Read kapsiki Cimə 14 Bible Online

Cimə 14 - kapsiki bible

Cimə 14

¹Se va wəndə nya te ghəa cimə. Ciməa David. Ma ke ka gezhia kɛfi sha geze mbe wənəa nci: «Shala shɛ we.» Nahe hɛ kebezenji, wəshi nyi ndiremi ndiremi kashasha yamene hɛ. Wəndə shɛ kamene ganyɛ we.

²Kamare mbeli Mahwətə sawa pelɛ ghweme kezha newe kenza ŋkɛ wəndə nya keɗepe wəshi, wəndə nya kezele Shala ya shɛ.

³Pɛtɛ hɛ kesamenji kwa hweŋkwa ganyɛ, pɛtɛ hɛ kebeze beze. Wəndə shɛ kamene ganyɛ we, wəndə shɛ ya kwetɛŋe we.

⁴Ma ke Mahwətə: «Keɗepe wəsə ka dewə zəzə nyi wəka? Mbelia ɗa yazeme hɛ kaɗafa ta nci. Kasəkwə ɗa hɛ we.»

⁵Tagha gɛ, katebare bare hɛ, kwa nza ŋkɛ, hwa mbeli nyi tiɗiɗi Shala.

⁶Kayiɗə slene nyi mene ka dewə ŋeli yɛ, ama Mahwətə ya kaŋkwa kewəfərə ta nci.

⁷Wa nde tembele Israyɛl se mbe Siyon tse wa? Ma vəa ŋkwa nya zhɛrete nza ta mbelia ŋkɛ Mahwətə ne, katezlama hwelefe ta Zhakob, katenza Israyɛl fare fare.