Read სბს–სტოკჰოლმი 2001 1 ნეშტთა 2 Bible Online

1 ნეშტთა 2 - სბს–სტოკჰოლმი 2001 bible

1 ნეშტთა 2

¹ესენი არიან ისრაელის ძენი: რეუბენი, სიმონი, ლევი, იუდა, ისაქარი, ზებულუნი,

²დანი, იოსები, ბენიამინი, ნაფთალი, გადი და აშერი.

³იუდას ძენი: ყერი, ონანი და შელა; ქანაანელი შუაყის ასულისაგან მას სამი შეეძინა. იუდას პირმშო ყერი, ბოროტი იყო უფლის თვალში, ამიტომ მოაკვდინა იგი უფალმა.

⁴თამარმა, მისმა რძალმა, შვა ფერეცი და ზერახი. იუდას სულ ხუთი ვაჟი ჰყავდა.

⁵ფერეცის ძენი: ხეცრონი და ხამული.

⁶ზერახის ძენი: ზიმრი, ეთანი, ჰემანი, ქალქოლი და დარაყი - ხუთნი.

⁷ქარმის ძენი: ყაქარი, ფიცი რომ გატეხა და ისრაელს უბედურება შეამთხვია.

⁸ეთანის ძენი: ყაზარია. -

⁹და ხეცრონის ძენი, მას რომ შეეძინენ: იერახმეელი, რამი და ქელუბაი.

¹⁰რამმა შვა ყამინადაბი. ყამინადაბმა შვა ნახშონი - იუდას ძეთა წინამძღოლი,

¹¹ნახშონმა შვა სალმა. სალმამ შვა ბოყაზი,

¹²ბოყაზმა შვა ყობედი. ყობედმა შვა იესე,

¹³იესემ შვა თავისი პირმშო ელიაბი, მეორე - აბინადაბი, მესამე - შიმყა,

¹⁴მეოთხე - ნეთანეელი, მეხუთე - რადაი,

¹⁵მეექვსე - ოცემი, მეშვიდე - დავითი.

¹⁶მათი დები: ცერუია და აბიგაილი. ცერუიას ძენი: აბიშაი, იოაბი და ყასაელი - სამნი.

¹⁷აბიგაილმა შვა ყამასა. ყამასას მამა იეთერი იყო, ისმაელიანი.

¹⁸ქალებმა, ხეცრონის ძემ, ყაზუბას, თავის ცოლს, და იერიყოთს აშობინა; აჰა, მისი ძენი: იეშერი, შობაბი და არდონი.

¹⁹და მოკვდა ყაზუბა და ქალებმა ეფრათი შეირთო ცოლად, უშვა მას ხური.

²⁰ხურმა შვა ური. ურიმ შვა ბეცალელი.

²¹მერე ხეცრონი გილყადის მამის ასულთან შევიდა და ცოლად შეირთო. მაშინ იგი სამოცი წლისა იყო. უშვა მას სეგუბი.

²²სეგუბმა შვა იაირი. გილყადის ქვეყანაში მას ოცდასამი ქალაქი ჰქონდა.

²³გეშურმა და არამმა წაართვეს მათ იაირის დაბები, კენათი თავის ქალაქებიანად - სულ სამოცი ქალაქი. ყველა ესენი გილყადის მამის, მაქირის ძენი არიან.

²⁴მას შემდეგ რაც ხეცრონი ქალებ-ეფრათში მოკვდა, ხეცრონის ცოლმა აბიამმა უშვა მას აშხური, თეკოაყის მამა.

²⁵ხეცრონის პირმშოს იერახმეელის ძენი იყვნენ: პირმშო რამი, ბუნა, ორენი, ოცემი და ახია.

²⁶იერახმეელს სხვა ცოლიც ჰყავდა, სახელად ყატარა, ის იყო ონამის დედა.

²⁷იერახმეელის პირმშოს რამის ძენი იყვნენ: მაყაცი, იამინი და ყეკერი.

²⁸ონამის ძენი იყვნენ: შამაი და იდაყი. შამაის ძენი: ნადაბი და აბიშური.

²⁹აბიშურის ცოლს ერქვა აბიხაილი. მან შვა ახბანი და მოლიდი.

³⁰ნადაბის ძენი: სელედი და აფაიმი. სელედი უშვილოდ მოკვდა.

³¹აფაიმს ჰყავდა ძე - იშყი, იშყის ძე იყო შეშანი. შეშანის ძე იყო ახლაი.

³²იადაყის, შამაის ძმის, ძენი: ახი, შამი, იეთერი და იონათანი. იეთერი უშვილოდ მოკვდა.

³³იონათანის ძენი: ფელეთი, ზაზა. ესენი იერახმეელის ძენი იყვნენ.

³⁴შეშანს ვაჟები არ ჰყოლია, მხოლოდ ასულები ჰყავდა. შეშანს ეგვიპტელი ყმა ჰყავდა, სახელად იარხაყი.

³⁵შეშანმა თავისი ასული თავის ყმას იარხაყს მისცა ცოლად. და უშვა მას ყათაი.

³⁶ყათაიმ შვა ნათანი, ნათანმა შვა ზაბადი,

³⁷ზაბადმა შვა ეფლალი, ეფლალმა შვა ყობედი,

³⁸ყობედმა შვა იეჰუ, იეჰუმ შვა ყაზარია,

³⁹ყაზარიამ შვა ხალეცი, ხალეცმა შვა ელყასა,

⁴⁰ელყასამ შვა სისმაი, სისმაიმ შვა შალუმი,

⁴¹შალუმმა შვა იეკამია, იეკამიამ შვა ელიშამაყი.

⁴²იერახმეელის ძმის, ქალების ძენი: პირმშო - მეშაყი, ეს არის ზიფის მამა; და მარეშას, ხებრონის მამის, ძენი.

⁴³ხებრონის ძენი: კორახი, თაფუახი, რეკემი, შემაყი.

⁴⁴შემაყმა შვა რახამი, იორკეყამის მამა. რეკემმა შვა შამაი.

⁴⁵შამაის ძე იყო მაყონი. მაყონი იყო მამა ბეთ-ცურისა.

⁴⁶ქალების ხარჭას, ყეფას, შეეძინა: ხარანი, მოცა და გაზეზი. ხარანმა შვა გაზეზი.

⁴⁷იაჰდაის ძენი: რეგემი, იოთამი, გეშანი, ფელეტი, ყეფა და შაყაფი.

⁴⁸ქალების ხარჭას, მაყაქას, შეეძინა: შებერი, თირხანა.

⁴⁹და შვა მადმანას მამა შაყაფი, მაქბენასა და გიბყას მამა - შევა. ქალების ასული იყო ყაქსა.

⁵⁰ესენი იყვნენ ქალების ძენი: ხურას ძე შობალი, ეფრათას პირმშო, მამა კირიათ-იეყარიმისა,

⁵¹სალმა, მამა ბეთ-ლეხემისა, და ხარეფი, მამა ბეთ-გადერისა.

⁵²შობალს, კირიათ-იეყარიმის მამას, ჰყავდა ვაჟები: ჰაროე, ხაცი, მენუხოთი.

⁵³კირიათ-იეყარიმის საგვარეულონი: ითრელი, ფუთელი, შუმათელი და მიშრაყელი. მათგან გამოვიდნენ: ცორყათელი და ეშთაოლელი.

⁵⁴სალმას ძენი: ბეთ-ლეხემი, ნეტოფათელი, ყატაროთ-ბეთ-იოაბი, მანახთიელთა ნახევარი, და ცორყელნი.

⁵⁵იაყბეცში მცხოვრებ მწიგნობართა საგვარეულონი: თირყათელნი, შიმყათელნი, სუქათელნი, ესენი კინელნი არიან, ბეთ-რექაბის მამის ხამათის შთამომავლები.