Read kapsiki Cimə 113 Bible Online

Cimə 113 - kapsiki bible

Cimə 113

¹Alɛləwya! Gheyɛ ka mene slene ta Mahwətə, tsahe mə ŋkɛ, tsahe mə sləa Mahwətə!

²Tsa nda hana mbeli ke Mahwətə, se tsetsenya ba'a kaghala ghala.

³Se te ŋkwa kesame ta veci hwa'a te ŋkwa kepəkwə ta ŋkɛ ne, tsahe sləa Mahwətə mbeli.

⁴Nahe Mahwətə kenza kənəa pɛtɛa hwelefefi, nahe zləvəa ŋkɛ kenza dzemedze ma ke ghweme.

⁵Wa wəndə nya yipə le Shala Mahwətə ta ɓəmə wa? Nahe ŋkɛ kentishɛ pelɛ ghweme.

⁶Kayiŋwə geva ŋkɛ kezha newe ghweme ba'a hɛɗi.

⁷Kakese nde dewə berete ŋkɛ sate hwa hɛɗi, kakele nde titikwə ŋkɛ seyi te kəsə

⁸kezha ntishɛ hɛ hwa mbeli nyi te ghə, hwa mbelia jama nyi mbe hwelefe ta ŋkɛ.

⁹Kave nda nza ki ghɛ ŋkɛ ke male jɛŋa kala male nya fare fare hwa ŋwalea nta. Alɛləwya!