Read kapsiki Zhozəwɛ 16 Bible Online

Zhozəwɛ 16 - kapsiki bible

Zhozəwɛ 16

¹Ma hɛɗi nya kaŋa ŋwalea Zhozɛf nya kemave hɛ laka sla kwasheghediɗi ne, se kwa Zhəwrdɛŋe, laka ŋkwa kesame ta veci yitea hələa Zhɛriko, kajive laka ɓerama nya keslə mbe Zhɛriko kadzeme ghweme ta Bɛtɛl.

²Se tagha ne, kadzawa nde laka Ləwz, kadzeyi laka ghala ta ka Ark nyi mbe Atarot,

³kadzawa laka ŋkwa kepəkwə ta veci te hɛɗia ka Yaflɛt, kajive mbe hɛɗia Bɛt-Horon nya kwake kwake ba'a Gɛzɛr, kazhigə kwa ndərəa Mɛditɛranɛ.

⁴Tsetse hɛɗia hwelefe ta Zhozɛf, geze ta ŋkɛ yɛ Manasɛ le Ɛfrayim.

⁵Wa nya ghala ta ŋkwa hwelefe ta Ɛfrayim kepelə kepelə nya: ma ghala ta ŋa nci ŋkwa ne, se mbe Atarot-Adar nya laka ŋkwa kesame ta veci hwa'a mbe Bɛt-Horon nya biya,

⁶se tagha ne, hwa'a mɛa ndərəa Mɛditɛranɛ. Laka bela kwa gwela ne, kadzeyi nde takwa yitea Mikmɛtat. Laka ŋkwa kesame ta veci yitea Mikmɛtat ne, kadzeyi nde laka Ta'anat-Silo nya jive nde, kajive hwa'a mbe Yanowa.

⁷Se mbe Yanowa ne, kadzawa nde laka yɛ Atarot le Na'ara, laka Zhɛriko ba'a kazhigə kwa Zhəwrdɛŋe.

⁸Ma laka ŋkwa kepəkwə ta veci yitea Mikmɛtat ne, se mbe Tapəwa nde hwa'a kwa hələa Kana, kazhigə kwa ndərəa Mɛditɛranɛ. Tsetse ŋa hwelefe ta ŋwalea Ɛfrayim kala nza ta yɛ peləa nci.

⁹Pa mbeli mbakete nda kweci meleme nyi jama jama ba'a nyi ɓɛhwɛ ɓɛhwɛ te hɛɗia hwelefe ta Manasɛ ke hɛ.

¹⁰Keŋkamte ka Kanan nyi hwa hɛ le nza hɛ mbe Gɛzɛr ka Ɛfrayim we. Mba hɛ hwa hɛ le nza hwa'a va ɓeshi. Ama nahe hɛ kenza kaka mavashia nci.