Read kapsiki Cimə 20 Bible Online

Cimə 20 - kapsiki bible

Cimə 20

¹Se va wəndə nya te ghəa cimə. Ciməa David.

²Zhɛnete ŋa səkwə ta ŋa Mahwətə te vecia yaka. Yakɛ ŋa Shala ta Zhakob le ghəa ŋkɛ!

³Ghweneke ŋa kemane ŋkɛ shave mbe ghɛa ŋkɛ, ndeke ŋa berete ŋkɛ sawa pelɛ Siyon!

⁴Zəzəte pɛtɛa wəshi nyi fəave nda na ŋkɛ, yɛhwe melɛ kwa tere tere ta ŋa ŋkɛ! Zhɛne mpi

⁵Ndeke ŋa wəsə nya ɗe na ŋkɛ, yipəyi slene nyi mene na ŋkɛ kwa!

⁶Ma tsagha, katetsa gaghwe gheɓəmə yitea mbele ŋkwa ta ŋa, kateslete nda drape gheɓəmə ke Shala ta ɓəmə. Yipəyi pɛtɛa wəshi nyi 'yɛwe na Mahwətə kwa!

⁷Ma tsetsenya ne, nahe 'ya keɗepe kambele meghe nya ntave ŋkɛ Mahwətə. Kazhɛne nda ghena ŋkɛ shave ghɛa ŋkɛ nya pelɛ ghweme laka kemane ta dzeve kwa zeme ta ŋkɛ nya berete.

⁸Te wəmata nyi kempa ve ghə kweci mbeli, te gədəwəa lɛməa nci ve ŋa nci kweci. Ama gheɓəmə ne, sləa Shala Mahwətə ta ɓəmə yahekɛme gheɓəmə.

⁹Ma ghenci ne, kadene hɛ ba'a kabete hɛ te hɛɗi. Ama gheɓəmə ne, kanza gheɓəmə yitea ghweme.

¹⁰Mahwətə, mbelete meghe! Zhɛne n'yɛ ghena vəa ŋkwa nya teheka ŋa ghen'yɛ!