Read kapsiki Cimə 23 Bible Online

Cimə 23 - kapsiki bible

Cimə 23

¹Ciməa David. Mahwətə ya kande ya ɗa, wəsə shɛ kandaŋe 'ya te we.

²Hwa gwəzə nyi menjaɓa zhɛne ɗa mpi ŋkɛ, kakele ɗa ŋkɛ kalə kadzemɛa yɛmə nya gweɗakwe.

³Kamtsehe ɗa berete ŋkɛ, kakele ɗa ŋkɛ kadzawa hweŋkwa ganyɛ tewəmbəreke zləvə nya te sləa ŋkɛ.

⁴Ya 'ya nza kadzeghwa kwa zlərəa ŋkwesle ta mte ne, wəsə shɛ kaghazlənə 'ya ve, va nya nza na le 'ya we. Geta ta ŋa ba'a ya ŋkwa ta ŋa ka ve ɗa berete.

⁵Kave ɗa wəshi kezeme ganji na kwa ntsə ta ka ghema ta ɗa. Kasheke 'wərdə na kwa ghəa ɗa. Kasa ɗa wəshi kesa na kwele kwele.

⁶Kaganda ne, kazele ɗa zeɗe nza ba'a ganyɛ kala nza ta hɛa ɗa teghweme. Katezhɛne geva 'ya kadzembe ghɛa Mahwətə kaghala ghala.