Read kapsiki Cimə 101 Bible Online

Cimə 101 - kapsiki bible

Cimə 101

¹Ciməa David. Kaɗe 'ya kagha ganyɛa ŋa ba'a tiɗiɗia ŋa, gha Mahwətə yatetsahe 'ya kwa cimə.

²Kaɗe 'ya kadzeghwa tiɗiɗi, hweŋkwa tese na sha 'ya wa? Katenza 'ya le wənə ganyɛ ki ghɛa ɗa.

³Katebete ntsə 'ya te wəshi nyi ɗema ghə te we. Kaɗe dzeghwa ta mbeli nyi keɗema tiɗiɗi 'ya we, wəsə shɛ katejikə ɗa le dzeghwa shɛ we.

⁴Cakeɗake nza nde mbəɗəkwə le 'ya, kaɗe 'ya kaɗepe nde ndiremia mehele we.

⁵Kateŋzle nda mɛ 'ya ke nde ŋwashɛ ŋwashɛ nde ghedəkwəa ŋkɛ. Katesəwəte mbeli nyi keghwərəzlə ŋkwa ba'a mbeli nyi kekele ghə 'ya we.

⁶Katetseha mbeli nyi nza mehele va hɛ 'ya te hɛɗi kezha nza hɛ yitea 'ya. Ma wəndə nya kedzeghwa tiɗiɗi ne, gheŋkɛ nde tenza kande mene slene ta ɗa.

⁷Katenza nde ghwete ŋkwa ki ghɛa ɗa we. Kateghereŋe nde sla tseŋwə kwa ntsə ta ɗa we.

⁸Kala kiɗi ta ŋkwa ne, kaŋzle nda mɛ 'ya ke pɛtɛa ka 'yaghwa mehele nyi te hɛɗi, kezha ŋkamte pɛtɛa ka mene wəsə kwa ndiremi shave mbe meleme ta Mahwətə.