Read kapsiki Cimə 3 Bible Online

Cimə 3 - kapsiki bible

Cimə 3

¹Ciməa David. Vəa ŋkwa nya hwɛ ŋkɛ va wəzege ta ŋkɛ Absalom.

²Mahwətə, kwele kwele ka ghema ta ɗa, kwele kwele mbeli nyi keghweze mɛ hwa 'ya.

³Ma ke mbeli kwele kwele sha geze te ghəa ɗa: «Mbele shɛ kaŋ'weve ŋkɛ va Shala we!» Zhɛne mpi

⁴Ama gha gɛ Mahwətə, geləa ɗa na. Gha ya kazləvəa ɗa ba'a kafarefa ta ɗa.

⁵Ma ketsave nda lewela 'ya ke Mahwətə ne, kazhɛne ɗa ŋkɛ sawa pelɛ ghweme ta ŋkɛ nya keveyi geva tekeleke. Zhɛne mpi

⁶Pa 'ya ɓelahe ɗa ba'a dzeyite ɗa yitea hɛ. Feɗeghema ta ɗa ne, kase Mahwətə kakemane ɗa.

⁷Kazhɛne 'ya kaghazlənə va mbeli nyi tipə tipə nyi kedzaslete ɗa nyi we.

⁸Mahwətə, sate te ŋkwa! Shala yawe, mbele ɗa! Kaganda ne, nahe na kempempamte pɛtɛa ka jaga ta ɗa mbe ghweleme, nahe na ketsetsamte slene same kwa ka 'yaghwa mehele.

⁹Mahwətə, gha nde mbele ŋkwa. Nza wəpi ta ŋa kənəa mbelia ŋa! Zhɛne mpi