Read kapsiki Cimə 36 Bible Online

Cimə 36 - kapsiki bible

Cimə 36

¹Se va wəndə nya te ghəa cimə. Se va David, nde mene slene ta Mahwətə.

²Pa 'ya zəzəte ghena nya ndiremi nde 'yaghwa mehele. Ma newe ŋkɛ ne, ghazlənə va Shala shɛ we.

³Vatse newe ghəa ŋkɛ ŋkɛ pelɛ wəmbə, kaɗepete ba'a kaɓela fete ta ŋkɛ ŋkɛ we.

⁴Deke beze ghena ba'a tseŋwə ya kwa mɛa ŋkɛ, nahe hweŋkwa ta mene ganyɛ kezave nda za.

⁵Ma vəa ŋkwa nya nza ŋkɛ te gezle ta ŋkɛ ne, wəshi nyi ndiremi ndiremi yazəzə ŋkɛ. Hweŋkwa nya ndiremi yakele ŋkɛ, kanegha wəsə kwa ndiremi ŋkɛ we.

⁶Mahwətə, nahe ganyɛa ŋa kenza pelɛ ghweme, hwa'a pelɛagha mbe ləmbə dzeme ɗe ta ŋa.

⁷Biya ma nza tiɗiɗia ŋa ke ghweme nyi bebiya bebiya, Lɛame ghena nyi gezete na kala ndərə. Mahwətə yawe, kambele mbeli ba'a wəshi keseɗa na.

⁸Shala yawe, zləvə ya te ganyɛa ŋa! Kawəfərə mbeli yitea shenaŋkwe ta yɛ bidzəa ŋa.

⁹Kabehe ghə hɛ le wəshi kezeme nyi kwele kwele ki ghɛa ŋa, kasa yɛmə na ke hɛ kwa hələa ganyɛa ŋa.

¹⁰Mbe gha se mpi, waŋe ta ŋa nde waŋe n'yɛ ŋkwa.

¹¹Veyi ɗe ta ŋa kaŋa mbeli nyi keɗepe ŋa ba'a ganyɛa ŋa kaŋa mbeli nyi nza wənəa nci wɛŋe.

¹²Dzetema ŋkwa nya nza 'ya nde ŋkele ntsə ma, ŋkakave ɗa ma ka 'yaghwa mehele ma!

¹³Tagha teɗenji ka mene wəshi nyi ndiremi ndiremi, ɓeɓelayɛ hɛ te hɛɗi, kashɛ hɛ sate te ŋkwa we.