Read kapsiki Cimə 142 Bible Online

Cimə 142 - kapsiki bible

Cimə 142

¹Ghena ta David. Səkwə ghə ta ŋkɛ te və nya nza ŋkɛ kwa gezlɛŋə.

²Katsa nda lewela 'ya ke Mahwətə le berete, kasəkwə Mahwətə 'ya le berete.

³Kaŋgaɗe ghə 'ya kwa kema ta ŋkɛ, kaɓela yaka nya te 'ya 'ya kwa kema ta ŋkɛ,

⁴vəa ŋkwa nya nza 'ya mbe wənə mbe wənə. Nahe na keɗepe ŋkwa nya tedzete 'ya. Ma kwa hweŋkwa nya dzeghwa 'ya ne, nahe mbeli keŋate ɗa keleŋa.

⁵Walaŋe pa laka bela kwa zeme ta ɗa ba'a neweve: wəndə shɛ kazhɛne kaɗepe ɗa we, ŋkwa kewəfərə shɛ va 'ya we, wəndə shɛ kanewe ghweme te 'ya we.

⁶Mahwətə yawe, katsa ŋa lewela 'ya, ma 'ya sha geze: «Gha ya kaŋkwa kewəfərə ta ɗa, kamcɛləa ɗa te hɛɗia mbeli nyi teghweme.»

⁷Ve sleme yitea lewela ta ɗa, kwa nza ŋkɛ kedene dene 'ya. Mbelete ɗa va ka ghweze mɛ hwa 'ya, kwa nza ŋkɛ berete ma hɛ ke 'ya.

⁸Kelemte ɗa same kwa daŋgayɛ, kezha tsahe ŋa 'ya. Katedzasle ɗa mbeli nyi tiɗiɗi vəa ŋkwa nya temenete ɗa ganyɛ na.