Read kapsiki Cimə 13 Bible Online

Cimə 13 - kapsiki bible

Cimə 13

¹Se va wəndə nya te ghəa cimə. Ciməa David.

²Mahwətə, pa te nyama və tezaghə ɗa na wa? Pa te nyama və tewəfərə kema ta ŋa na va 'ya wa?

³Pa te nyama və tenza 'ya keyirə yirə ba'a tenza wənəa ɗa kebeze beze keveci keveci wa? Pa te nyama və tehərə ɗa nde ghema ta ɗa wa?

⁴Shala Mahwətə ta ɗa, newe ɗa shɛ na zhɛnete ɗa! Ndeke nda waŋe ke ntsə ta ɗa, ma keɗema ŋkɛ tsagha ne, katedərəzlə ntsə ta ɗa kezha dzete hɛ kamte,

⁵ma ke nde ghema ta ɗa sha tegeze: «Nahe 'ya kehərəte ŋkɛ.» Tagha gɛ, katezlama ka jaga yitea teɗe ta ɗa.

⁶'Ya ne, kave ghə 'ya te ganyɛa ŋa, kazlama wənəa ɗa yitea mbele ta ŋa. Mahwətə, kaɗe 'ya katsahe ŋa kezha wəsə ganyɛ nya menete ɗa na.