Read kapsiki Cimə 62 Bible Online

Cimə 62 - kapsiki bible

Cimə 62

¹Se va wəndə nya te ghəa cimə. Kala zəzə ta Yedəwtəwn. Ciməa David.

²Deke vare Shala nza 'ya gwezlayɛ. Gheŋkɛ nde ve ɗa mbele.

³Deke gheŋkɛ ya kagela ta ɗa, kambele ta ɗa ba'a kaŋkwa kewəfərə ta ɗa. Wəsə shɛ kapesle yitea 'ya we.

⁴Pa te nyama və tetsene geva yɛ yitea wəndə nya kwetɛŋe kezha pesle ŋkɛ kala dewe nya deŋeɗe keɗema kala zli nya kegaŋkəɗə wa?

⁵Deke kelemte ŋkɛ te ŋkwa ŋkɛ yazəzə yɛ, tseŋwə yazeɗehwe ŋayɛ. Kawəpi ŋkwa yɛ le mɛ, ama bezla ŋkwa ya mpɛafe te wənəa ŋayɛ. Zhɛne mpi.

⁶Deke vare Shala nza 'ya gwezlayɛ, kwa nza ŋkɛ gheŋkɛ nde ve ɗa gwəfə ghə.

⁷Deke gheŋkɛ ya kagela ta ɗa, kambele ta ɗa ba'a kaŋkwa kewəfərə ta ɗa. Wəsə shɛ kapesle yitea 'ya we.

⁸Te Shala ghereŋe mbele ta ɗa ba'a zləvəa ɗa. Shala ya kagela nya berete ta ɗa ba'a kaŋkwa kewəfərə ta ɗa.

⁹Gheyɛ mbeli, ve nda mə ghəa ŋayɛ kevə kevə, ndeke nda mə ghena nya kwa wənəa ŋayɛ. Shala ya kaŋkwa kewəfərə ta ɓəmə. Zhɛne mpi.

¹⁰Kaganda ne, deke sefə mbeli. Deke sla tseŋwə yaɗepe mbeli. Ma kedzete kiləwə hɛ, pɛtɛa nci ne, ɗaŋeɗa ma dzeghe sefə ke hɛ.

¹¹Ndeke nda ma ghə yɛ ke mene berete ma, vema ghə yɛ te wəshi nyi ghərəke mbeli ma. Ma kembakete geva wəshia ŋayɛ ne, vema mehele ta ŋayɛ yɛ te hɛ ma.

¹²Nahe Shala kegezete kwete ghena, kwele kwele zhigə fate ghena shɛ 'ya, ma ke: «Va 'ya nza berete.»

¹³Shala, ɗe ya va gha perə, kwa nza ŋkɛ kave nda zhɛme na ke yayata wəndə kala slene ta ŋkɛ.