Read kapsiki Cimə 110 Bible Online

Cimə 110 - kapsiki bible

Cimə 110

¹Ciməa David. Ma ke Mahwətə sha nde sleke ɗa: «Nde ntishɛ ŋa te kwa zeme ta ɗa, nda teŋkambe ka jaga ta ŋa 'ya mbe hwə seɗa ta ŋa.»

²Katemtsehe bezlea meghea ŋa Mahwətə se mbe Siyon, katesleke ka jaga nyi dzeyi yitea gha na.

³Katebeghe ŋa ka katsala kɛfi te veci nya tsene ka sewajɛa ŋa na. Pelɛ ghweme nyi keveyi geva tekeleke ne, katedzeme ka mempɛhwetɛtia ŋa sha gha kala mɛnɛ nya te kiɗi ta ŋkwa.

⁴Ma ke Mahwətə gezete gheci gheci, kaɗema dzeyi te sebe yite: «Nde dzeghe Shala nya kaghala ghala na, kala nya se Mɛlkisɛdɛk.»

⁵Te kwa zeme ta ŋa Shala, kateŋkeɗe ka meghe ŋkɛ te vecia hwepe wənəa ŋkɛ.

⁶Katemeha ghwə ŋkɛ te hwelefefi, katenza mbeli nyi kempə mpə selekə lekə, kateŋkeɗe mbeli nyi te ghə ŋkɛ te hɛɗi lema.

⁷Kwa hweŋkwa ne, katesa yɛmə meghe kwa hələ, vatse tezhɛne ŋkɛ kakafe ghə.