Read kapsiki Zhozəwɛ 19 Bible Online

Zhozəwɛ 19 - kapsiki bible

Zhozəwɛ 19

¹Ma kwa bake ta hɛɗi nya kentave geva laka kwasheghediɗi ne, nahe ŋkɛ kendeke nda geva ke yita ta Simɛyon kala nza ta peləa nci. Ma ŋa nci wəsə kezeme ghɛ ne, kwelɛ tepe ta ŋa ŋwalea Zhəwda.

²Ma meleme nyi kemave hɛ kawəsə kezeme ghɛ ne, Bɛrshɛba, Shɛba, Molada,

³Hasar-Shəwal, Ba'ala, Ɛsɛm,

⁴Ɛltolad, Betəwl, Horma,

⁵Siklag, Bɛt-Markabot, Hasar-Səwsa,

⁶Bɛt-Lebawot ba'a Sharəwɛn: meŋe mahekeneghəmbe meleme nyi jama jama ba'a nyi ɓɛhwɛ ɓɛhwɛ.

⁷Kweci ya shɛ: Ayin, Rimon, Ɛtɛr ba'a Ashan, wəfaɗe meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

⁸Kweci meleme nyi ɓɛhwɛ ɓɛhwɛ ya dzeyi yitea melemea shɛhɛ hwa'a mbe Ba'alat-Bɛr nya kaRamat, laka bela kwa zeme. Tsetse ŋa hwelefe ta ŋwalea Simɛyon kala nza ta peləa nci.

⁹Ma ŋa ŋwalea Simɛyon wəsə kezeme ghɛ ne, mbe ŋa ŋwalea Zhəwda kelete mbeli, kwa nza ŋkɛ nahe hɛ kekemave bela kwele ma ke hɛ, vatse nza hwelefe ta Simɛyon te tepe ta hɛɗia Zhəwda.

¹⁰Kwa maheke ta ŋkwa nya kentave geva le sla kwasheghediɗi ne, ŋa ŋwalea Zabəlon kala nza ta peləa nci. Ma hɛɗia nci ne, kadzawa laka bela kwa zeme hwa'a kwa Sarid.

¹¹Slə tagha ne, kadzeme ghala shɛ laka ŋkwa kepəkwə ta veci hwa'a mbe Marala, zhɛne, hwa'a mbe Dabɛshɛt ba'a mɛa hələ nya kehwɛ dzeyi laka ŋkwa kesame ta veci yitea Yoknɛyam.

¹²Se mbe Sarid ne, kazhɛre geva nde laka ŋkwa kesame ta veci hwa'a kwa ghala ta Kislot-Tabor, kajive laka Dabrat ba'a kadzeme laka Yafiya.

¹³Se tagha ne, kadzeme nde laka ŋkwa kesame ta veci hwa'a mbe Gat-Hɛfɛr ba'a Ita-Kasin, kadzeyi nde laka Rimon ba'a kazhɛre geva nde laka Nɛya.

¹⁴Kazhɛre geva ŋkɛ laka bela kwa gwela ta Hanaton ba'a kazhigə kwa zlərəa Ifta-Ɛl.

¹⁵Ma hɛɗia shɛ ne, meleme meŋe bakeghəmbe ya te: Katat, Nahalal, Shimron, Idala, Bɛtelɛhɛm le meleme nyi ɓɛhwɛ ɓɛhwɛ dzeyi yitea hɛ.

¹⁶Tsetse ŋa ŋwalea Zabəlon hɛɗi kezeme ghɛ kala nza ta peləa nci, meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

¹⁷Kwa wəfaɗe ta ŋkwa nya kelete mbelia Isakar laka kwasheghediɗi ne, ŋa peləa nyi kwa yita ta Isakar.

¹⁸Ma ghala ta hɛɗia nci ne, dzeyi laka Zhizrɛyɛl, Kɛsəwlot, Shəwnɛm,

¹⁹Hafarayim, Siyon, Anaharat,

²⁰Rabit, Kishiyon, Ɛbɛs,

²¹Rɛmɛt, Ɛn-Ganim, Ɛn-Hada ba'a Bɛt-Pasɛs.

²²Kakwaɗe Tabor, Shasayim nde, kantsehe nde hwa'a kwa Zhəwrdɛŋe. Meŋe ŋkwaŋeghəmbe meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

²³Tsetse ŋa hwelefe ta Isakar hɛɗi kezeme ghɛ kala nza ta peləa nci, meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

²⁴Kwa mcɛfe ta bela nya kentave nda geva laka kwasheghediɗi ne, ŋa hwelefe ta ŋwalea Asɛr, kala nza ta peləa nci.

²⁵Ma ghala ta nci ne, Hɛlkat, Hali, Bɛtɛn, Akeshaf,

²⁶Alamɛlɛk, Amad ba'a Mishal. Kakwaɗe Karmɛl nde laka ŋkwa kapəkwə ta veci ba'a Shihor-Libnat.

²⁷Zhɛne ne, kazhɛre geva nde laka bela ta ŋkwa kesame ta veci yitea Bɛt-Dagon, kazhigə nde vare Zabəlon ba'a zlərəa Ifta-Ɛl, laka bela kwa gwela ta Bɛt-Ɛmɛk ba'a Nɛyɛl, kajive nde laka kwa gwela ta Kabəwl,

²⁸laka Abdon, Rehob, Hamon ba'a Kana, kantsehe nde hwa'a mbe Sidon, meleme nya wəba.

²⁹Tagha gɛ, kazhɛre geva ŋkɛ laka Rama ba'a ŋkwa nya berete nya te hɛɗia Tir, kajive nde laka Hosa kezha miɗi kwa ndərəa Mɛditɛranɛ dzawa laka Mahalɛb, Akzib,

³⁰Əwm, Afɛk le Rehob, bakemsə bakeghəmbe meleme nyi jama le nyi ɓɛhwɛ te hɛɗia shɛ pɛtɛ.

³¹Tsetse ŋa hwelefe ta ŋwalea Asɛr ŋkwa kezeme ghɛ kala yita ta nci, meleme nyi jama le nyi ɓɛhwɛ.

³²Kwa ŋkwaŋe ta ŋkwa nya, kentave nda geva le kwasheghediɗi ke ŋwalea Nɛftali kala yita ta nci.

³³Ghala ta nci ne, kaslə mbe Hɛlɛf, se yitea kwete wəfe nya wəba nya mbe Sa'ananim kadzeyi laka, Adami-Nɛkɛb le Yabnɛyɛl, hwa'a kwa Lakəwm, ba'a kazhigə kwa Zhəwrdɛŋe.

³⁴Kazhɛre geva ŋkɛ laka bela nya pəkwə veci kwa sha Aznot-Tabor, kajive nde laka Hokəwk, kajive laka hɛɗia Zabəlon nya laka bela kwa zeme, zhɛne, ŋa Asɛr nya laka ŋkwa kepəkwə ta veci. Ma laka bela kesame ta veci ne, Zhəwrdɛŋe ya kwa ghala.

³⁵Ma meleme nyi berete berete ne, Sidim, Sɛr, Hamat, Rakat, Kinɛrɛt,

³⁶Adam, Rama, Hasor,

³⁷Kɛdɛsh, Ɛdrɛyi, Ɛn-Hasor,

³⁸Iron, Migdal-Ɛl, Horɛm, Bɛt-Anat ba'a Bɛt-Shɛmɛsh. Meŋe meslighəmbe meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

³⁹Tsetse ŋa ŋwalea Nɛftali hɛɗi, kala nza ta peləa nci, meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

⁴⁰Kwa mberefaŋe ta bela nya ntave nda mbeli laka kwasheghediɗi ne, ŋa hwelefe ta Dan kala nza ta peləa nci.

⁴¹Ma hɛɗi nyi kaŋa nci ne, Sora, Ɛshetawol, Ir-Shɛmɛsh,

⁴²Sha'alabin, Ayalon, Itla,

⁴³Ɛlon, Timna, Ɛkron,

⁴⁴Ɛltekɛ, Gibeton, Ba'alat,

⁴⁵Yehəwd, Benɛ-Berak, Gat-Rimon

⁴⁶Hələa Yarkon, Rakon, ŋkwa nya dzeyi yitea Jafa.

⁴⁷Pa hɛɗia ŋwalea Dan zave nda za ke hɛ, cape hɛ kalə yitea mpa le Lɛshɛm. Pa hɛ kelehwe melemea shɛ ba'a mpəmte mbeli nyi mbe, pa hɛ hekate nda sləa yiteyɛa nci Dan ke Lɛshɛm.

⁴⁸Tsetse ŋa hwelefe ta ŋwalea Dan hɛɗi kezeme ghɛ kala nza ta peləa nci, meleme nyi jama jama le nyi ɓɛhwɛ ɓɛhwɛ nyi dzeyi yitea hɛ.

⁴⁹Ma kwa kiɗimte nehe hɛɗi hɛ kwelɛ ghəa nci ne, pa ka Israyɛl ndeke nda ŋa ŋkɛ bela te tepe ta ŋa nci ke Zhozəwɛ, wəzege ta Nəwn.

⁵⁰Kala ghena nya gezete Mahwətə ne, pa mbeli ndeke nda meleme nya 'yɛwete ŋkɛ, geze ta ŋkɛ, Timnat-Sɛra, pelɛ ghweme ta Ɛfrayim. Pa ŋkɛ zhɛne kaŋate melemea shɛ ba'a nzanyɛ mbe.

⁵¹Tsetse hɛɗi nyi nehete nde dzeghe Shala Ɛlazar, Zhozəwɛ, wəzege ta Nəwn ba'a mbeli nyi te ghəa yitehɛ nyi mbe Israyɛl laka sla kwasheghediɗi kwa kema ta Mahwətə mbe Silo, te kema ta cɛ lekwesa kebegeme geva. Tsetse kiɗimte nehe ta hɛɗi hɛ.