Read kapsiki Cimə 26 Bible Online

Cimə 26 - kapsiki bible

Cimə 26

¹Ciməa David. Mahwətə, ndeke ɗa nza tiɗiɗi, kwa nza ŋkɛ tiɗiɗi dzeghwa ta ɗa, te gha vate ghə 'ya fate fate Mahwətə.

²Mahwətə yawe, neweve nza ta ɗa, dzeghakɛ ɗa, neweve yɛ zəzə ta ɗa ba'a yɛ ɗe ta ɗa.

³Ɗe ta ŋa ya mbe kema ta ɗa, hweŋkwa ta kaganda ta ŋa yadzeghwa 'ya kwa.

⁴Kantishɛ 'ya hwa ka ghwete ŋkwa we, kadzeghwa 'ya le ka sla tseŋwə we.

⁵Kaɗe ntsə ta ka mefətekwə 'ya we, kantishɛ 'ya hwa ka 'yaghwa mehele we.

⁶Mahwətə yawe, kapɛ dzeve ta ɗa 'ya kezha ncɛ kaɗema fete va 'ya, kadzasle reghwetɛa ŋa 'ya

⁷kezha tsahe ŋa le berete ba'a kezha ɓela pɛtɛa wəshi meŋelea ɗa.

⁸Mahwətə, kaɗe ghɛ nya nza na mbe ba'a ŋkwa nya nza zləvəa ŋa te 'ya.

⁹Mene ɗa ma na kala ka jaɗafa ma, zama mpia ɗa na kala ka mpə ŋkwa ma.

¹⁰Wəshi nyi ndiremi ndiremi kashasha yamene hɛ, kafɛa dzeve ta nci yitea fə wəshi gəmə we.

¹¹Ma 'ya ne, tiɗiɗi dzeghwa 'ya. Mbelete ɗa ba'a zhɛ heli yitea 'ya.

¹²Te ŋkwa nya ɓerayɛ ghereŋe ɗa 'ya. Hwa yɛ tsene ne, katetsa nda hana 'ya ke Mahwətə.