Read kapsiki Cimə 8 Bible Online

Cimə 8 - kapsiki bible

Cimə 8

¹Se va wəndə nya te ghəa cimə. Yitea getsepele ta ka Gat. Ciməa David.

²Mahwətə yawe, Nde sleke n'yɛ, nahe sləa ŋa kedzemte te hɛɗi lema! Zləvə ma te gha ke ŋkwa nya pelɛ ghweme.

³Laka mɛa ŋwalea fəshi ba'a yɛ velɛnjɛ ne, kancɛ berete ta ŋa na kwa kema ta ka ghema ta ŋa. Tsagha ne, kaŋzle nda mɛ na ke ka ghema ta ŋa nyi kempa le gha keveci keveci.

⁴Ma vəa ŋkwa nya newe ghweme nya pate na, tere ba'a saseregwa nyi veyi na pelɛagha 'ya ne,

⁵ma 'ya 'yɛwete va ghəa ɗa: Wa ŋkɛ wəndə nda zəzə ŋkɛ na wa? Wa ŋkɛ wəndə ŋelɛ nda newe ghweme na te wa?

⁶Nahe na kepate ŋkɛ takwa takwa kanza kashala, Nahe na kepeɗekɛ nda ghə le zləvə ba'a kwele.

⁷Nahe na keveyi ŋkɛ te ghəa wəshi nyi pate na, nahe na keveyi pɛtɛa wəshi mbe seɗa ta ŋkɛ:

⁸timɛti, kwi ba'a yɛ sla, pa le wəshi keseɗa nyi hwa gamba,

⁹'yɛ nyi yitea ghweme, kelepe nyi kwa ndərə ba'a pɛtɛa wəshi nyi kedzeghwa kwa ndərə.

¹⁰Mahwətə yawe, Nde sleke n'yɛ, nahe sləa ŋa kedzemte te hɛɗi lema.