma wəvəsəa ka mene slene mbe ghɛa Shala ne, hwelefe ta yɛ Siha, Hasəwfa, Tabawot,

⁴⁴Kɛros, Siyaha, Padon,

⁴⁵Lebana, Hagaba, Akəwb,

⁴⁶Hagab, Shamlay, Hanan,

⁴⁷Gidɛl, Gahar, Rɛyaya,

⁴⁸Rɛsin, Nekoda, Gazam,

⁴⁹Əwza, Pasɛya, Bɛsay,

⁵⁰Asna, Mewəwnim, Nefəwsim

⁵¹Bakbəwk, Hakəwfa Harəwr,

⁵²Basləwt, Mɛhida, Harsha,

⁵³Barkos, Sisra, Tɛma,

⁵⁴Nɛsiya ba'a Hatifa.

⁵⁵Wa nya tsetse wəvəsəa hwelefe ta ka mene slene ta Salomon: hwelefefia Sotay, Sofɛrɛt, Perəwda,

⁵⁶Yala, Darkon, Gidɛl,

⁵⁷Shefatiya, Hatil, Pokɛrɛt-Hasebayim ba'a Ami.

⁵⁸Pɛtɛa ka mene mbe ghɛa Shala ba'a hwelefefia ka mene slene ta Salomon ne, zhili gwəmsə mahekene ba'a meslimsə bakeghəmbe.

⁵⁹Wa nyi mbeli nyi kezhɛneke geva nyi se mbe yɛ Tɛl-Mɛla, Tɛl-Harsha, Kerəwb, Adan le Imɛr, nyi keshaŋe kageze ghena tiɗiɗi te hwelefe ta ka shihɛ nci kezha ncɛ kenza nde kaka Israyɛl hɛ:

⁶⁰ma pɛtɛa nci ne, gwəmsə ŋkwaŋe ba'a mcɛfemsə bakeghəmbe kaka hwelefe ta yɛ Delaya, Tobiya le Nekoda.

⁶¹Ma kweci hwa ka dzeghe Shala: hwelefe ta yɛ Hobaya, Hakos ba'a Barzilay hɛ. Ma nda hekate nda slə mbeli kala nya ke nde keɗaŋe ne, va nya wəmeve kwete ŋkɛ hwa ŋwalea kwɛa Barzilay nya kande Gala'ad.

⁶²Cape mbeli nyighɛ kazele palepa nya rafete sləa ka shihɛ nci mbe, ama kekemave hɛ we. Tagha gɛ, pa mbeli zhɛrete hɛ kambeli nyi wale wale, kafɛa hɛ mbeli kemene slene ta ka dzeghe Shala.

⁶³Pa ŋgwamna le ghəa ŋkɛ gezete nda ke hɛ yagha hɛ tezeme wəshi gəmə nyi keveyi geva tekeleke kaŋa Shala pa te və nya tekelete zəzə nde dzeghe Shala kanewe laka kwasheghediɗia yɛ Əwrim le Təwmim.

⁶⁴Ma jikə ta ka Israyɛl nyi kezhɛneke geva se mbe meleme nyi fəghe hɛ mbeli ne, mbeli 42.360,

⁶⁵kaɗema mbeli keɓelate ka mene slene ta nci nyi 7.337 kazhili le mi. Ka gha cimə gwəmsə bake nyi kazhili le nyi kami ya va hɛ.

⁶⁶Yɛ gədəwəa nci ne, 736. Yɛ gədəwə kwara lɛmə: 245,

⁶⁷zlegweməa lɛmə: gwəmsə wəfaɗe ba'a mahekenemsə mcɛfeghəmbe ba'a kwara lɛmə: 6.720.

⁶⁸Ma kwa ntsehe hɛ mbe Zhɛrəzalɛm, meleme nya nza ghɛa Mahwətə mbe, pa kweci mbeli nyi te ghəa hwelefe fəke wəshi gəmə kezha zhɛne kaŋa ghɛa Shala te ŋkwa nya se ŋkɛ vəashi.

⁶⁹Pa hɛ keleke kala berete ta nci: dəɓərə nyi le mze kwa tere tere 61.000 ba'a kiləwəa mze kwa ghwə ghwə 2.500, zhɛne, pa hɛ fəke lekwesa ta ka dzeghe Shala gwəmsə.

⁷⁰Ma ka dzeghe Shala, ka Lɛvi, kwete bela ta mbeli, ka gha cimə, ka ya degha ba'a ka mene slene mbe ghɛa Shala ne, mbe meleme ta nci nzanji hɛ. Ma kweci ka Israyɛl ne, mbe meleme ta ka shihɛnyɛ hɛ nzanji hɛ.