Read სბს–სტოკჰოლმი 2001 1 ნეშტთა 24 Bible Online

1 ნეშტთა 24 - სბს–სტოკჰოლმი 2001 bible

1 ნეშტთა 24

¹აარონის ძეთ თავიანთი დასები აქვთ, აარონის ძენი: ნადაბი, აბიჰუ, ელეაზარი და ითამარი.

²ნადაბი და აბიჰუ მამაზე ადრე დაიხოცნენ; ისე, რომ ვაჟები არ ჰყოლიათ. ელეაზარი და ითამარი შეუდგნენ მღვდელმსახურებას.

³და გაამწესა დავითმა ცადოკი, ელეაზარის ძეთაგან, და ახიმელექი, ითამარის ძეთაგან, თავ-თავიანთ სამსახურში, თავ-თავიანთი მოვალეობისდა მიხედვით.

⁴და აღმოჩნდა, რომ ელეაზარის შვილებში კაცები უფრო მეტნი იყვნენ, ვიდრე ითამარის შვილებში, და დაანაწილეს მათ ისინი: ელეაზარის ძეთა მამისსახლს თექვსმეტი თავკაცი არგუნეს, ხოლო ითამარის ძეთა მამისსახლს - რვა თავკაცი.

⁵ერთმანეთში წილისყრით დაინაწილეს, რადგან საწმიდრის წინამძღოლები ელეაზარისა და ითამარის ძეთაგან იყვნენ.

⁶და აღნუსხა ისინი შემაყია ნათანელის ძემ, ლევიანთა მწიგნობარმა, მეფისა და მთავართა წინაშე, ცადოკ მღვდლისა და ახიმელექ აბიათარის ძის წინაშე, მღვდელთა და ლევიანების მამისსახლთა თავკაცების წინაშე. ერთი მამისსახლი ელეაზარს უყრიდა წილს და ერთი ითამარს უყრიდა წილს.

⁷და პირველი წილი იეჰოიარიბს შეხვდა, მეორე - იედაყიას,

⁸მესამე - ხარიმს, მეოთხე - სეყორიმს.

⁹მეხუთე - მალქიას, მეექვსე - მიამინს,

¹⁰მეშვიდე - ჰაკოცს, მერვე - აბიას,

¹¹მეცხრე - იესოს, მეათე - შექანიაჰუს,

¹²მეთერთმეტე - ელიაშიბს, მეთორმეტე - იაკიმს,

¹³მეცამეტე - ხუფას, მეთოთხმეტე - იეშებაბს,

¹⁴მეთხუთმეტე - ბილგას. მეთექვსმეტე - იმერს.

¹⁵მეჩვიდმეტე - ხეზირს, მეთვრამეტე - ჰაფიცეცს,

¹⁶მეცხრამეტე - ფეთახიას, მეოცე - იეხეზკელს,

¹⁷ოცდამეერთე - იაქინს, ოცდამეორე - გამულს,

¹⁸ოცდამესამე - დელაიაჰუს, ოცდამეოთხე - მაყაზიაჰუს.

¹⁹ეს არის მათი განაწესი, თუ როგორ უნდა მისულიყვნენ უფლის სახლში იმ სამსახურის გასაწევად, მათი მამის, აარონის, ხელით რომ იყო დაწესებული ისე, როგორც უფალმა, ისრაელის ღმერთმა უბრძანა მას.

²⁰დანარჩენი ლევიანები: ყამრამის ძეთაგან: შუბაელი, შუბაელის ძეთაგან: იეხდეიაჰუ.

²¹რეხაბიაჰუსაგან: რეხაბიაჰუს ძეთაგან იშია იყო თავკაცი.

²²იცჰარელთაგან: შელომოთი. შელომოთის ძეთაგან: იახათი.

²³ხებრონის ძეთაგან: იერიაჰუ, ამარიაჰუ - მეორე, იახაზიელი - მესამე, იეკამყამი - მეოთხე.

²⁴ყუზიელის ძეთაგან: მიქა. მიქას ძეთაგან: შამირი.

²⁵მიქას ძმა იყო იშია. იშიას ძეთაგან: ზაქარია.

²⁶მერარის ძენი: მახლი და მუში. იაყაზიაჰუს ძეთაგან: ბენო.

²⁷მერარის ძენი იაყაზიაჰუსგან: ბენო, შოჰამი, ზაქური და ყიბრი.

²⁸მახლისგან: ელეაზარი, რომელსაც ვაჟები არ ჰყოლია.

²⁹კიშისგან: კიშს ძე იერახმეელი.

³⁰მუშის ძენი: მახლი, ყედერი და იერემოთი. აჰა, ლევიანები, თავ-თავიანთი მამისსახლებისდა მიხედვით.

³¹მამისსახლთა თავკაცებმა უმცროსი ძმების თანასწორად ყარეს წილი თავიანთი ძმების - აარონიანთა მსგავსად, მეფე დავითის, ცადოკის, ახიმელექის, მღვდლებისა და ლევიანების მამისსახლთა თავკაცების წინაშე.