Read kapsiki Cimə 127 Bible Online

Cimə 127 - kapsiki bible

Cimə 127

¹Cimə kedzeghwa kadzeme. Se va Salomon. Ma keɗema Mahwətə kaŋa ghɛ ne, gəmə mene slene ka ŋa ŋkwa. Ma keɗema Mahwətə kaya meleme ne, gəmə ya ŋkɛ ka ya ŋkwa.

²Gəmə sate ta ŋayɛ te ŋkwa masheke masheke, gəmə dera ta ŋayɛ kaɓelahe ba'a gəmə leɓe ghə ta ŋayɛ kazele wəsə kezeme. Kave nda pɛtɛa wəshi Shala ke mbeli nyi ɗe ŋkɛ te və nya nza hɛ yitea hɛ.

³Nahe ŋwale kenza kawəshi gəmə nyi kese va Mahwətə, nahe ya hwelefe kenza kazhɛme.

⁴Nahe ŋwale nyi yake wəndə mbe mempɛhweta kenza kala have nyi mɛa dzeve va katsala kempa.

⁵Zlama ya va wəndə nya keviɗikɛ gwecɛa ŋkɛ le hɛ. Ma te və nya teghəpə ŋkɛ le ka ghema ta ŋkɛ mɛa ŋkwa kedzeki meleme ne, katenza hawe te we.