Read სბს–სტოკჰოლმი 2001 1 ნეშტთა 4 Bible Online

1 ნეშტთა 4 - სბს–სტოკჰოლმი 2001 bible

1 ნეშტთა 4

¹იუდას ძენი: ფერეცი, ხეცრონი, ქარმი, ხური და შობალი.

²შობალის ძემ რეაიამ შვა იახათი, იახათმა შვა ახუმაი და ლაჰადი. აჰა, ცორყათელთა საგვარეულონი.

³აჰა, ყეტამის მამის ძენი: იზრეყელი, იშმა, იდბაში. მათ დას ჰაცელელფონი ერქვა.

⁴ფენუელი, გედორის მამა და ყეზერი, ხუშას მამა, ესენი არიან ხურის ძენი, ეფრათას პირმშოსი, ბეთლეხემის მამისა.

⁵აშხურს, თეკოაყის მამას, ორი ცოლი ჰყავდა: ხელა და ნაყარა.

⁶ნაყარასგან შეეძინა: ახუზამი, ხეფერი, თემნი და ჰაახაშთარი. ესენი იყვნენ ნაყარას ძენი.

⁷ხელას ძენი: ცერეთი, იეცხარი და ეთნანი.

⁸კოცმა შვა ყანუბი, ჰაცობება და ახარხელ ჰარუმის ძის საგვარეულონი.

⁹იაყბეცი თავის ძმებზე უფრო პატივდებული იყო. იაყბეცი დედამისმა დაარქვა, თქვა: რადგან ტკივილით გავაჩინეო.

¹⁰მოუხმო იაყბეცმა ისრაელის ღმერთს და უთხრა: “ნეტა კურთხევით მაკურთხებდე და საზღვრებს გამიდიდებდე, შენი ხელი ჩემთან იქნებოდეს და ბოროტებისაგან დამიცავდე, რომ არ გავიტანჯო.” და მისცა ღმერთმა, რასაც ითხოვდა.

¹¹შუხას ძმამ ქელუბმა შვა მეხირი, ეშთონის მამა.

¹²ეშთონმა შვა ბეთ-რაფა, ფასეახი და ყირ-ნახაშის მამა თეხინა. აჰა, რექას მცხოვრებნი.

¹³კენაზის ძენი: ყათნიელი და სერაია. ყათნიელის ძე იყო ხათათი.

¹⁴მეყონოთაიმ შვა ყოფრა. სერაიამ შვა იოაბი, მამა ხუროთა ველისა, რადგან ხურონი იყვნენ.

¹⁵ქალების, იეფუნეს ძის, ძენი: ყირუ, ელა და ნაყამი, ელას ძე იყო კენაზი.

¹⁶იეჰალელის ძენი: ზიფი და ზიფა, თირია და ასარელი.

¹⁷ყეზრას ძენი: იეთერი, მერედი, ყეფერი და იალონი. იეთერმა შვა მირიამი, შამაი და იშბახი, ეშთემოაყის მამა.

¹⁸მის იუდაელ ცოლს შეეძინა იერედი - მამა გედორისა, და ხებერი - მამა სოხოსი, და იეკუთიელი - მამა ზანოახისა.

¹⁹ჰოდიას ცოლის, ნახამის დის ვაჟები: კეყილას მამა გარმელი და ეშთემოაყ მაყაქათელი.

²⁰შიმონის ძენი: ყამნონი, რინა, ბენ-ხანანი და თილონი. იშყის ძენი: ზოხეთი და ბენ-ზოხეთი.

²¹იუდას ძის შელას ვაჟები: ყერი - ლექას მამა, ლაყდა - მარეშას მამა და სელის საქმის საგვარეულოები აშბეაყის სახლიდან.

²²იოკიმი და ქოზებას კაცები, იოაში და სარაფი მოაბსა და იაშუბი-ლახემს ფლობდნენ. ეს ძველი ამბებია.

²³ისინი მეთუნეები იყვნენ და. ნეტაყიმსა და გედერაში სახლობდნენ, მეფესთან ცხოვრობდნენ და მისთვის შრომობდნენ.

²⁴სიმონის ძენი: ნემუელი, იამინი, იარიბი, ზერახი და შაული;

²⁵მისი ძე შალუმი, მისი ძე მიშმაყი.

²⁶მიშმაყის ძენი: მისი ძე ხამუელი, მისი ძე ზაქური, მისი ძე შიმყი.

²⁷შიმყის თექვსმეტი ვაჟი და ექვსი ქალი ჰყავდა. მის ძმებს ბევრი ვაჟები არ ჰყოლიათ და არც მათი საგვარეულო იყო იუდას ძეთა საგვარეულოსავით მრავალრიცხოვანი.

²⁸ისინი ცხოვრობდნენ ბეერ-შებაყში, მოლედასა და ხაცარ-შუყალში,

²⁹ბილჰაში, ყეცემში, თოლადში,

³⁰ბეთუელში, ხორმაში, ციკლაგში,

³¹ბეთ-მარქაბოთში, ხაცარ-სუსიმში, ბეთ-ბირსა და შაყარაიმში. აჰა, მათი ქალაქები დავითის გამეფებამდე.

³²მათი დასახლებები: ყეტამი, ყაინი, რიმონი, თოქენი, ყაშანი - ხუთი ქალაქი.

³³ასევე ყველა ის სოფლები, რომელნიც ამ ქალაქებს ეკვროდნენ ვიდრე ბაყალამდე. აჰა, მათი საცხოვრებელი და მათი საგვარტომო ნუსხა.

³⁴მეშობაბი, იამლექი, იოშა ამაციას ძე,

³⁵იოელი და იეჰუ, ძე იოშიბიასი, სერაიას ძისა, ყასიელის ძისა.

³⁶ელიოყენაი, იაყაკობა, იშოხაია, ყასაია, ყადიელი, იშიმიელი, ბენაია.

³⁷ზიზა, ძე შიფყისა, ძისა ალონისა, ძისა იედაიასი, ძისა შიმრისა.

³⁸ესენი, სახელებით რომ არიან ჩამოთვლილნი, თავ-თავიანთი საგვარეულოების მთავრები იყვნენ. მათი მამის სახლი ძალიან გაიზარდა.

³⁹მათ გედორისაკენ გასწიეს, ველის აღმოსავლეთით, თავიანთი ცხვრისთვის საძოვრების საძებნელად

⁴⁰და პოხიერსა და კარგ საძოვარს მიაგნეს. ვრცელი ქვეყანა იყო, თან მშვიდი და მყუდრო, რადგან უწინ აქ ქამის შთამომავლები ცხოვრობდნენ.

⁴¹ისინი, სახელებით რომ იყვნენ ჩამოწერილნი, იუდას მეფის იეხიზკიაჰუს დღეებში მოვიდნენ, და გაანადგურეს მათი კარვები და მაყონელნი, იქ რომ იყვნენ. იმ დღეს ერთიანად ამოწყვიტეს ისინი და მათ ნაცვლად დასახლდნენ, რადგან იქ იყო მათი ცხვრის საძოვრები.

⁴²მათგან - სიმონის ძეთაგან - ხუთასი კაცი სეყირის მთისკენ გაეშურა იშყის ძეთა: ფელატიას, ნეყარიას, რეფაიას და ყუზიელის მეთაურობით.

⁴³და გაანადგურეს ყამალეკის დარჩენილი ნატამალი და დღემდე იქ ცხოვრობენ.