Read kapsiki Ɓela 33 Bible Online

Ɓela 33 - kapsiki bible

Ɓela 33

¹Wa nyi dzeghwa nyi dzeghwave ka Israyɛl nyi, kwa shave hɛ mbe Ɛzhipte kewəvəsə kewəvəsə, mbe dzeve ta yɛ Moyize le Aron.

²Nahe Moyize kerafete ŋkwa nyi ghereŋe hɛ te ba'a nyi slə hɛ te, kala nya gezave nda Mahwətə. Wa nyi dzeghwa ta nci nyi keŋkwa keŋkwa:

³Ma te kwa meŋe mcɛfeghəmbe ta hɛ mbe tere kwa ghate mbe va, te hendɛ ta kwa ghate ta Pake ne, cape ka Israyɛl slə mbe Ramsɛs. Waɗe slə hɛ kwa ntsə ta ka Ɛzhipte.

⁴Ma vəa ŋkwa shɛ ne, la yala ka tezhɛa kɛfia nci nyi mpəmte Mahwətə ka Ɛzhipte, va nya mehate ghwə ŋkɛ te yɛ shala ta ka Ɛzhipte.

⁵Slə mbe Ramsɛs ne, pa ka Israyɛl ghereŋenji mbe Səwkot.

⁶Slə mbe Səwkot ne, pa hɛ ghereŋenji mbe Ɛtam, mɛa ɓerama.

⁷Slə mbe Ɛtam ne, pa hɛ zhɛneghe geva kadzembe Pi-Hahirot, nya kwa kema ta Ba'al-Sefon ba'a ghereŋenji kwa kema ta Migdol.

⁸Slə mbe Pi-Hahirot ne, pa hɛ jivenji te ndərəa ghwəvərə ba'a dzetenji te ɓerama. Kwa sebe ta hɛ mahekene kadzeghwa te ɓerama ta Ɛtam ne, pa hɛ ghereŋenji mbe Mara.

⁹Slə mbe Mara ne, pa hɛ ntsehe mbe Ɛlim nya nza ghwa meŋe bakeghəmbe ba'a peha mberefaŋemsə mbe. Pa hɛ ghereŋenji tagha.

¹⁰Slə mbe Ɛlim ne, pa hɛ lə kaghereŋenji takwa yitea ndərəa ghwəvərə.

¹¹Slə mɛa ndərəa ghwəvərə ne, pa hɛ ntsehe te ɓerama ta Sin.

¹²Slə te ɓerama ta Sin ne, pa hɛ ghereŋenji mbe Dofka.

¹³Slə mbe Dofka ne, pa hɛ ghereŋenji mbe Aləwsh.

¹⁴Slə mbe Aləwsh ne, pa ghereŋenji mbe Refidim, te ŋkwa nya kemavema yɛmə kesa mbeli.

¹⁵Slə mbe Refidim ne, hwa'a hɛ te ɓerama ta Sinay.

¹⁶Slə te ɓerama ta Sinay ne, hwa'a hɛ mbe Kibrot-Tava.

¹⁷Slə mbe Kibrot-Tava ne, hwa'a hɛ mbe Hasɛrot.

¹⁸Slə mbe Hasɛrot ne, hwa'a hɛ mbe Ritma.

¹⁹Slə mbe Ritma ne, hwa'a hɛ mbe Rimon-Pɛrɛs.

²⁰Slə mbe Rimon-Pɛrɛs ne, hwa'a hɛ mbe Libna.

²¹Slə mbe Libna ne, hwa'a hɛ mbe Risa.

²²Slə mbe Risa ne, hwa'a hɛ mbe Kehɛlata.

²³Slə mbe Kehɛlata ne, hwa'a hɛ pelɛ ghweme ta Shɛfɛr.

²⁴Slə pelɛ ghweme ta Shɛfɛr ne, hwa'a hɛ mbe Harada.

²⁵Slə mbe Harada ne, hwa'a hɛ mbe Makɛlot.

²⁶Slə mbe Makɛlot ne, hwa'a hɛ mbe Tahat.

²⁷Slə mbe Tahat ne, hwa'a hɛ mbe Tɛra.

²⁸Slə mbe Tɛra ne, hwa'a hɛ mbe Mitka.

²⁹Slə mbe Mitka ne, hwa'a hɛ mbe Hashemona.

³⁰Slə mbe Hashemona ne, hwa'a hɛ mbe Mosɛrot.

³¹Slə mbe Mosɛrot ne, hwa'a hɛ mbe Benɛ-Yakan.

³²Slə mbe Benɛ-Yakan ne, hwa'a hɛ mbe Hor-Gidgad.

³³Slə mbe Hor-Gidgad ne, hwa'a hɛ mbe Yotbata.

³⁴Slə mbe Yotbata ne, hwa'a hɛ mbe Abrona.

³⁵Slə mbe Abrona ne, hwa'a hɛ mbe Ɛsiyon-Gɛbɛr.

³⁶Slə mbe Ɛsiyon-Gɛbɛr ne, hwa'a hɛ mbe Kadɛs, te ɓerama ta Tsin.

³⁷Slə mbe Kadɛs ne, hwa'a hɛ pelɛ ghweme ta Hor, takwa yitea ghala ta Ɛdom.

³⁸Kala nya gezete Mahwətə, tarame nde dzeghe Shala Aron pelɛ ghweme ta Hor. Mtiwə ŋkɛ pelɛagha te hɛ kwa ghate, mbe tere kwa mcɛfe, mbe kwa wəfaɗemsə ta va ghala shave ka Israyɛl mbe Ɛzhipte.

³⁹Va gwəmsə ba'a bakemsə mahekeneghəmbe menete Aron nda mtenyɛ ŋkɛ pelɛ ghweme ta Hor.

⁴⁰Pa meghe Arad, nde Kanan nya te hɛɗia Nɛgɛv fate se ta ka Israyɛl.

⁴¹Slə pelɛ ghweme ta Hor ne, hwa'a ka Israyɛl mbe Salmona.

⁴²Slə mbe Salmona ne, hwa'a hɛ mbe Pəwnon.

⁴³Slə mbe Pəwnon ne, hwa'a hɛ mbe Obot.

⁴⁴Slə mbe Obot ne, hwa'a hɛ mbe Yɛ-Abarim, kwa ghala ta Mowab.

⁴⁵Slə mbe Yɛ-Abarim ne, hwa'a hɛ mbe Dibon-Gad.

⁴⁶Slə mbe Dibon-Gad ne, hwa'a hɛ mbe Almon-Diblatayim.

⁴⁷Slə mbe Almon-Diblatayim ne, hwa'a hɛ pelɛ yɛ ghweme ta Abarim, kwa kema ta Nɛbo.

⁴⁸Slə pelɛ yɛ ghweme ta Abarim ne, hwa'a hɛ te ŋwela ta Mowab, takwa yitea Zhəwrdɛŋe ba'a kwa kema ta Zhɛriko.

⁴⁹Pa hɛ nzanji te ŋwela ta Mowab, takwa yitea Zhəwrdɛŋe ba'a kwelɛ yɛ Bɛt-Yeshimot le Abɛl-Shitim.

⁵⁰Ma te ŋwela ta Mowab, takwa yitea Zhəwrdɛŋe ba'a kwa kema ta Zhɛriko ne, ma ke Mahwətə gezave nda ke Moyize

⁵¹kageze nda ke ka Israyɛl: «Ma vəa ŋkwa nya tejive ŋayɛ yɛ te Zhəwrdɛŋe kezha dzete hɛɗia Kanan ne,

⁵²kateŋkamte pɛtɛa mbeli nyi te hɛɗia shɛ yɛ te kema ta ŋayɛ, kateza sebe yɛ te wəshi nyi tsehete hɛ yitea pelɛ keɗema nyi vɛsəte hɛ kala yɛ shala ta nci ba'a kateza sebe yɛ te yɛ kələŋəa nci.

⁵³Katekele hɛɗia nci yɛ ba'a katenza yɛ te. Kwa nza ŋkɛ ne, nahe 'ya kendeke ŋayɛ hɛɗia shɛ kaŋa ŋayɛ.

⁵⁴Katesla kwasheghediɗi yɛ kezha nehe hɛɗia shɛ kwelɛ hwelefefia ŋayɛ. Ke hwelefe nya kwele kwele ne, wəbake ŋa nda hɛɗi yɛ, ke nya ɓɛhwɛ ne, ɓɛhwɛ ŋa nda hɛɗi yɛ. Yayata hwelefe kateyɛ hɛɗi nya kenta nda geva laka kwasheghediɗi.

⁵⁵Ama keɗema yɛ keŋkamte pɛtɛa mbeli nyi te hɛɗia shɛ te kema ta ŋayɛ ne, kala shekwəli nyi mbe ntsə ta ŋayɛ ba'a tigə nyi keŋgwerahe wəmbə te gheyɛ tenza mbelia nci nyi tesərə yɛ teghweme. Kateha ŋayɛ mpa hɛ te hɛɗi nya tenza nya yɛ,

⁵⁶ba'a ne, ke gheyɛ temene ŋayɛ wəsə nya tarete 'ya kamene nda ke hɛ 'ya.»