Read kapsiki Cimə 6 Bible Online

Cimə 6 - kapsiki bible

Cimə 6

¹Se va wəndə nya te ghəa cimə. Yitea wəshi ketsa nyi nza zewe deghese te hɛ. Ciməa David.

²Mahwətə, ɗa ɗa ma na le wənə le wənə ma, 'yɛ ɗa ma na mbe beze ta wənə ma.

³Mahwətə, zhɛ heli yitea 'ya, kwa nza ŋkɛ dene yadene 'ya. Mahwətə, mbete ɗa kwa nza ŋkɛ bare bare yabare bare pɛtɛa geva ta ɗa.

⁴Pɛtɛa geva ta ɗa kabare bare. Mahwətə, pa te nyama və teɗema ɗa na wa?

⁵Mahwətə, zhɛrete geva, mbelete ɗa, mbelete ɗa tewəmbəreke ganyɛa ŋa.

⁶Kwa nza ŋkɛ ma kwa kwele ne, kahekɛme sləa ŋa mbeli we. Wa nde tsahe ŋa kwa ghɛa mbelia kwahɛɗi wa?

⁷Kedene dene 'ya va ŋələvə. Ma te yayata viɗi ne, ncɛhwɛaɓɛ nza gezle ta ɗa va nehwene, bətə nza ŋkwa keɓelahe ta ɗa va nehwene.

⁸Ghɛmɛa ghɛmɛa nza ntsə ta ɗa va nehwene, ngərə ngərə newe ŋkwa 'ya va ka ghema ta ɗa.

⁹Slə mə teke, gheyɛ nyi kemene wəshi nyi ndiremi ndiremi, kwa nza ŋkɛ nahe Mahwətə kefate nehwene ta ɗa.

¹⁰Nahe Mahwətə kefate lewela ta ɗa, nahe Mahwətə kekemaneve səkwə ta ɗa.

¹¹Ŋa ka jaga ta ɗa hawe ta nci. Bare bare hɛ va ghazlənə, slənji hɛ kahe kahe le hawe ta nci!