Read kapsiki Cimə 138 Bible Online

Cimə 138 - kapsiki bible

Cimə 138

¹Se va David. Katsa ŋa hana 'ya le wənə kwetɛŋe, kagha zləvəa ŋa 'ya kwa kema ta kweci shala.

²Kagwəɗəŋə 'ya kwa kema ta ghɛa ŋa nya keveyi geva tekeleke, katsa ŋa hana 'ya kezha ɗe ta ŋa ba'a ganyɛa ŋa. Kwa nza ŋkɛ ne, nahe na keyipəyi meɗe mɛa ŋa kwa za ma ke pɛtɛa zləvə.

³Ma te veci nya se 'ya katsa ŋa lewela ne, nahe na kezhɛnete ɗa, nahe na kendeke ɗa hwepe ghə ba'a berete.

⁴Mahwətə, tsahe ŋa pɛtɛa ka meghe nyi te hɛɗi, vəa ŋkwa nya tefate ghena nyi geze na hɛ.

⁵Ma ke hɛ sha tegha wəshi nyi menete na, gha Mahwətə: «Nahe zləvəa Mahwətə kenza wəbake!

⁶Nahe Mahwətə kenza pelɛ ghweme, ama kave ntsə ŋkɛ te ka gwedəa kɛfi. Ama mba ŋkɛ cakeɗake ne, nahe ŋkɛ keɗepe ka kele ghə.»

⁷Ma kenza 'ya te tepe ta yaka ne, kave ɗa nza teghweme na. Kakafe dzeve na yitea ka jaga ta ɗa ba'a kambele ɗa dzeve kwa zeme ta ŋa.

⁸Katetserame pɛtɛa wəshi Mahwətə kaŋa ɗa. Mahwətə, kaghala ghala nza ganyɛa ŋa. Wəfəma slene nyi menete dzeve ta ŋa na ma.